ཕན་འབྲས་དངོས་ལ་དམིགས་ནས་སློབ་སྦྱོང་སློབ་གསོ་རྒྱུན་མཐུད་ངང་གཏིང་ཟབ་ཏུ་སྤེལ།

པེ་ཅིང་མཁར་ཤར་ས་ཁུལ་དང་ཞིན་ཅང་ཝུའུ་རུམ་མུའུ་ཆི་གྲོང་ཁྱེར་གྱིས་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོ་སྤེལ་ནས། མང་ཚོགས་ཀྱི་བྲེལ་དཀའ་ཁྲལ་སྒུག་གི་གནད་དོན་གསལ་ཐོར་བཀོད་ལ། ཤེས་མ་ཐག་ཡོ་བསྲང་དང་དངོས་ཕན་དོན་གཉེར་བྱས་ཏེ། སློབ་སྦྱོང་སློབ་གསོའི་གྲུབ་འབྲས་དེ་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ་དང་མང་ཚོགས་ལ་ཞབས་འདེགས་ཞུ་བའི་འགུལ་སྐྱོད་དངོས་ལ་བསྒྱུར།

པེ་ཅིང་མཁར་ཤར་ས་ཁུལ་གྱིས་དམངས་འཚོའི་གནད་དོན་ཐག་གཅོད་བྱ་རྒྱུ་དེ་འབུར་ཐོན་གྱི་གནས་སུ་བཞག་ནས། 　སྤྱི་འདོམས་བཀོད་གཏོང་དང་མཉམ་འབྲེལ་ལམ་སྲོལ་བརྒྱུད་དེ། གཞིས་ཁུལ་རྙིང་པ་སྒྱུར་བཀོད་སོགས་གཞིས་ཁུལ་རིམ་པའི་མང་ཚོགས་ཀྱི་བྲེལ་དཀའ་ཁྲལ་སྒུག་གི་གནད་དོན་དགུ་གང་ནུས་ཀྱིས་ཐག་བཅད། དུས་མཚུངས་སུ་བརྟག་ཞིབ་ཚན་ཆུང་བཙུགས་ནས། ལས་ཡུལ་དང་པོར་བསྐྱོད་དེ་བསམ་འཆར་ལ་ཉན་པ་དང་ཕྱོགས་བསྡུས་སྒོས་གནད་དོན་ཐག་གཅོད་ཀྱི་བསམ་ཕྱོགས་དང་བྱེད་ཐབས་ཆགས་པར་བྱས། མིག་སྔར། ས་ཁུལ་ཡོངས་ཀྱི་ཕྱོགས་བསྡུས་དག་ཐེར་བྱས་པའི་གཞིས་ཁུལ་རྙིང་པ114དེ། མ་དངུལ་བེད་སྤྱོད་དང་ཞིབ་མཆན་འགོད་ལུགས་ཞིབ་ཚགས་སུ་གཏོང་བ་དང་ཇུས་གཞིའི་ཞིབ་བཤེར་ཇེ་དྲག་ཏུ་གཏོང་བ་སོགས་ཀྱི་བྱེད་ཐབས་བརྒྱུད། ལས་གཞི་གང་མགྱོགས་སྒོས་བསྒྲུབས། ཟླ6པར་དག་ཐེར་ལེགས་གྲུབ་བྱུང་བའི་གཞིས་ཁུལ་དུ། གསར་འགོད་པས་སྔོན་ཆད་ཀྱི་རྙོག་འཛིང་ཆེ་བའི་ཁོར་ཡུག་དེ་ཡོངས་སུ་གསར་བསྒྱུར་བྱས་ཡོད་པ་མཐོང་།

པེ་ཅིང་མཁར་ཤར་ས་ཁུལ་གྱི་སྡོད་དམངས་དབྱང་ཅུན་ཧྭ་ཡིས་བཤད་རྒྱུར། ཁྱོད་ཀྱིས་ས་ངོས་སྙོམས་པར་ལྟོས་དང་། མེ་ཏོག་ལྡུམ་ར་ཡང་གསར་དུ་ལེགས་བཅོས་བྱས་ནི་རེད། ངོ་མ་ཅིག་ཡག་གི་ཟེར།

མིག་སྔར། པེ་ཅིང་མཁར་ཤར་ས་ཁུལ་དུ་གནད་དོན881འཚོལ་བཤེར་བྱས་པ་དང་རེ་རེ་བཞིན་དག་ཐེར་བྱེད་བཞིན་ཡོད།

པེ་ཅིང་གྲོང་ཁྱེར་མཁར་ཤར་ས་ཁུལ་ཏང་ཨུའི་གཞུང་སྒྲུབ་ཁང་གི་འགོ་གཙོ་ཝེ་དབྱི་རིན་གྱིས་བཤད་རྒྱུར། ང་ཚོས་སློབ་སྦྱོང་སློབ་གསོའི་གྲུབ་འབྲས་མུ་མཐུད་སྲ་བརྟན་དུ་བཏང་སྟེ། བརྟག་ཞིབ་ཆེན་པོ་དང་བཅོས་སྒྱུར་ལ་སྐུལ་འདེད། འཕེལ་རྒྱས་དོན་གཉེར་བཅས་ཀྱི་བྱེད་སྒོ་དམ་འཛིན་བྱས་ནས། བྱ་བའི་སྤྱོད་ཚུལ་མུ་མཐུད་དུ་ལེགས་བཅོས་བྱེད་དགོས་ལ། མང་ཚོགས་ཀྱི་བྲེལ་དཀའ་ཁྲལ་སྒུག་གི་གནད་དོན་ཐག་གཅོད་ཏན་ཏིག་བྱེད་དགོས་ཤིང་། བྱ་བའི་ཕན་འབྲས་དངོས་དེ་མང་ཚོགས་ཀྱིས་ཚོར་ཐུབ་པའི་དྲོ་སྐྱིད་དང་བློ་བདེ་སྤྱད་དུ་བསྒྱུར་ནས། རྒྱལ་སའི་སྤུས་ཚད་མཐོ་བའི་འཕེལ་རྒྱས་ལ་སྲ་ཞིང་བརྟན་པའི་སྤྱོད་ཚུལ་གྱི་འགན་སྲུང་མཁོ་འདོན་བྱེད་དགོས་ཟེར།

ཞིན་ཅང་ཝུའུ་རུམ་མུའུ་ཆི་ཡིས་སྲིད་དོན་ཞབས་ཞུ་དང་ལེན་གྱི་ལས་ཆོད་དང་སྒྲུབ་གཉེར་སྤུས་ཚད། མང་ཚོགས་ཀྱི་བློ་ཡིད་ཚིམ་ཚད་སོགས་ཐད་ཀྱི་འབུར་ཐོན་གནད་དོན་ལ་དམིགས་ཏེ། སྡོད་ཁང་འཛུགས་སྐྲུན་ཅུའུ་དང་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུའུ། དམངས་སྲིད་ཅུའུ་སོགས་སྡེ་ཁག་ལ་མཐུན་སྦྱོར་བྱས་ཤིང་། ལས་རིགས་མ་ལག་གི་ལས་སྟེགས20ལྷག་བཀོལ་བ་དང་། གཞི་གཅིག་ཅན་གྱི་གཞི་གྲངས་ཐོན་ཁུངས་ཀྱི་མཛོད་བསྐྲུན་ནས། ལས་དོན372“དྲ་གཅིག་ཏུ་སྒྲུབ་ཐུབ་པར་བྱས་པ་མ་ཟད། སྲིད་དོན་ཞབས་ཞུའི་ཕན་ནུས་ཇེ་ཆེར་བཏང་། དུས་མཚུངས་སུ12345ཡི་སྲིད་དོན་ཐད་འབྲེལ་སྐུད་ལམ་འཛུགས་སྐྲུན་བྱེད་ཤུགས་མུ་མཐུད་དུ་ཆེ་རུ་བཏང་བ་དང་། བརྒྱུད་རིམ་ལྡན་པའི་ལྟ་སྐུལ་མཛུབ་ཁྲིད་དང་ཡུལ་དངོས་མཐུན་སྦྱོར་སོགས་ཀྱི་བྱ་ཐབས་བརྒྱུད་དེ་མང་ཚོགས་ཀྱི་རེ་ཞུ་གང་མགྱོགས་སྒོས་ཐག་བཅད།

ཞིན་ཅང་ཝུའུ་རུམ་མུའུ་ཆིའི་སྡོད་དམངས་ཝང་ཧྥང་གིས་བཤད་རྒྱུར། ངས་སྲིད་གཞུང་གིས་མང་ཚོགས་ཀྱི་རེ་ཞུ་དང་ལེན་བྱེད་ཚད་ཅུང་མགྱོགས་པ་ཚོར་བྱུང་ལ། ཐག་གཅོད་བྱེད་པའི་ལས་ཆོད་ཀྱང་ཧ་ཅང་མཐོ་ཟེར།

སློབ་སྦྱོང་སློབ་གསོ་སྤེལ་བ་ནས་བཟུང་། ཝུའུ་རུམ་མུའུ་ཆིས་དམངས་འཚོའི་འབྲེལ་ཡོད་གནད་དོན1138འཚོལ་བཤེར་བྱས་པ་དང་མིག་སྔར་རེ་རེ་བཞིན་དག་ཐེར་བྱེད་བཞིན་ཡོད།

ཞིན་ཅང་ཝུའུ་རུམ་མུའུ་ཆི་གྲོང་ཁྱེར་ཏང་ཨུའི་རྩ་འཛུགས་པུའུ་ཡི་པུའུ་ཀྲང་གཞོན་པ་ཧྥིན་ཁྲའོ་དབྱང་གིས་བཤད་རྒྱུར། ང་ཚོས་མང་ཚོགས་ཀྱིས་ཡར་ཞུ་བྱས་པའི“བྲེལ་དཀའ་ཁྲལ་སྒུག”གི་གནད་དོན་གཅིག་སྡུད་དག་ཐེར་གྱི་འབུར་ཐོན་ལས་འགན་ཁྲོད་བཞག་སྟེ། དངོས་འཛིན་དངོས་སྒྲུབ་དང་འཕྲལ་བཤེར་འཕྲལ་བཅོས་བྱས་ནས། རིགས་སོ་སོའི་མང་ཚོགས་ལ་སྤྱོད་ཚུལ་བསྒྱུར་བ་ལས་བྱུང་བའི་ཐོབ་སྣང་དང་སྐྱིད་སྣང་ཚོར་ཏུ་འཇུག་དགོས་ལ། བྱ་སྤྱོད་དངོས་ཀྱིས“གཏན་ཕབ་གཉིས”མཐའ་གཅིག་ཏུ་གོང་བཀུར་དང“སྲུང་སྐྱོང་གཉིས”མཐའ་གཅིག་ཏུ་ལེགས་པར་སྒྲུབ་དགོས་ཟེར།