མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ7པའི་ཚེས25ཉིན་གྱི་སྔ་དྲོར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་པེ་ཅིང་མི་དམངས་ཚོགས་ཁང་ཆེན་མོ་རུ་ཀྲུང་གོར་བཅའ་སྡོད་བྱས་པའི་ཕྱི་རྒྱལ་གྱི་གཞུང་ཚབ་ཆེན་མོ16གིས་ཕུལ་བའི་རྒྱལ་ཡིག་དང་ལེན་གནང་། འདི་ནི་མཛད་སྒོ་མཇུག་སྒྲིལ་རྗེས། ཞི་ཅིན་ཕིང་གིས་པེ་ཅིང་ཚོམས་ཁང་དུ་གཞུང་ཚབ་ཆེན་མོ་རྣམས་ལ་གསུང་བཤད་གནང་བའི་ཚུལ་རེད།
ཟླ7པའི་ཚེས25ཉིན་གྱི་སྔ་དྲོར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་པེ་ཅིང་མི་དམངས་ཚོགས་ཁང་ཆེན་མོ་རུ་ཀྲུང་གོར་བཅའ་སྡོད་བྱས་པའི་ཕྱི་རྒྱལ་གྱི་གཞུང་ཚབ་ཆེན་མོ16གིས་ཕུལ་བའི་རྒྱལ་ཡིག་དང་ལེན་གནང་།
མི་དམངས་ཚོགས་ཁང་ཆེན་མོའི་བྱང་སྒོའི་ཕྱི་རོལ་དུ། གུས་དམག་གྲལ་བསྒྲིགས་ནས་སྐུ་མགྲོན་བསུ་བའི་དུང་བརྡ་འབུད་ཀྱིན་འདུག གཞུང་ཚབ་ཆེན་མོ་རྣམས་གཅིག་རྗེས་གཉིས་མཐུད་དུ་འབྱོར་ནས་དར་བསྒྲིགས་བརྒྱུད་པ་དང་གཡང་ཊི་དཀར་པོའི་རྡོ་སྐས་ཐོག་ཏུ་བསྐྱོད།
《རི་ཀླུང་འདི་འདྲའི་མཛེས་སྡུག་ཆེ་ཨང》ཞེས་པའི་ལྡེབས་རིས་ཆེན་མོའི་མདུན་དུ། ཞི་ཅིན་ཕིང་གིས་གཞུང་ཚབ་ཆེན་མོ་རྣམས་ཀྱིས་ཕུལ་བའི་རྒྱལ་ཡིག་རེ་རེ་བཞིན་དང་ལེན་གནང་བར་མ་ཟད། ཁོ་ཚོ་རེ་རེ་ལྷན་དུ་མཉམ་པར་བསྐྱོན།
གཞུང་ཚབ་ཆེན་མོ་དེ་ཚོ་ནི་ཀྲུང་གོར་བཅའ་སྡོད་བྱས་པའི་ཝེ་ཐེ་ནམ་གྱི་གཞུང་ཚབ་ཆེན་མོ་ཧྥན་ཆིན་ཕིན་དང་། ཀྲུང་གོར་བཅའ་སྡོད་བྱས་པའི་ཕཱ་ན་མ་ཡི་གཞུང་ཚབ་ཆེན་མོ་ལུའེ་མིན། ཀྲུང་གོར་བཅའ་སྡོད་བྱས་པའི་ཏོ་སྨི་ནི་ཁའི་གཞུང་ཚབ་ཆེན་མོ་ཀེ་མའེ་སི། ཀྲུང་གོར་བཅའ་སྡོད་བྱས་པའི་ཨར་པ་ཉི་ཡའི་གཞུང་ཚབ་ཆེན་མོ་པོ་ཏ། ཀྲུང་གོར་བཅའ་སྡོད་བྱས་པའི་ནེའུ་ཙི་ལན་གྱི་གཞུང་ཚབ་ཆེན་མོ་ཆའོ་ཝུན་པའོ། ཀྲུང་གོར་བཅའ་སྡོད་བྱས་པའི་ཕཱ་ཕུ་ཡ་ཀུའི་ནེ་ཡའི་གཞུང་ཚབ་ཆེན་མོ་ཁ་མུའུ་པ་ནེ། ཀྲུང་གོར་བཅའ་སྡོད་བྱས་པའི་ཨན་ཀོ་ལའི་གཞུང་ཚབ་ཆེན་མོ་ཨའེ་ལུན། ཀྲུང་གོར་བཅའ་སྡོད་བྱས་པའི་ཨེ་ཅིབ་ཀྱི་གཞུང་ཚབ་ཆེན་མོ་ན་ཙི་སྨི། ཀྲུང་གོར་བཅའ་སྡོད་བྱས་པའི་ནི་ཁ་ར་ཀྭའི་གཞུང་ཚབ་ཆེན་མོ་ཁུང་ལེ་རན། ཀྲུང་གོར་བཅའ་སྡོད་བྱས་པའི་དབྱི་ལང་གི་གཞུང་ཚབ་ཆེན་མོ་ཧྥ་ཙི་ལི། ཀྲུང་གོར་བཅའ་སྡོད་བྱས་པའི་ཀྲི་ལིའི་གཞུང་ཚབ་ཆེན་མོ་ཨ་ལི་ཡཱ་ལན། ཀྲུང་གོར་བཅའ་སྡོད་བྱས་པའི་ཝུའུ་ཁི་ལན་གྱི་གཞུང་ཚབ་ཆེན་མོ་ནེ་ཆི་ཐ་དབྱི་ལུའོ། ཀྲུང་གོར་བཅའ་སྡོད་བྱས་པའི་པེ་ཉིན་གྱི་གཞུང་ཚབ་ཆེན་མོ་ཨ་ཅཱ་པཱ། ཀྲུང་གོར་བཅའ་སྡོད་བྱས་པའི་ཨ་རིའི་གཞུང་ཚབ་ཆེན་མོ་ཕང་ཏི་ཝེ། ཀྲུང་གོར་བཅའ་སྡོད་བྱས་པའི་དབྱི་སི་རལ་གྱི་གཞུང་ཚབ་ཆེན་མོ་པེ་དབྱི་ལི། ཀྲུང་གོར་བཅའ་སྡོད་བྱས་པའི་སུའུ་ཏན་ལྷོ་མའི་གཞུང་ཚབ་ཆེན་མོ་མའོ་ལི་སི་བཅས་ཡིན། ཞི་ཅིན་ཕིང་གིས་ད་དུང་ཧྲང་ཧའེ་མཉམ་ལས་རྩ་འཛུགས་ཀྱི་དྲུང་ཡིག་ཆེན་མོ་ཡའེ་ཨར་མའེ་ཁེ་པཱ་ཡེ་ཧྥུའུ་ལའང་མཇལ་འཕྲད་གནང་།
ཟླ7པའི་ཚེས25ཉིན་གྱི་སྔ་དྲོར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་པེ་ཅིང་མི་དམངས་ཚོགས་ཁང་ཆེན་མོ་རུ་ཀྲུང་གོར་བཅའ་སྡོད་བྱས་པའི་ཕྱི་རྒྱལ་གྱི་གཞུང་ཚབ་ཆེན་མོ16གིས་ཕུལ་བའི་རྒྱལ་ཡིག་དང་ལེན་གནང་། འདི་ནི་མཛད་སྒོ་མཇུག་སྒྲིལ་རྗེས། ཞི་ཅིན་ཕིང་གིས་པེ་ཅིང་ཚོམས་ཁང་དུ་གཞུང་ཚབ་ཆེན་མོ་རྣམས་ལ་གསུང་བཤད་གནང་བའི་ཚུལ་རེད།
མཛད་སྒོ་མཇུག་འགྲིལ་རྗེས། ཞི་ཅིན་ཕིང་གིས་པེ་ཅིང་ཚོམས་ཁང་དུ་གཞུང་ཚབ་ཆེན་མོ་རྣམས་ལ་གསུང་བཤད་གནང་།
ཞི་ཅིན་ཕིང་གིས་གཞུང་ཚབ་ཆེན་མོ་རྣམས་ཀྲུང་གོར་ཡོང་ནས་ལས་འགན་གསར་པ་སྒྲུབ་པར་དགའ་བསུ་བྱས་ཤིང་། ཁོ་ཚོ་བརྒྱུད་དེ་སོ་སོའི་རྒྱལ་ཁབ་ཀྱི་འགོ་ཁྲིད་པ་དང་མི་དམངས་ལ་སྨོན་འདུན་བཟང་པོ་ཞུས་པ་དང་། གཞུང་ཚབ་ཆེན་མོ་རྣམས་ཀྱིས་ཀྲུང་གོར་ཕྱོགས་ཡོངས་དང་གཏིང་ཟབ་ངང་རྒྱུས་ལོན་བྱས་ཏེ། ཀྲུང་གོ་དང་སོ་སོའི་རྒྱལ་ཁབ་བར་གྱི་མཛའ་བརྩེ་ཇེ་ཟབ་ཏུ་གཏོང་བ་དང་། ཀྲུང་གོ་དང་འཛམ་གླིང་གི་འབྲེལ་འདྲིས་ཇེ་མང་དུ་གཏོང་བར་བྱས་རྗེས་ལེགས་པོ་འཇོག་པའི་རེ་བ་བཅངས་ཡོད་ཅེས་གསུངས།
ཞི་ཅིན་ཕིང་གིས་བསྟན་དོན། ཀྲུང་གོས་ཐོག་མཐའ་བར་གསུམ་དུ་འཛམ་གླིང་གི་རྒྱལ་ཁབ་གཞན་པའི་མི་དམངས་བར་གྱི་མཛའ་མཐུན་བརྩེ་འདང་ལ་བརྩི་མཐོང་ཆེན་པོ་བྱེད་ཀྱིན་ཡོད་པ་དང་། ཕན་ཚུན་བརྩི་འཇོག་དང་། འདྲ་མཉམ་གྱི་ལྟ་སྟངས་འཛིན་པ། གཉིས་ཕན་མཉམ་རྒྱལ་བཅས་ཀྱི་རྨང་གཞིའི་སྟེང་རྒྱལ་ཁབ་སོ་སོ་དང་མཉམ་དུ་ཕྱོགས་ཡོངས་ནས་མཉམ་ལས་བྱེད་པ་དང་། ཁྱབ་ཁོངས་སོ་སོའི་བརྗེ་རེས་ལ་ཤུགས་སྣོན་འདོད་ཡོད། མིག་སྔར། ཀྲུང་གོས་ཀྲུང་གོའི་ལུགས་ཀྱི་དེང་རབས་ཅན་ལ་བརྟེན་ནས་རྒྱལ་ཁབ་སྟོབས་ལྡན་འཛུགས་སྐྲུན་དང་མི་རིགས་བསྐྱར་དར་གྱི་རླབས་ཆེན་བྱ་གཞག་ལ་ཕྱོགས་ཡོངས་ནས་སྐུལ་འདེད་གཏོང་བཞིན་ཡོད་པས། དཔལ་འབྱོར་ཡང་མུ་མཐུད་དུ་བརྟན་ཐོག་ལེགས་ཕྱོགས་སུ་འཕེལ་བཞིན་ཡོད། ཀྲུང་གོས་བློ་བརྟན་འགྱུར་མེད་ཀྱིས་ཆུ་ཚད་མཐོ་བའི་ཕྱི་ཕྱོགས་སྒོ་འབྱེད་རྒྱ་ཆེ་རུ་གཏོང་བ་དང་། གཞི་ཁྱོན་ཆེས་ཆེའི་ཁྲོམ་རའི་ཁེ་སྤོགས་བགོས་ནས། ཀྲུང་གོའི་འཕེལ་རྒྱས་གསར་པ་དེ་རྒྱལ་ཁབ་སོ་སོའི་གོ་སྐབས་གསར་པར་འགྱུར་བར་བྱས་ཏེ། འཛམ་གླིང་གི་དཔལ་འབྱོར་འཕེལ་རྒྱས་ལ་གཏན་འཁེལ་རང་བཞིན་སྔར་ལས་མང་པོ་སྣོན་རྒྱུ་ཡིན།
ཞི་ཅིན་ཕིང་གིས་ནན་གྱིས་བསྟན་དོན། མགྱོགས་མྱུར་ངང་འཕོ་འགྱུར་འགྲོ་བའི་འཛམ་གླིང་གི་ལོ་བརྒྱའི་འགྱུར་ལྡོག་རྣམ་པ་དང་ཟང་ཟིང་རྙོག་འཛིང་གི་རྒྱལ་སྤྱིའི་གནས་བབ་འོག་ཏུ། རྒྱལ་ཁབ་སོ་སོས་སྔོན་གྱི་དུས་སྐབས་གང་ཞིག་ལས་ཀྱང་མཐུན་སྒྲིལ་མཉམ་ལས་བྱེད་དགོས་ལ། བློ་རྒྱ་ཆེན་པོས་འགལ་ཟླ་སེལ་བ་དང་བརྩེ་སེམས་ཆེན་པོས་མིའི་རིགས་ཀྱི་ལས་སྐལ་ལ་ཐུགས་ཁུར་བྱེད་དགོས། ད་ལོ་ནི་ཀྲུང་གོའི་མི་དམངས་འཇར་འགོག་དམག་འཁྲུག་དང་འཛམ་གླིང་གི་ཧྥ་ཞི་སིར་ངོ་རྒོལ་བྱེད་པའི་དམག་འཁྲུག་ལ་རྒྱལ་ཁ་བླངས་ནས་ལོ་ངོ80འཁོར་བའི་ལོ་ཡིན་ལ། མཉམ་འབྲེལ་རྒྱལ་ཚོགས་དབུ་བརྙེས་ནས་ལོ་ངོ80འཁོར་བའི་ལོ་ཡང་རེད། ཀྲུང་གོས་རྒྱལ་ཁབ་སོ་སོ་དང་མཉམ་དུ། བློ་རྩ་བརྟན་པོས་མཉམ་འབྲེལ་རྒྱལ་ཚོགས་སྲོག་ཤིང་ཡིན་པའི་རྒྱལ་སྤྱིའི་མ་ལག་དང་རྒྱལ་སྤྱིའི་བཅའ་ཁྲིམས་རྨང་གཞིར་བྱས་པའི་རྒྱལ་སྤྱིའི་སྒྲིག་ལམ་སྲུང་སྐྱོང་བྱེད་ཅིང་། མཛའ་མཐུན་མཉམ་ལས་ཀྱི་ལག་བསྟར་མཁན་དང་། དཔལ་ཡོན་དཔེ་ལྟོས་ལ་སྐུལ་འདེད་གཏོང་མཁན། མིའི་རིགས་ཀྱི་ལས་སྐལ་གཅིག་མཐུན་ཚོགས་པ་འཛུགས་སྐྲུན་བྱེད་མཁན་བཅས་བྱས་ཏེ། ལག་རྡང་སྦྲེལ་ནས་འཛམ་གླིང་འདིའི་སྔར་ལས་མཛེས་སྡུག་ལྡན་པའི་འབྱུང་འགྱུར་བསྐྲུན་འདོད་ཡོད།
ཝང་དབྱི་གོང་གསལ་བྱེད་སྒོར་ཞུགས།
