མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ7པའི་ཚེས30ཉིན་གྱི་སྔ་དྲོར། ཞིང་ཆེན་ཡོངས་ཀྱི་དམག་ཁོངས་ལས་ཕྱིར་བུད་པའི་དམག་མིའི་བྱ་བའི་གྲོས་ཚོགས་དང་གཉིས་བཀུར་གཟེངས་བསྟོད་ཚོགས་ཆེན་ཟི་ལིང་དུ་བསྡུས་ནས། ཞི་ཅིན་ཕིང་གི་དམག་དཔུང་སྟོབས་ཆེར་གཏོང་བའི་དགོངས་པ་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དམག་ཁོངས་ལས་ཕྱིར་བུད་པའི་དམག་མིའི་བྱ་བ་དང་གཉིས་བཀུར་བྱ་བའི་སྐོར་གྱི་དགོངས་དོན་ལག་བསྟར་གཏིང་ཟབ་བྱས་པ་དང་། རྒྱལ་ཡོངས་དམག་ཁོངས་ལས་ཕྱིར་བུད་པའི་དམག་མིའི་བྱ་བའི་གྲོས་ཚོགས་དང་རྒྱལ་ཡོངས་གཉིས་བཀུར་དཔེ་སྟོན་གྲོང་ཁྱེར་གྱི་མིང་འདོགས་ཚོགས་ཆེན་གྱི་དགོངས་དོན་དངོས་འབེབས་ནན་མོ་བྱས་ཤིང་། བྱ་བ་ཕྱོགས་སྡོམ་དང་དཔེ་སྟོན་ལ་གཟེངས་བསྟོད་བྱས་པར་མ་ཟད། ལས་འགན་བཀོད་སྒྲིག་བྱས། ཞིང་ཆེན་ཏང་ཨུའི་ཧྲུའུ་ཅི། ཞིང་ཆེན་དམག་ཁུལ་ཏང་ཨུའི་ཧྲུའུ་ཅི་དང་པོ་ཝུའུ་ཞའོ་ཅུན་གྱིས་གཏམ་བཤད་པ་དང་། ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཧྲིན་ཀྲང་ལུའོ་ཏུང་ཁྲོན་གྱིས་འགོ་འཛིན་བྱས་ལ། དབྱང་ལུང་ཞི་ཡིས་མཚོ་སྔོན་དུ་སྡོད་པའི་དམག་དཔུང་གི་ཚབ་བྱས་ནས་གཏམ་བཤད།
ཝུའུ་ཞའོ་ཅུན་གྱིས་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་། ཞིང་ཆེན་དམག་ཁུལ་བཅས་ཀྱི་ཚབ་བྱས་ནས་གཟེངས་བསྟོད་ཐོབ་པའི་གཉིས་བཀུར་གྱི་དཔེ་སྟོན་ལས་ཁུངས་དང་མི་སྒེར། དམག་ཁོངས་ལས་ཕྱིར་བུད་པའི་ཕུལ་བྱུང་དམག་མི་བཅས་ཀྱི་འཐུས་ཚབ་པར་རྟེན་འབྲེལ་ཞུས། ཝུའུ་ཞའོ་ཅུན་གྱིས་ལོ་ངོ་ལྔའི་རིང་ལ། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པའི་ཚན་རིག་དང་མཐུན་པའི་མཛུབ་སྟོན་འོག དམག་ཁོངས་ལས་ཕྱིར་བུད་པའི་དམག་མིའི་བྱ་བ་དང་གཉིས་བཀུར་བྱ་བ་བསྟུད་མར་འཕེལ་རྒྱས་ཕྱིན་ནས་གྲུབ་འབྲས་མངོན་གསལ་ཐོབ་ཡོད་ལ། རྒྱ་ཆེའི་དམག་ཁོངས་ལས་ཕྱིར་བུད་པའི་དམག་མིའི་བློ་སྤོབས་ལ་ཉམས་པ་མེད་པར་དུས་རབས་གསར་པར་བྱས་རྗེས་བཞག་པ་དང་། དུས་རབས་གསར་པའི་མཚོ་སྔོན་གྱི་དམག་དཔུང་དང་ས་གནས་ཀྱི་མཐུན་སྒྲིལ་དང་དམག་དམངས་མཉམ་འབྲེལ་གྱི་གསོན་ཉམས་ལྡན་པའི་ལག་ལེན་མཉམ་དུ་བྲིས་ཡོད། ཆབ་སྲིད་ཀྱི་ཁྲིད་སྟོན་རྒྱུན་འཁྱོངས་བྱེད་པ་དང་། བསམ་བློའི་སློབ་གསོར་ཤུགས་སྣོན་པ། སྔོན་ཐོན་དཔེ་མཚོན་སྐུལ་ཁྲིད་བྱེད་ནུས་འདོན་སྤེལ་བྱེད་པ། དམར་པོའི་ཐོན་ཁུངས་བེད་སྤྱོད་གང་ལེགས་བྱས་ནས། རྒྱ་ཆེའི་དམག་ཁོངས་ལས་ཕྱིར་བུད་པའི་དམག་མིའི་སྣེ་ཁྲིད་དེ་ཏང་གི་བཀའ་ལ་ཉན་པ་དང་ཏང་གི་རྗེས་སུ་འབྲངས་དགོས། ཞབས་ཞུ་འགན་སྲུང་ལ་ཤུགས་སྣོན་པ་དང་། བདེ་འགོད་རྐྱེན་སྲོལ་འཐུས་ཚང་དུ་འཛུགས་པ། དཀའ་སེལ་རོགས་སྐྱོར་བྱེད་ཤུགས་ཇེ་དྲག་ཏུ་གཏོང་བ་དང་། ཞབས་ཞུ་འགན་སྲུང་སྤུས་ནུས་མཐོར་འདེགས་བཏང་སྟེ། དམག་མི་དེ་སྤྱི་ཚོགས་ཡོངས་ཀྱིས་གོང་བཀུར་བྱེད་པའི་ལས་རིགས་སུ་འགྱུར་བར་བྱེད་དགོས། དགེ་མཚན་ལྡན་པའི་བྱེད་ནུས་འདོན་སྤེལ་བྱེད་པ་དང་། རྒྱ་ཆེའི་དམག་ཁོངས་ལས་ཕྱིར་བུད་པའི་དམག་མི་རྣམས་མཐོ་ས་དང་གནས་བཞིའི་འཛུགས་སྐྲུན་ཁྲོད་ཧུར་ཐག་གིས་ཞུགས་པར་ཁྲིད་སྟོན་བྱས་ནས། དམག་ཁོངས་ལས་ཕྱིར་བུད་པའི་དམག་མི་དེ་སྤྱི་ཚོགས་ཡོངས་ཀྱིས་བརྩི་བཀུར་བྱེད་པའི་མི་རུ་འགྱུར་བར་བྱེད་དགོས། དམག་དམངས་ཀྱི་མཐུན་སྒྲིལ་ཇེ་དམ་དུ་གཏོང་བ་དང་། འཕྲལ་བསྟུན་གྲ་སྒྲིག་འགན་སྲུང་ནུས་པ་མཐོར་འདེགས་བཏང་སྟེ། དམག་དཔུང་དང་ས་གནས་ཕན་ཚུན་བར་དོན་དངོས་སྒྲུབ་རེས་ཀྱི་གསལ་ཐོའི་ལམ་ལུགས་དོན་འཁྱོལ་བྱེད་པ་དང་། རྒྱལ་སྲུང་དང་དམག་དཔུང་དེང་རབས་ཅན་གྱི་འཛུགས་སྐྲུན་ལ་རོགས་ཤུགས་འདོན་དགོས། ཏང་གི་ཕྱོགས་ཡོངས་ཀྱི་འགོ་ཁྲིད་རྒྱུན་འཁྱོངས་བྱེད་པ་དང་། དམག་ཁོངས་ལས་ཕྱིར་བུད་པའི་དམག་མིའི་བྱ་བ་དང་གཉིས་བཀུར་བྱ་བའི་རྩ་འཛུགས་འགན་སྲུང་བསྟུད་མར་ལེགས་པོར་སྒྲུབ་སྟེ། དུས་རབས་གསར་པའི་དམག་ཁོངས་ལས་ཕྱིར་བུད་པའི་དམག་མིའི་བྱ་བ་དང་གཉིས་བཀུར་བྱ་བའི་རྣམ་པ་གསར་པ་ཧུར་ཐག་གིས་གཏོད་དགོས་ཞེས་ནན་གྱིས་བསྟན།
ལུའོ་ཏུང་ཁྲོན་གྱིས་བསྟན་དོན། ས་གནས་སོ་སོ་དང་སྡེ་ཁག་སོ་སོས་དམག་ཁོངས་ལས་ཕྱིར་བུད་པའི་དམག་མིའི་བྱ་བ་དང་གཉིས་བཀུར་བྱ་བའི་གོ་གནས་བྱེད་ནུས་དང་འགན་འཁྲི་ལས་འགན། རིན་ཐང་གི་ཁྲིད་ཕྱོགས། རྐྱེན་སྲོལ་གྱི་འགན་སྲུང་བཅས་སྟངས་འཛིན་ཡང་དག་བྱེད་པ་དང་། ཐོན་ཁུངས་གཅིག་འདོམས་ལ་ཤུགས་སྣོན་པ། དམག་དཔུང་དང་ས་གནས་ཀྱི་མཉམ་ཤུགས་ཆེ་རུ་བསྐྱེད་དེ། ཏང་དང་རྒྱལ་ཁབ་ཀྱི་བྱ་བའི་ཁྱོན་ཡོངས་དང་། རྒྱལ་སྲུང་དང་དམག་དཔུང་འཛུགས་སྐྲུན་གྱི་སྤྱི་ཡོངས་ལ་སྔར་ལས་ཞབས་འདེགས་ཞུ་དགོས། གཙོ་གནད་ལས་འགན་ལ་དམིགས་ནས། ནུས་ཤུགས་ཡོད་རྒུས་དམག་དཔུང་གི་བཅོས་སྒྱུར་འཕེལ་རྒྱས་དང་དམག་སྦྱོང་དམག་གྲབས་ལ་རྒྱབ་སྐྱོར་བྱེད་པ་དང་། དམག་ཁོངས་ལས་ཕྱིར་བུད་པའི་དམག་མིའི་ཞབས་ཞུ་འགན་སྲུང་བྱ་བ་ལེགས་པོར་བསྒྲུབ་ནས། དམག་སྲིད་དང་དམག་དམངས་ཀྱི་མཐུན་སྒྲིལ་བརྟན་པོ་སྔར་ལས་སྲ་བརྟན་དང་འཕེལ་རྒྱས་གཏོང་དགོས། བྱ་བའི་མཉམ་ཤུགས་གཅིག་སྡུད་བྱས་ཏེ། རྩ་འཛུགས་དོ་དམ་དང་བྱ་བ་འཁོར་རྒྱུག སྲིད་ཇུས་ལམ་ལུགས་བཅས་སྔར་ལས་འཐུས་ཚང་དུ་གཏོང་བ་དང་། ཞིང་ཆེན་ཡོངས་ཀྱི་དམག་ཁོངས་ལས་ཕྱིར་བུད་པའི་དམག་མིའི་བྱ་བ་དང་གཉིས་བཀུར་བྱ་བའི་སྤུས་ཚད་མཐོ་བའི་འཕེལ་རྒྱས་ཐད་ཐོད་བརྒལ་གསར་པ་འབྱུང་བ་དང་སྐས་རིམ་གསར་པར་སླེབས་པར་སྐུལ་འདེད་གཏོང་དགོས།
དབྱང་ལུང་ཞི་ཡིས་བསྟན་དོན། མཚོ་སྔོན་དུ་སྡོད་པའི་དམག་དཔུང་གིས་སྲིད་བཀུར་དམངས་གཅེས་ཀྱི་སྲོལ་རྒྱུན་བཟང་པོ་དར་སྤེལ་དང་རྒྱུན་འཛིན། དོན་འཁྱོལ་ལེགས་པོ་བཅས་བྱེད་དགོས། དམག་སྲིད་དང་དམག་དམངས་ཀྱི་མཐུན་སྒྲིལ་ཇེ་དམ་དུ་གཏོང་བ་དང་། ཡག་ཐོག་རྒྱན་བརྩེགས་སྒོས་མཐུན་སྒྲིལ་སྔར་ལས་ཇེ་དམ་དུ་གཏོང་དགོས། ས་གནས་ཀྱི་འཛུགས་སྐྲུན་འཕེལ་རྒྱས་ལ་རོགས་སྐྱོར་བྱེད་པ་དང་། སྔར་ལས་ནུས་ཤུགས་བཏོན་ནས། འཕེལ་ཕྱོགས་བཟང་པོ་ལེགས་འགྲུབ་འབྱུང་བར་ངེས་པར་དུ་མི་སྒེར་ཟབ་ཞུགས་བྱེད་དགོས། འཕྲལ་བསྟུན་དམག་གྲབས་ནུས་པ་མཐོར་འདེགས་གཏོང་བ་དང་། སྔར་ལས་དམ་འཛིན་ནན་མོ་བྱས་ནས། དམག་གྲབས་ཀྱི་ངར་ཤུགས་དེ་དམག་དཔུང་སྟོབས་ལྡན་དུ་གཏོང་བའི་གོམ་སྟབས་ཀྱི་རྗེས་སུ་འབྲངས་པ་དང་། ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་སྔོན་ལག་ལེན་ཁྲོད་སྔར་ལས་ཆེ་བའི་སྟོབས་ཤུགས་གསར་པ་འབུལ་དགོས།
ཚོགས་འདུར་ཞུགས་པའི་ཞིང་ཆེན་གྱི་འགོ་ཁྲིད་པས་གཟེངས་བསྟོད་ཐོབ་པའི་འཐུས་ཚབ་པར་བྱ་དགའ་གནང་། ཀྲའོ་ཏུང་དང་ཝུའུ་ཞུའེ་ཉིང་། ཏུང་ཧུང་དབྱིན། ཨ་ཧོས་ཅུན་བཅས་ཀྱིས་བརྗེ་རེས་གཏམ་བཤད་བྱས།
མགོན་པོ་བཀྲ་ཤིས་དང་ཝང་ལིས་མེན། ཝང་ཝེ་ཏུང་། ཝུའུ་ལ་ཙི་པེ་ཁི·རེ་སུའུ་ལིས་ཧན། ལོའུ་ཀང་། དབྱང་ཀྲི་ཝུན་བཅས་ཚོགས་འདུར་ཞུགས།
