མཚོ་སྔོན་གྱིས་འཇུ་ལག་ཆུ་བོ་ཙོང་ཆུར་འདྲེན་པའི་ཉ་རིགས་སྐྱེ་འཕེལ་དང་ཉ་ཆུར་གཏོང་བའི་བྱེད་སྒོ་སྤེལ།

ཟླ་བདུན་པའི་ཚེས་ཉེར་དགུ་ཉིན། མཚོ་སྔོན་ཞིང་ཆེན་འཇུ་ལག་ཆུ་བོ་ཙོང་ཆུར་འདྲེན་པའི་བཟོ་སྐྲུན་འཛུགས་སྐྲུན་འཁོར་སྐྱོད་ཅུའུ་ཡིས2025ལོའི་ཉ་རིགས་སྐྱེ་འཕེལ་དང་ཉ་ཆུར་གཏོང་བའི་བྱེད་སྒོ་སྤེལ། ཐེངས་འདིའི་བྱེད་སྒོ་སྤེལ་བ་ལས། ཞི་ཅིན་ཕིང་གི་སྐྱེ་ཁམས་དཔལ་ཡོན་དགོངས་པ་ལག་སྟར་གཏིང་ཟབ་བྱེད་པ་དང་འཇུ་ལག་ཆུ་བོ་ཙོང་ཆུར་འདྲེན་པའི་བཟོ་སྐྲུན་གྱི་སྐྱེ་ཁམས་ཁོར་ཡུག་སྲུང་སྐྱོང་གི་བླང་བྱ་དོན་འཁྱོལ་བྱེད་པའི་ཞིབ་ཕྲའི་བྱེད་ཐབས་ཤིག་ཡིན་ལ། མཚོ་སྔོན་ཞིང་ཆེན་གྱི“ཆུ་བེད་བཟོ་སྐྲུན་ཨང་དང་པོ”དེ་ཕྱོགས་ཡོངས་ནས་ལེགས་འགྲུབ་བྱུང་རྗེས་སྤུས་ཚད་མཐོ་བའི་འཕེལ་རྒྱས་ཀྱི་དུས་མཚམས་སུ་སླེབས་ནས། ཙོང་ཆུའི་བཞུར་བརྒྱུད་ཀྱི་སྐྱེ་ཁམས་སྲུང་སྐྱོང་དང་དམངས་འཚོ་ཇེ་ལེགས་སུ་གཏོང་རྒྱུར་སྒུལ་ཤུགས་གསར་པ་བསྣན་ཡོད།

འཇུ་ལག་ཆུ་བོ་ཙོང་ཆུར་འདྲེན་པའི་བཟོ་སྐྲུན་ནི་མཚོ་སྔོན་ཞིང་ཆེན་གྱི་ཆུ་བེད་བཟོ་སྐྲུན་ཨང་དང་པོ་ཡིན་པའི་ཆ་ནས། ཙོང་ཆུ་འབབ་རྒྱུད་ཀྱི་ཆུའི་ཐོན་ཁུངས་དཀོན་པ་དང་། འབབ་རྒྱུད་ཀྱི་ཆུ་མཁོ་སྤྲོད་ཐད་ཀྱི་འགལ་བ་ཐག་གཅོད་བྱེད་པའི་བཟོ་སྐྲུན་གལ་ཆེན་ཞིག་ཡིན། ལོ་མང་པོའི་རིང་འཛུགས་སྐྲུན་བྱས་པ་བརྒྱུད། མིག་སྔར་བཟོ་སྐྲུན་ལེགས་འགྲུབ་བྱུང་ནས་ཞིབ་བཤེར་རྩིས་ལེན་བྱས་པ་དང་ཕྱོགས་ཡོངས་ནས་འཁོར་སྐྱོད་བྱེད་བཞིན་ཡོད། མཚོ་སྔོན་ཞིང་ཆེན་ཙོང་ཆུའི་བྱང་བརྒྱུད་ཀྱི་གྲོང་ཁྱེར་དང་གྲོང་རྡལ་གྱི་འཐུང་ཆུའི་བདེ་འཇགས་དང་བཟོ་ལས་ཐད་སྤྱོད་པའི་ཆུ། ཐན་སྐམ་ཆེ་བའི་རི་ཁུལ་གྱི་མུའུ་ས་ཡ་གཅིག་གི(མུའུ1དང་སྤྱི་ཆིང0.067)རྨོ་ཞིང་དང་ནགས་ར། རྩྭ་སར་ཞིང་ཆུ་འདྲེན་པར་ནུས་པ་ཆེན་པོ་འདོན་ཐུབ། ཐེངས་འདིའི་ཉ་རིགས་ཆུར་གཏོང་བའི་བྱེད་སྒོ་སྤེལ་བ་དེས་སྐྱེ་ཁམས་དང་དམངས་འཚོའི་ཁྱབ་ཁོངས་ཀྱི་ལས་གཞིའི་རིན་ཐང་གསལ་བོར་མངོན་ཡོད་པ་རེད།