ལོ་སྟོད་དུ་མཚོ་སྔོན་ཞིང་ཆེན་གྱི་དཔལ་འབྱོར་འཁོར་སྐྱོད་བརྟན་འཇགས་ཡིན་པ་དང་སྤུས་ཚད་མཐོ་བའི་འཕེལ་རྒྱས་ལ་མུ་མཐུད་དུ་སྐུལ་འདེད་བཏང་།

ཟླ་བདུན་པའི་ཚེས་ཉེར་གཉིས་ཉིན། མཚོ་སྔོན་ཞིང་ཆེན་བསྡོམས་རྩིས་ཅུའུ་དང་རྒྱལ་ཁབ་བསྡོམས་རྩིས་ཅུའུ་མཚོ་སྔོན་རྟོག་ཞིབ་སྤྱིའི་རུ་ཁག་གིས་སྤེལ་བའི་ཆ་འཕྲིན་ལྟར་ན། ལོ་སྟོད་དུ། ཞིང་ཆེན་ཡོངས་ཀྱི་དཔལ་འབྱོར་འཁོར་སྐྱོད་བརྟན་འཇགས་ཡིན་པ་དང་། བབ་བསྟུན་གྱི་ནུས་པ་ཇེ་དྲག་ཏུ་སོང་ཡོད་ལ། ཞིང་ཕྱུགས་ལས་ཀྱི་ཐོན་སྐྱེད་རྣམ་པ་བརྟན་འཇགས་ཡིན་པར་མ་ཟད། བཟོ་ལས་བརྟན་འཇགས་འཕར་སྣོན་གྱི་རྣམ་པ་རྒྱུན་འཁྱོངས་བྱས་ཡོད་པ་དང་། འཛད་སྤྱོད་ཁྲོམ་ར་བསྐྱར་འཕར་བྱུང་ནས། ལས་ཞུགས་དང་དངོས་གོང་བརྟན་འཇགས་སུ་སོང་ལ དམངས་ཚིས་འགན་སྲུང་གྲུབ་འབྲས་མངོན་གསལ་གྱིས་ཇེ་ལེགས་སུ་གྱུར། ས་ཁུལ་ཐོན་སྐྱེད་སྤྱི་འབོར་གཅིག་གྱུར་སྡོམ་རྩིས་ཀྱི་མཇུག་འབྲས་ལྟར་ན། ལོ་སྟོད་ལ་ཞིང་ཆེན་ཡོངས་ཀྱིས་ཐོན་སྐྱེད་སྤྱིའི་རིན་འབོར་སྒོར་ཁྲག་ཁྲིག་གཅིག་དང་ཐེར་ཆེན་བརྒྱད་ཐེར་འབུམ་བདུན་དུང་ཕྱུར་ལྔ་ལེགས་འགྲུབ་བྱུང་ཡོད་ལ། དེ་དུས་མཉམ་དང་བསྡུར་ན་བརྒྱ་ཆའི་བཞི་འཕར་ཡོད། དེའི་ཁྲོད་ཐོན་ལས་དང་པོའི་འཕར་ཚད་སྒོར་ཐེར་འབུམ་ལྔ་དང་དུང་ཕྱུར་དྲུག་བྱེ་བ་དགུ་ས་ཡ་ལྔ་ཡིན་ལ། དུས་མཉམ་ལས་བརྒྱ་ཆའི་ལྔ་དང་གྲངས་ཆུང་བཞི་འཕར། ཐོན་ལས་གཉིས་པ་འཕར་ཚད་སྒོར་ཐེར་ཆེན་བརྒྱད་དང་དུང་ཕྱུར་བརྒྱད་བྱེ་བ་གཅིག་ས་ཡ་གསུམ་འཕར་ལ། དུས་མཉམ་ལས་བརྒྱ་ཆའི་བཞི་དང་གྲངས་ཆུང་བརྒྱད་འཕར། ཐོན་ལས་གསུམ་པའི་འཕར་ཚད་དེ་སྒོར་ཁྲག་ཁྲིག་གཅིག་དང་ཐེར་འབུམ་གཅིག་བྱེ་བ་དྲུག་འཕར་ལ། དུས་མཉམ་ལས་བརྒྱ་ཆའི་གསུམ་དང་གྲངས་ཆུང་གསུམ་འཕར་ཡོད།

ཞིང་ཕྱུགས་ལས་ཀྱི་ཐོན་སྐྱེད་རྣམ་པ་བརྟན་འཇགས་ཡིན་ལ། ཕྱུགས་ལས་ཐོན་སྐྱེད་བརྟན་འཇགས་ངང་བཟང་ཕྱོགས་སུ་འཕེལ། ལོ་སྟོད་དུ་ཞིང་ཆེན་ཡོངས་ཀྱི་ཐོན་ལས་དང་པོའི་རིན་ཐང་འཕར་ཚད་དུས་མཉམ་ལས5.4%འཕར་བ་དང་། རྒྱལ་ཡོངས་ལས་བརྒྱ་ཆའི་གྲངས་གནས1.7གྱིས་མཐོ། བཟོ་ལས་བརྟན་འཇགས་ངང་འཕར་སྣོན་བྱུང་ནས་སྒྲིག་ཆས་སྒྲིག་བཟོ་ལས་རིགས་དང་ལག་རྩལ་མཐོ་བའི་སྒྲིག་བཟོའི་ལས་རིགས་ཡར་རྒྱས་བྱུང་། ལོ་སྟོད་ལ་ཞིང་ཆེན་ཡོངས་ཀྱི་ཞིང་ཆེན་གྱི་ཚད་གཞི་ཡན་གྱི་བཟོ་ལས་ལས་རིགས་ཀྱི་རིན་ཐང་འཕར་ཚད་དུས་མཉམ་ལས5.8%འཕར། རིགས་ཆེན་པོ་གསུམ་གྱི་ཐད་ནས་བལྟས་ན། གཏེར་ལས་ལས་རིགས་ཀྱི་རིན་ཐང་འཕར་ཚད8.1%འཕར་བ་དང་། སྒྲིག་བཟོའི་ལས་རིགས་ཀྱི་རིན་ཐང་འཕར་ཚད7.6%འཕར་ལ། གློག་ཤུགས་དང་དྲོད་ཤུགས། སོལ་རླངས། ཆུའི་ཐོན་སྐྱེད། འདོན་སྤྲོད་ལས་རིགས་ཀྱི་རིན་ཐང་འཕར་ཚད0.4%འཕར། ཞབས་ཞུའི་ལས་རིགས་ཀྱི་འཁོར་སྐྱོད་བརྟན་འཇགས་ཡིན་པ་དང་། ལས་རིགས་གཙོ་བོ་ཅུང་མགྱོགས་པའི་ངང་འཕེལ་རྒྱས་བྱུང་། ལོ་སྟོད་དུ་ཞབས་ཞུའི་ལས་རིགས་ཁྲོད་ཀྱི་འགྲིམ་འགྲུལ་སྐྱེལ་འདྲེན་དང་མཛོད་ཉར། སྦྲགས་སྲིད་ལས་རིགས་ཀྱི་རིན་ཐང་འཕར་ཚད་དུས་མཉམ་ལས8.1%འཕར་བ་དང་། སྡེབ་འཚོང་དང་སིལ་འཚོང2.7%འཕར། འགྲོན་ཁང་དང་ཟས་རིགས3.4%འཕར། ཆ་འཕྲིན་བརྒྱུད་སྐྱེལ་དང་མ་ལག ཆ་འཕྲིན་ལག་རྩལ་ཞབས་ཞུའི་ལས་རིགས15.2%འཕར། བོགས་གཏོང་དང་ཚོང་དོན་ཞབས་ཞུའི་ལས་རིགས9.2%འཕར་ལ། ཆུ་བེད་དང་ཁོར་ཡུག སྤྱི་པའི་སྒྲིག་ཆས་དོ་དམ་ལས་རིགས26.8%འཕར།

འཛད་སྤྱོད་ཁྲོམ་ར་ཡང་བསྐྱར་ཇེ་བཟང་དུ་ཕྱིན་པ་དང་།    རིམ་སྤར་རིགས་ཀྱི་འཛད་སྤྱོད་འཕར་ཚད་ཅུང་ལེགས། ལོ་སྟོད་དུ། ཞིང་ཆེན་ཡོངས་ཀྱི་སྤྱི་ཚོགས་འཛད་སྤྱོད་དངོས་རྫས་སིལ་འཚོང་གི་བསྡོམས་འབོར་སྒོར་ཐེར་ཆེན་བཞི་དང་ཐེར་འབུམ་དྲུག་དུང་ཕྱུར་དགུ་བྱེ་བ་དགུ་ས་ཡ་དགུ་ཡིན་པ་དང་། དུས་མཉམ་ལས་བརྒྱ་ཆའི2.6འཕར་ལ། དུས་ཚིགས་དང་པོ་ལས་བརྒྱ་ཆའི་གྲངས་གནས2.0ཇེ་མགྱོགས་སུ་ཕྱིན་ཡོད། ཚོང་གཉེར་ལས་ཁུངས་ཡོད་སའི་གནས་ལྟར་བགོས་ན། མཁར་གྲོང་གི་འཛད་སྤྱོད་དངོས་རྫས་སིལ་ཚོང་གི་སྒོར་ཐེར་ཆེན་གསུམ་དང་ཐེར་འབུམ་བདུན་དུང་ཕྱུར་ལྔ་བྱེ་བ་བདུན་ས་ཡ་བདུན་ཟིན་པ་དང་བརྒྱ་ཆའི2.5འཕར་ཡོད། གྲོང་གསེབ་ཀྱི་འཛད་སྤྱོད་དངོས་རྫས་སིལ་འཚོང་གི་སྒོར་ཐེར་འབུམ་དགུ་དང་དུང་ཕྱུར་བཞི་བྱེ་བ་གཉིས་ས་ཡ་གཉིས་ཟིན་པ་དང་བརྒྱ་ཆའི3.1འཕར་ཡོད། འཛད་སྤྱོད་རིགས་ལྟར་དབྱེ་ན། ཚོང་ཟོག་སིལ་ཚོང་གྲངས་ཀ་སྒོར་ཐེར་ཆེན་བཞི་དང་ཐེར་འབུམ་གཉིས་དུང་ཕྱུར་བདུན་བྱེ་བ་བཞི་ས་ཡ་བཞི་ཟིན་པ་དང་བརྒྱ་ཆའི2.6འཕར་ཡོད།     བཟའ་བཏུང་གི་ཡོང་འབབ་སྒོར་ཐེར་འབུམ་བཞི་དང་དུང་ཕྱུར་གཉིས་བྱེ་བ་ལྔ་ས་ཡ་ལྔ་ཟིན་པ་དང་བརྒྱ་ཆའི3.3འཕར་ཡོད། འཛད་སྤྱོད་དངོས་རྫས་རྙིང་པ་གསར་དུ་བརྗེ་བའི་སྲིད་ཇུས་ལ་རྒྱུན་མཐུད་སྒོས་ཕན་འབྲས་མངོན་གསལ་ཐོན་ཞིང་། བཅད་གྲངས་ཡན་ཆད་ཀྱི་སྡེབ་འཚོང་དང་སིལ་ཚོང་ཚོང་ཟོག་གི་སིལ་འཚོང་ཁྲོད། ཁྱིམ་སྤྱོད་གློག་ཆས་དང་སྒྲ་བརྙན་གྱི་ཡོ་བྱད་རིགས།  གྱོན་ཆོག་པའི་རིག་ནུས་སྒྲིག་ཆས།  འཕྲིན་གཏོང་ཡོ་བྱད་རིགས། ནུས་ཁུངས་གསར་པའི་རླངས་འཁོར་བཅས་ཀྱི་ཚོང་ཟོག་སིལ་ཚོང་གྲངས་ཀ་སོ་སོར40.8%དང་།    ལྡབ1.9དང་།  4.9%། 51.1%འཕར་ཡོད།

གཏན་འཇགས་རྒྱུ་ནོར་ལ་མ་དངུལ་གཏོང་ཚད་དུས་མཚུངས་ལས་མར་ཆག་པ་དང་རྨང་གཞིའི་སྒྲིག་ཆས་ལ་མ་དངུལ་གཏོང་ཚད་ཇེ་མགྱོགས་སུ་བྱིན་ཡོད། ལོ་སྟོད་ལ་ཞིང་ཆེན་ཡོངས་ཀྱི་གཏན་འཇགས་རྒྱུ་ནོར་ལ་མ་དངུལ་གཏོང་ཚད་དུས་མཉམ་ལས2.4%མར་ཆག་པ་དང་། རྨང་གཞིའི་སྒྲིག་ཆས་ཐད་མ་དངུལ་གཏོང་ཚད་བརྒྱ་ཆའི37.1%འཕར་ཡོད། དེའི་ཁྲོད་འགྲིམ་འགྲུལ་སྐྱེལ་འདྲེན་དང་སྦྲགས་སྲིད་ལས་རིགས། ཆ་འཕྲིན་བརྒྱུད་སྐྱེལ་ཞབས་ཞུའི་ལས་རིགས། ཆུ་བེད་ཁོར་ཡུག་དང་སྤྱི་པའི་སྒྲིག་ཆས་དོ་དམ་ལས་རིགས་བཅས39.8%དང་། ལྡབ1.6དང་། 11.8%བཅས་སོ་སོར་འཕར་ཡོད། འཐབ་ཇུས་རང་བཞིན་གྱི་གསར་དར་ཐོན་ལས་ལ་མ་དངུལ་གཏོང་ཚད་བརྒྱ་ཆའི10.9འཕར་བ་དང་། ལག་རྩལ་མཐོ་བའི་ཞབས་ཞུའི་ལས་རིགས་ལ་མ་དངུལ་གཏོང་ཚད་བརྒྱ་ཆའི46.9འཕར་བ། ལག་རྩལ་མཐོ་བའི་བཟོ་སྐྲུན་ལས་རིགས་ཀྱི་ཀྲུང་ལུགས་གསོ་རིག་སྨན་རྫས་བཟོ་སྐྲུན་ལས་རིགས་དང་། གློག་ཤུགས་འཕྲུལ་ཆས། ཡོ་བྱད་བཟོ་སྐྲུན་ལས་རིགས་བཅས་ལ་མ་དངུལ་གཏོང་ཚད་སོ་སོར་བརྒྱ་ཆའི6.3དང་བརྒྱ་ཆའི17.5འཕར་ཡོད།

ལས་ཞུགས་སྤྱིའི་ཆ་ནས་གཏན་འཇགས་ཡིན་ལ། མཁར་གྲོང་གི་ལས་ཤོར་ལས་ཞུགས་གནས་བབ་སྤྱིའི་ཆ་ནས་བརྟན་པོ་ཡིན་པ་དང་། བརྟག་དཔྱད་བྱས་པ་ལྟར་ན་གྲོང་ཁྱེར་དང་གྲོང་རྡལ་གྱི་ལས་ཀ་ཤོར་ཚད་མར་ཆག་ཡོད། ལོ་སྟོད་དུ་ཞིང་ཆེན་ཡོངས་ཀྱི་གྲོང་ཁྱེར་དང་གྲོང་རྡལ་གྱི་བརྟག་དཔྱད་བྱས་པའི་ལས་ཀ་ཤོར་ཚད་ཆ་སྙོམས་བྱས་ན་བརྒྱ་ཆའི5.4ཡིན་ཞིང་། ལོ་སྔོན་མ་དང་བསྡུར་ན་དུས་མཉམ་དང་མཚུངས་ཤིང་། དུས་ཚིགས་དང་པོ་དང་བསྡུར་ན་བརྒྱ་ཆའི་གྲངས་གནས0.3མར་ཆག་ཡོད། ཟླ་རེའི་ནང་གྲོང་ཁྱེར་དང་གྲོང་རྡལ་གྱི་བརྟག་དཔྱད་བྱས་པའི་ལས་ཀ་ཤོར་ཚད་སོ་སོར5.6%དང་། 5.9%། 5.7%། 5.3%། 5.0%། 5.0%བཅས་ཟིན་ཡོད། ཞིང་ཆེན་ཡོངས་ཀྱི་གྲོང་ཁྱེར་དང་གྲོང་རྡལ་གྱི་ལས་ཞུགས་མི་གྲངས་ཁྲི་བཞི་དང་སྟོང་གཉིས་ལྔ་བརྒྱ་གསར་སྣོན་བྱས་པ་དང་། རོང་འབྲོག་ཁུལ་གྱི་ངལ་རྩོལ་པ་མི་ཐེངས་འབུམ་བརྒྱད་དང་ཁྲི་གཅིག་སྟོང་དགུ་བཞི་བརྒྱ་གནས་སྤོ་ལས་ཞུགས་བྱས། སྡོད་དམངས་ཀྱི་འཛད་སྤྱོད་རིན་གོང་བརྟན་འཇགས་ཡིན་ལ། བཟོ་གྲྭ་ནས་ཐོན་པ་དང་ཉོ་སྒྲུབ་རིན་གོང་མར་ཆག ལོ་སྟོད་ལ། ཞིང་ཆེན་ཡོངས་ཀྱི་སྡོད་དམངས་ཀྱི་འཛད་སྤྱོད་རིན་གོང་ལོ་སྟོད་ཀྱི་དུས་མཉམ་དང་མཚུངས་ཤིང་། རྒྱལ་ཡོངས་ཀྱི་ཆ་སྙོམས་ཆུ་ཚད་ལས་བརྒྱ་ཆའི་གྲངས་གནས0.1གིས་མཐོ།