ཞིང་ཆེན་སྲིད་གྲོས་ཀྱིས་ཏང་ཙུའུ（རྒྱ་སྐྱེད）གྲོས་ཚོགས་བསྡུས་པ།

མཚོ་སྔོན་གསར་འགྱུར་དྲ་བའི་འཕྲིན། ཟླ7པའི་ཚེས31ཉིན། ཞིང་ཆེན་སྲིད་གྲོས་ཏང་ཙུའུ་ཧྲུའུ་ཅི། ཀྲུའུ་ཞི་མགོན་པོ་བཀྲ་ཤིས་ཀྱིས་ཞིང་ཆེན་སྲིད་གྲོས་ཏང་ཙུའུ(རྒྱ་སྐྱེད)གྲོས་ཚོགས་བསྡུས་པ་དང་། ཆེད་དོན་སྟེང་ཞིང་ཆེན་ཏང་ཨུའི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་དགུ་པའི་དགོངས་དོན་བརྒྱུད་སྒྲོག་དང་སློབ་སྦྱོང་བྱས་པ་དང་། དོན་འཁྱོལ་བསམ་འཆར་ལ་ཞིབ་འཇུག་བྱས་པ་རེད།ཚོགས་འདུའི་སྟེང་། ཝང་ཀྲེན་ཁྲང་གིས་ཞིང་ཆེན་ཏང་ཨུའི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་དགུ་པའི་དགོངས་དོན་བརྒྱུད་སྒྲོག་དང་སློབ་སྦྱོང་བྱས་པ་དང་། ཀྲང་ཞའོ་རུང་དང་། ཐེན་ཁུའེ། ལིའུ་ཏ་ཡེ་བཅས་ཀྱིས་རྗེས་རེས་གཏམ་བཤད་གནང་བ་རེད།

ཚོགས་འདུའི་སྟེང་བསྟན་དོན། ཞིང་ཆེན་ཏང་ཨུའི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་དགུ་པ་ནི་ཞིང་ཆེན་གྱིས་ཀྲུང་དབྱང་གི་གཏན་འབེབས་ཁག་བརྒྱད་ཀྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་ཏན་ཏིག་ཡོང་བའི་འགག་རྩའི་དུས་མཚམས་ཤིག་ཡིན་ལ། ཀྲུང་དབྱང་གིས་མཚོ་སྔོན་ལ་སྐོར་ཞིབ་བྱེད་པའི་དུས་ཚོད་གལ་ཆེན་ནང་འཚོགས་པའི་གྲོས་ཚོགས་གལ་ཆེན་ཞིག་ཡིན། ཚང་འཛོམས་གྲོས་ཚོགས་ཀྱིས་སྤྱོད་ཚུལ་འཛུགས་སྐྱོང་དང་སྤུས་ལེགས་འཕེལ་རྒྱས་གཙོ་དོན་དང་གཙོ་རྐང་དུ་བྱས་ཏེ། སྤྱོད་ཚུལ་འགྱུར་ལྡོག་ཆེན་པོའི་སྟེང་ནས་མཚོ་སྔོན་གྱི་གཙོ་གནད་ལས་དོན་ཁག་སྤུས་ལེགས་འཕེལ་རྒྱས་འགྲོ་བའི་སྐུལ་སློང་བཀའ་རྒྱ་བཏོན། ཞིང་ཆེན་ཏང་ཨུས་ཆབ་སྲིད་ཐོག་ནས་སྤྱོད་ཚུལ་གནད་དོན་ལ་ལྟ་སྟངས་འཛིན་པ་དང་། སྤྱོད་ཚུལ་འཛུགས་སྐྱོང་ལ་རྒྱུན་ཆད་མེད་པར་ཤུགས་སྣོན་པ། དཔལ་འབྱོར་འཕེལ་རྒྱས་ལ་སྐུལ་འདེད་ཤུགས་ཆེན་གཏོང་བ་བཅས་ཀྱི་འཐབ་ཇུས་ངེས་ཤུགས་དང་རྣམ་འགྱུར་གསལ་པོ་མངོན་ཡོད། 

ཚོགས་འདུའི་སྟེང་སྤྱོད་ལམ་འཛུགས་སྐྱོང་ལ་ཤུགས་སྣོན་པ་ནི་ཁྱོན་ཡོངས་དང་འབྲེལ་ཡོད་ལ།  དུས་བབ་ཆེན་པོའི་ཁ་ཕྱོགས་དང་། དོན་དངོས་ཀྱི་དགོས་མཁོ་བཅས་ཡིན་པས། ཚང་འཛོམས་གྲོས་ཚོགས་ཀྱི་དགོངས་དོན་ཁྲོད་ནས་སྤྱོད་ལམ་འཛུགས་སྐྱོང་ལ་ཤུགས་སྣོན་པའི་བློ་གྲོས་དང་སྟོབས་ཤུགས་བསྡུ་ལེན་བྱས་ཏེ། དཀའ་སྡུག་གཟི་བརྗིད་དུ་བརྩི་རྒྱུ་མཐའ་འཁྱོངས་དང་། དཀའ་སྡུག་ཁྲོད་མདུན་སྐྱོད་བྱེད་མཁས་པ། དཀའ་སྤྱད་འབད་བརྩོན་གྱིས་ཏང་ཡོན་ལས་བྱེད་པའི་བསྲུང་བྱ་གདམས་ངག་ཏུ་བརྩིས་ཏེ། བཀའ་དྲིན་ཤེས་པ་དང་། དུངས་སེམས་ལྡན་པ། ལས་ཀ་དངོས་ལ་མཐོང་ཆེན་བྱེད་པ་ནི་འགན་སྒྲུབ་ཀྱི་ཕྱོགས་གང་ཅིའི་བརྒྱུད་རིམ་ནང་ཁྱབ་པར་བྱེད་དགོས། རང་རྟོགས་ངང་སྒྲིག་སྲོལ་དང་སྒྲིག་ཁྲིམས་བརྩི་སྲུང་བྱེད་དགོས་པར་མ་ཟད། བློ་ཁོག་ཆེན་པོས་ལས་སྒྲུབ་དང་ལས་གཏོད་བྱས་ཏེ། སྤྱོད་ཚུལ་འགྱུར་ལྡོག་ཆེན་པོ་བྱུང་ནས་འགན་འཁྲི་སྒྲུབ་པའི་ནུས་པ་དང་ཆུ་ཚད་མཐོ་རུ་གཏོང་བར་སྐུལ་འདེད་བཏང་སྟེ། དེང་རབས་ཅན་གྱི་མཚོ་སྔོན་གསར་པ་འཛུགས་སྐྲུན་བྱེད་པར་སྔར་ལས་ནུས་ལྡན་གྱི་ཞབས་འདེགས་ཞུ་དགོས་པ་ནན་གྱིས་བསྟན།

ཚོགས་འདུའི་སྟེང་ཞིང་ཆེན་ཡོངས་ཀྱི་སྲིད་གྲོས་ཀྱིས་ཚང་འཛོམས་གྲོས་ཚོགས་ཀྱི་དགོངས་དོན་སློབ་སྦྱོང་དྲིལ་སྒྲོག་ལག་བསྟར་བྱ་རྒྱུ་དེ་མིག་སྔའི་ཆབ་སྲིད་ཀྱི་ལས་འགན་གལ་ཆེན་ཞིག་ཏུ་བརྩིས་ནས། འགོ་ཁྲིད་ཀྱིས་སྣེ་ཁྲིད་དེ་ཚང་འཛོམས་གྲོས་ཚོགས་ཀྱི་དགོངས་དོན་སྔར་ལས་ལེགས་པར་གཞི་ཚུགས་པར་སྐུལ་འདེད་གཏོང་དགོས། བྱེད་ཐབས་མང་པོ་མཉམ་དུ་སྤེལ་ནས་བསམ་བློ་ཆབ་སྲིད་ཀྱི་སྣེ་ཁྲིད་ལ་ཤུགས་སྣོན་དགོས་པ་དང་། སྲིད་གྲོས་རྩ་འཛུགས་དང་སྲིད་གྲོས་ཨུ་ཡོན་རང་ངོས་སློབ་སྦྱོང་དང་ལག་བསྟར་དམ་འཛིན་ཡག་པོ་བྱེད་དགོས་ལ། ལས་རིགས་ཁག་གི་མང་ཚོགས་ལ་གཞིགས་ནས་དྲིལ་སྒྲོག་དང་འགྲེལ་བཤད་ཡག་པོ་བྱས་ཏེ། ཚང་འཛོམས་གྲོས་ཚོགས་ཀྱི་དགོངས་དོན་མི་རིགས་སོ་སོ་དང་ལས་རིགས་ཁག་གི་ཆབ་སྲིད་ཀྱི་གཅིག་མཐུན་དང་རང་རྟོགས་བྱ་སྤྱོད་ཅིག་ཏུ་འགྱུར་བར་སྐུལ་འདེད་གཏོང་བ་དང་། ལོ་འཁོར་གྱི་གཙོ་གནད་གྲོས་མོལ་གྲོས་དོན་དམ་འཛིན་དང་མགྱོགས་མྱུར་ངང་སྐུལ་འདེད་གཏོང་བ། ཚང་འཛོམས་གྲོས་ཚོགས་སྟེང་བཀོད་སྒྲིག་བྱས་པའི་གཙོ་གནད་དང་དཀའ་གནད་ཀྱི་ལས་འགན་དམ་པོར་དམ་འཛིན་བྱས་ནས་དངོས་སྒྲུབ་བསམ་འཆར་དང་ཐབས་ཇུས་འདོན་པ། དམངས་གཙོའི་ལྟ་སྐུལ་ལ་ཤུགས་སྣོན་པ་བཅས་བྱས་ཏེ། སྤུས་ཚད་མཐོ་བའི་འགན་འཁྲི་བསྒྲུབས་པའི་གྲུབ་འབྲས་ལ་བརྟེན་ནས་མངོན་འགྱུར་གྱི“ལོ་ལྔའི་འཆར་གཞི་བཅུ་བཞི་པའི”གྲུབ་འབྲས་ཕུན་སུམ་ཚོགས་པར་མཇུག་འགྲིལ་བ་དང་། “ལོ་ལྔའི་འཆར་གཞི་བཅོ་ལྔ་པའི”འགོ་ཡག་པོ་འཛུགས་དགོས། ཐོག་མཐའ་བར་གསུམ་དུ་སློབ་སྦྱོང་དང་སློབ་གསོ་དམ་འཛིན་ཡག་པོ་བྱས་ཏེ། ཆོད་སེམས་མི་འགྱུར་བ་དང་། ཚད་གཞི་མི་དམའ་བ། ཤུགས་ཚད་ཆུང་དུ་མི་གཏོང་བ། སློབ་སྦྱོང་གོ་བ་ལེན་པའི་ཐད་བྱ་ཐབས་སྔར་བས་གཏིང་ཟབ་ཏུ་སྤེལ་བ་དང་། ཞིབ་བཤེར་བཟོ་བཅོས་ཀྱི་གནད་དོན་ཐད་སླར་ཡང་དོ་ཁུར་བྱེད་པ། སྒྲིག་སྲོལ་ལམ་ལུགས་འཛུགས་པའི་ཐད་སྔར་བས་ནུས་ཤུགས་འདོན་པ་དང་། མིག་སྔའི་བསྒྱུར་བཅོས་དང་ཡུན་རིང་འཛུགས་རྒྱུ་ཟུང་འབྲེལ་བྱས་ཏེ། ལས་བྱེད་པ་དང་མང་ཚོགས་ཀྱི་ལྟ་སྐུལ་རང་འགུལ་ངང་དང་ལེན་བྱེད་པ་དང་། དོན་དངོས་དང་མཐུན་པའི་བཅོས་སྒྲིག་གི་ཕན་འབྲས་ལ་བརྟེན་ནས་མང་ཚོགས་ལ་ལན་འདེབས་པ་དང་། དམངས་ལ་ཡིད་ཆེས་བརྟན་པོ་ཡོང་བ་བྱེད་དགོས་ཞེས་ནན་གྱིས་བསྟན།རིན་ཆེན་རྣམ་རྒྱལ་དང་། ཁོང་ཡུང་། ལི་ཞའོ་ནན། གསེར་ཁྲི་ཆོས་ཀྱི་བློ་གྲོས་རྒྱ་མཚོ། མ་ཡུའེ་ཞང་། ཞེ་པའོ་ཨེན་བཅས་དང་ལས་ཁུངས་ཁྲུའུ་རིམ་པའི་ཡན་ཆད་ཏང་ཡོན་ལས་བྱེད་པ་བཅས་ཚོགས་འདུར་ཞུགས་པ་རེད།