རྐ་འབའ་སུམ་མདོ་གྲོང་རྡལ་གྱིས་སྲོལ་རྒྱུན་ལུས་རྩལ་འགྲན་སྡུར་བྱས་པ།

  ཏང་གི་ཚོགས་ཆེན་ཉི་ཤུ་པའི་དགོངས་དོན་ལག་བསྟར་གཏིང་ཟབ་དང་། རོང་འབྲོག་མང་ཚོགས་ཀྱི་རིག་གནས་འཚོ་བ་ཕུན་སུམ་ཇེ་ཚོགས་དང་མི་རིགས་མཐུན་སྒྲིལ་ཡར་ཐོན་ཡོང་བ་བཅས་ལ་སྐུལ་འདེད་གཏོང་ཆེད། ཉེ་སྔོན། རྐ་འབའ་སུམ་མདོ་གྲོང་རྡལ་གྱིས་རོང་འབྲོག་པའི་མི་རིགས་སྲོལ་རྒྱུན་རིག་གནས་ལུས་རྩལ་འགྲན་ཚོགས་སྤེལ།

  ཐེངས་འདིའི་ལུས་རྩལ་འགྲན་བསྡུར་གྱི་ནང་དོན་ཕུན་སུམ་ཚོགས་ཤིང་། དེས་ཁྲོད་རྩལ་འགྲན་ལུས་རྩལ་རྣམ་གྲངས་དང་མི་རིགས་རིག་རྩལ་འགྲེམས་སྟོན་བཅས་ཚུད་ཡོད་ལ། འགྲན་བསྡུར་རང་བཞིན་དང་འཁྲབ་སྟོན་རང་བཞིན་གཉིས་ལྡན་ཡིན་པས། ཕྱོགས་ཡོངས་ནས་མི་རིགས་རིག་གནས་ཀྱི་ཡིད་དབང་འཕྲོག་པ་དང་རོང་འབྲོག་པའི་བསམ་བློའི་རྣམ་པ་མངོན་པར་བྱས་ཡོད། རྩལ་འགྲན་ལུས་རྩལ་རྣམ་གྲངས་ལ་ས་སྒྱེ་འཇོག་པ་དང་། གླང་ཆེན་ས་གཤགས། ཐག་འཐེན་སོགས་ཡོད་ལ།  འགྲན་ཞུགས་ལུས་རྩལ་པ་ཚོས་རང་ནུས་རྩལ་དུ་བཏོན་ནས་འགྲན་ཡ་ལས་རྒྱལ་བར་བརྩོན་ལེན་བྱེད་བཞིན་ཡོད་ལ། ལྟད་མོ་བ་རྣམས་ཀྱིས་ཀྱང་དགའ་བསུ་བྱས་ཏེ་སྐུལ་ལྕག་གནང་བས་འགྲན་ར་ཡོངས་སུ་འཁྲུག་ཆ་དོད་པོ་བྱུང་།

   དམངས་གླུ་ལེན་མཁན་རྣམས་ཀྱིས་སྐད་ངག་སྙན་མོ་དབྱངས་ལ་བཀུག་ནས་བདེ་སྐྱིད་འཚོ་བར་བསྟོད་གླུ་དང་། མཛེས་སྡུག་ལྡན་པའི་རྩྭ་ཐང་ལ་སྔར་ལས་ལྷག་པའི་གསོན་ཤུགས་རྒྱས་སུ་བཅུག རྐ་འབའ་སུམ་མདོ་གྲོང་རྡལ་གྱི་སྡེ་བ་དང་སྡོད་ཁུལ་སོ་སོ་ནས་ཐོན་པའི་ལུས་རྩལ་པ་དང་། དམངས་ཁྲོད་སྒྱུ་རྩལ་པ་རྣམས་འབའ་ཡུལ་རྩྭ་ཐང་དུ་འཛོམས་ནས་རིག་གནས་ལུས་རྩལ་གོང་འཕེལ་དང་འཇོན་ནུས་གསོ་སྐྱོང་བྱས་ཤིང་། ཛ་དྲག་གི་འགྲན་ར་ལས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་ལ་ངེས་ཤེས་རྙེད་པ་དང་། སྙན་འཇེབས་ཀྱི་གླུ་སྐད་ཁྲོད་ཁོ་ཚོས་མི་རིགས་མཐུན་སྒྲིལ་གྱི་བརྩེ་བ་ཕྱི་རུ་མངོན། 

   ལྡེམ་མྱུར་གྱི་ཞབས་བྲོའི་སྟངས་སྟབས་ཁྲོད། ཁོ་ཚོས་སྤྲོ་སེམས་ཀྱི་སྒོ་ནས་སེམས་པ་གཅིག་ལ་ཕྱོགས་ནས་མཛེས་པའི་ཉམས་འགྱུར་མངོན་པ་དང་།  མི་རིགས་ཁག་གི་མང་ཚོགས་ཀྱིས་དགའ་སྤྲོའི་འཛུམ་མདངས་ཁྲོད་ཏང་གི་སྐད་ཆར་ཉན་པ་དང་། ཏང་གི་བཀའ་དྲིན་དྲན་པ།ཏང་གི་རྗེས་སུ་འབྲངས་པའི་ལྷག་བསམ་གྱི་འབད་བརྩོན་རེ་རེ་དང་། གླུ་གཞས་ཁྲོད་ཀྱི་མདུན་སྐྱོད་ཀྱི་སྙིང་སྟོབས་བཅས་ཀྱི་ཁྲོད་ཐུན་མོང་གི་མཐུན་སྒྲིལ་སྟོབས་ཤུགས་དེ་རྩྭ་ཐང་དུ་རྒྱས་ཤིང་བདེ་སྐྱིད་ཀྱི་འཚོ་བ་དེ་རྩྭ་ཐང་ནས་ངོམ་བྱུང་།