ཟི་ལིང་དུ་གནས་སྐབས་ཀྱི་འགྲུལ་སྐྱེལ་མེ་འཁོར་ཐེངས་མང་ཁ་སྣོན་བྱས་པ།

ཉེ་ལམ། གསར་འགོད་པས་ཀྲུང་གོ་ལྕགས་ལམ་མཚོ་བོད་སྡེ་ཚོགས་ཚད་ཡོད་ཀུང་སི་ནས་ཤེས་གསལ་ལྟར་ན། དབྱར་གནང་སྐབས་ཀྱི་འགྲུལ་པའི་འགྲོ་སྐྱོད་དགོས་མཁོར་གཞིགས་ནས། མཚོ་བོད་སྡེ་ཚོགས་ཀུང་སིས་ཟི་ལིང་ནས་ལྷ་སའི་བར་དང་། ཟི་ལིང་ནས་རྒྱ་མདོ་བར་གནས་སྐབས་འགྲུལ་སྐྱེལ་མེ་འཁོར་ཁ་སྣོན་བྱས་པ་རེད། 

ཟླ8པའི་ཚེས3ཉིན་དང་ཚེས6ཉིན། ཚེས9ཉིན། ཚེས12ཉིན། ཚེས15ཉིན། ཚེས18ཉིན། ཟི་ལིང་ནས་ལྷ་སའི་བར་དུ་གནས་སྐབས་ཀྱི་འགྲུལ་སྐྱེལ་མེ་འཁོརZ9821ཁ་སྣོན་བྱས། 

ཟླ8པའི་ཚེས2ཉིན་དང་། ཚེས5ཉིན། ཚེས8ཉིན། ཚེས11ཉིན། ཚེས14ཉིན། ཚེས17ཉིན། ཚེས20ཉིན་བཅས་ལ་ལྷ་ས་ནས་ཟི་ལིང་བར་གནས་སྐབས་འགྲུལ་སྐྱེལ་མེ་འཁོརZ9822ཁ་སྣོན་བྱས། 

ཟླ8པའི་ཚེས1ཉིན་ནས་ཟླ8པའི་ཚེས31ཉིན་བར་ལ་ཟི་ལིང་ནས་རྒྱ་མདོ་བར་འགྲུལ་སྐྱེལ་མེ་འཁོརD9915/6དང་། D9917/8 ། D9919/20བཅས་གནས་སྐབས་ཁ་སྣོན་བྱས་པ་རེད། 

ལྕགས་ལམ་སྡེ་ཁག་གི་བརྡ་བཏང་བ་ལྟར་ན། རྒྱ་ཆེའི་འགྲུལ་པ་རྣམས་ཀྱིས་ལྕགས་ལམ12306དྲ་ཚིགས་དང་། འཕྲིན་སྟེགས་སོགས་ཀྱི་སྟེང་ནས་མེ་འཁོར་གྱི་ཆ་འཕྲིན་དང་ཡང་ན་མེ་འཁོར་ས་ཚུགས་ཀྱི་གསལ་བསྒྲགས་དོ་ཁུར་བྱས་ནས་ལུགས་མཐུན་ངང་ཡུལ་སྐོར་གྱི་ལམ་ཐིག་བཀོད་སྒྲིག་བྱེད་དགོས།