མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ7ཚེས21ཉིན། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་སྐབས་བཅུ་བཞི་པའི་གྲོས་ཚོགས་ཐེངས་དྲུག་པ་ཟི་ལིང་དུ་བསྡུས། ཞིང་ཆེན་ཏང་ཨུའི་ཧྲུའུ་ཅི། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་ཝུའུ་ཞའོ་ཅུན་གྱིས་ཚང་འཛོམས་གྲོས་ཚོགས་ཐེངས་དང་པོ་མགོ་འཛིན་བྱས་པར་མ་ཟད་གཏམ་བཤད།
ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཏང་ཙུའུ་ཧྲུའུ་ཅི། ཀྲུའུ་རིན་གཞོན་པ་ཝང་ལིས་མིན་གྱིས་ཨུ་ཡོན་ཀྲང་ཀྲའོ་ལི་ཅི་ཡིས་མཚོ་སྔོན་དུ་རྟོག་ཞིབ་གནང་སྐབས་བསྡུས་པའི་བཞུགས་མོལ་ཚོགས་འདུའི་དགོངས་དོན་དང་རང་ཞིང་གི་ལག་བསྟར་བསམ་འཆར་བརྒྱུད་བསྒྲགས་བྱས། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་གཞོན་པ་དབྱང་ཧྥུང་ཁྲུན་དང་ཉི་མ་སྒྲོལ་མ། ལིའུ་ཐུང་ཏི། ཀྲང་ཧོང་ཡོན། ལོའུ་ཀང་། ཝང་ཅིན་ཀྲའེ། དྲུང་ཡིག་ཆེན་མོ་ཁྲིན་ཏུང་ཁྲང་དང་དེ་མིན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་བཅས་བསྡོམས་པའི་མི61ཚོགས་འདུར་ཞུགས་པ་དང་། ཁྲིམས་བཀོད་མི་གྲངས་དང་མཐུན།
ཝུའུ་ཞའོ་ཅུན་གྱིས་གཏམ་བཤད་ཁྲོད་ནན་གྱིས་བསྟན་དོན། ཨུ་ཡོན་ཀྲང་ཀྲའོ་ལི་ཅི་ཡིས་མཚོ་སྔོན་ལ་རྟོག་ཞིབ་མཛུབ་སྟོན་གནང་བ་དེས། དུས་རབས་གསར་པ་དང་སྐྱོད་ལམ་གསར་པའི་རང་ཞིང་གི་དམངས་ཆེན་བྱ་བ་སྤུས་ཚད་མཐོ་བའི་འཕེལ་རྒྱས་ལ་བླང་བྱ་བཏོན་ཡོད། ཞིང་ཆེན་ཡོངས་ཀྱི་དམངས་ཆེན་མ་ལག་དང་རིམ་པ་སོ་སོའི་དམངས་ཆེན་འཐུས་མིའི་འགན་འཁྲིར་སྔར་ལས་ཤུགས་བསྣན་ཏེ། ཁྲིམས་ལྟར་འགན་འཁྲི་བསྒྲུབས་ནས་དམངས་ཆེན་ལམ་ལུགས་ཀྱི་ལེགས་ཆ་དེ་སྔར་ལས་བཟང་བའི་སྒོ་ནས་བཅོས་སྐྱོང་གི་ནུས་ཆོད་དུ་བསྒྱུར་རྒྱུར་སྐུལ་འདེད་གཏོང་དགོས། ཏང་གི་ཕྱོགས་ཡོངས་ཀྱི་འགོ་ཁྲིད་རྒྱུན་འཁྱོངས་དང་། དམངས་ཆེན་ཆབ་སྲིད་ལས་ཁུངས་ཀྱི་ངེས་གནས་ཡང་དག་པར་ཁོང་དུ་ཆུད་པ་བྱས་ཏེ། གཏན་ཕབ་གཉིས་ཀྱི་ཐག་གཅོད་རང་བཞིན་གྱི་དོན་སྙིང་ལ་གོ་བ་ཟབ་མོ་ལེན་པ་དང་། སྲུང་སྐྱོང་གཉིས་དམངས་ཆེན་གྱི་བྱ་བ་སོ་སོའི་བརྒྱུད་རིམ་ཧྲིལ་བོར་མཐའ་གཅིག་ཏུ་ཁྱབ་པར་བྱས་ནས། དམངས་ཆེན་གྱི་བྱ་བ་ཐོག་མཐའ་བར་གསུམ་དུ་ཏང་ཨུའི་འགོ་ཁྲིད་བརྟན་པོ་འོག་སྤེལ་བ་ཁག་ཐེག་བྱེད་དགོས། མི་དམངས་ལྟེ་བར་འཛིན་པའི་འཕེལ་རྒྱས་ཀྱི་དགོངས་པ་རྒྱུན་འཁྱོངས་དང་། བརྒྱུད་རིམ་ཧྲིལ་པོའི་མི་དམངས་དམངས་གཙོ་ལག་ལེན་གཏིང་ཟབ་བྱས་ཏེ། ཁྲིམས་འཛུགས་དང་ལྟ་སྐུལ། འཐུས་མི་སོགས་ཀྱི་བྱ་བའི་མི་དམངས་ཀྱི་འདོད་བློ་སྔར་ལས་ལེགས་པར་མཚོན་པ་དང་། མི་དམངས་ཀྱི་ཁེ་དབང་འགན་སྲུང་ལ་ཁག་ཐེག་བྱ་དགོས། ཞིང་ཆེན་ཏང་ཨུའི་བྱ་བ་གཙོ་བོར་དམ་འཛིན་བྱས་ཏེ། དམངས་ཆེན་གྱིས་ཞིང་ཆེན་ཡོངས་ཀྱི་འཕེལ་རྒྱས་ཀྱི་ཁྱོན་ཡོངས་ལ་ཞབས་འདེགས་ཞུ་བའི་ཟུང་འབྲེལ་གནས་དང་ཤུགས་རྒྱག་ས་ཡང་དག་པར་བཙལ་ནས། “ལོ་ལྔའི་འཆར་འགོད་བཅོ་ལྔ་པའི”འཆར་འགོད་རྩ་གནད་ཀྱི་སྒྲིག་ཁོངས་ལ་དམིགས་ཏེ། འབྲེལ་ཡོད་ཁྲིམས་འཛུགས་ཀྱི་དགོས་མཁོར་ཆེད་དོན་བརྟག་ཞིབ་གཏིང་ཟབ་བྱས་ནས། གཙོ་གནད་དང་གསར་དར་ཁྱབ་ཁོངས་ཀྱི་ཁྲིམས་འཛུགས་ལ་ཤུགས་སྣོན་པ་དང་། གསར་དུ་བཟོ་བཅོས་བྱས་པའི་ལྟ་སྐུལ་བཅའ་ཁྲིམས་ལག་བསྟར་ཡག་པོ་བྱས་ཏེ། བཅའ་ཁྲིམས་ལེགས་པོར་བརྟེན་ནས་འཕེལ་རྒྱས་ལ་སྐུལ་འདེད་གཏོང་བ་དང་བཅོས་སྐྱོང་ལེགས་པོར་འགན་སྲུང་བྱེད་དགོས། “ལས་ཁུངས་བཞི”འཛུགས་སྐྲུན་བྱེད་ཤུགས་ཆེ་རུ་གཏོང་བ་དང་། ཕྱོགས་ཡོངས་ནས་ཏང་བཅོས་སྐྱོང་ནན་མོ་བྱེད་པའི་གཙོ་གཟུགས་འགན་འཁྲི་ནན་ཏན་གྱིས་ལག་བསྟར་བྱེད་པ། བཤེར་འདོན་གནད་དོན་དང་བཅོས་སྒྲིག་བྱ་བར་ཕྱིར་མིག་བལྟས་ནས་ནན་ཏན་གྱིས་ལག་བསྟར་བྱས་ཏེ། ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོ་མགོ་ལེགས་ལ་མཇུག་བཟང་བ། ལས་དོན་སྒྲུབ་མཁས་པ་བཅས་ལ་སྐུལ་འདེད་བཏང་སྟེ། དམངས་ཆེན་གྱི་སྲོལ་བཟང་སྤྱོད་ལེགས་དང་ལས་སྒྲུབ་ལས་གཏོད་ཀྱི་ཁོར་ཡུག་བཟང་པོ་མུ་མཐུད་སྲ་བརྟན་དུ་གཏོང་དགོས།
གྲོས་ཚོགས་ལས་རིམ་པ་བཞིན《མཚོ་སྔོན་ཞིང་ཆེན་གྱི་བསྡོམས་རྩིས་སྲོལ་ཡིག》གི་གྲོས་ཞིབ་མཇུག་འབྲས་སྐོར་གྱི་སྙན་ཞུ་དང་། 《མཚོ་སྔོན་ཞིང་ཆེན་གྱི་བཅའ་ཁྲིམས་རོགས་སྐྱོར་གྱི་གཏན་འབེབས་འགའི》གྲོས་ཞིབ་མཇུག་འབྲས་སྐོར་གྱི་སྙན་ཞུ་དང་། 《མཚོ་སྔོན་ཞིང་ཆེན་གྱི་སྲོག་ཆགས་རིམ་འགོག་སྲོལ་ཡིག》གི་གྲོས་ཞིབ་གསལ་བཤད། 《མཚོ་སྔོན་ཞིང་ཆེན་གྱི་རི་སྐྱེས་སྲོག་ཆགས་སྲུང་སྐྱོབ་སྲོལ་ཡིག》གི་གྲོས་ཞིབ་གསལ་བཤད། 《མཚོ་སྔོན་ཞིང་ཆེན་གྱི་རྒན་པའི་ཁེ་དབང་འགན་སྲུང་སྲོལ་ཡིག》གྲོས་ཞིབ་བྱེད་རྒྱུར་ཕུལ་བའི་སྐོར་གྱི་གསལ་བཤད། 《ཟི་ལིང་གྲོང་ཁྱེར་གླ་གཏོང་རླངས་འཁོར་གྱི་སྐྱེལ་འདྲེན་དོ་དམ་སྲོལ་ཡིག》གི་གསལ་བཤད་དང་། 《མཚོ་ཤར་གྲོང་ཁྱེར་ས་གཤིས་གནོད་འཚེ་སྔོན་འགོག་དང་བཅོས་སྐྱོང་སྲོལ་ཡིག》སྐོར་གྱི་གསལ་བཤད། 《མཚོ་ལྷོ་བོད་རིགས་རང་སྐྱོང་ཁུལ་རྒྱལ་ཁབ་རྒྱུན་མཐུད་འཕེལ་རྒྱས་གྲོས་རིམ་གསར་སྐྲུན་དཔེ་སྟོན་ཁུལ་འཛུགས་སྐྲུན་སྲོལ་ཡིག》སྐོར་གྱི་གསལ་བཤད་དང་། 《རྨ་ལྷོ་བོད་རིགས་རང་སྐྱོང་ཁུལ་བོད་རྒྱུད་ནང་བསྟན་ལས་དོན་སྲོལ་ཡིག》སྐོར་གྱི་གསལ་བཤད། 《མིན་ཡོན་ཧུའེ་རིགས་རང་སྐྱོང་རྫོང་གི་སྡེ་ལས་དོ་དམ》སྐོར་གྱི་གསལ་བཤད། 《ཧི་ནན་སོག་རིགས་རང་སྐྱོང་རྫོང་གི་སྐྱེ་ཁམས་ཕྱུགས་ལས་འཕེལ་རྒྱས་ལ་སྐུལ་འདེད་གཏོང་བའི་སྲོལ་ཡིག》སྐོར་གྱི་གསལ་བཤད་བཅས་ལ་ཉན།
ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་གཞོན་པ། འཐུས་མིའི་ཐོབ་ཐང་ཞིབ་བཤེར་ཨུ་ཡོན་ལྷན་ཁང་གི་ཀྲུའུ་རིན་དབྱང་ཧྥུན་ཁྲུན་གྱིས་འཐུས་མི་རེ་ཟུང་གི་འཐུས་མིའི་ཐོབ་ཐང་གི་ཞིབ་བཤེར་སྙན་ཞུ་ཕུལ། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་གཞོན་པ། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཁྲིམས་བསྟར་ཞིབ་བཤེར་ཚན་ཆུང་གི་ཚན་གཙོ་ཀྲང་ཧོང་ཡོན་གྱིས《མཚོ་སྔོན་ཞིང་ཆེན་གྱི་ཆུ་དཔོན་ལམ་ལུགས་དང་མཚོ་དཔོན་ལམ་ལུགས་ཀྱི་སྲོལ་ཡིག》ཞིབ་བཤེར་དང་ལག་བསྟར་གནས་ཚུལ་གྱི་སྙན་ཞུ་ཕུལ། མཚོ་སྔོན་ཞིང་ཆེན་གྱི2025ལོའི་ལོ་སྟོད་ཀྱི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་འཆར་གཞིའི་ལག་བསྟར་གྱི་གནས་ཚུལ་སྐོར་གྱི་སྙན་ཞུ་དང་། མཚོ་སྔོན་ཞིང་ཆེན་གྱི2025ལོའི་ལོ་སྟོད་ཀྱི་སྔོན་རྩིས་དང་ལག་བསྟར་གནས་ཚུལ་སྐོར་གྱི་སྙན་ཞུ། 2025ལོའི་ས་གནས་སྲིད་གཞུང་གི་བུན་འཛིན་དང་དེ་མཚུངས་ཀྱི་གཏོང་ཡོང་སྔོན་རྩིས་ལེགས་སྒྲིག་སྐོར་གྱི་སྙན་ཞུ། 2024ལོའི་ཞིང་ཆེན་རིམ་པའི་སྔོན་རྩིས་ལག་བསྟར་དང་ནོར་སྲིད་ཀྱི་གཏོང་ཡོང་གཞན་དག་གི་བྱ་བའི་སྐོར་གྱི་སྙན་ཞུ། རྒྱལ་ཁབ་ཀྱི་སྐྱེ་ཁམས་དཔལ་ཡོན་གྱི་མཐོ་ས་དང་ཐོན་ལས་ཀྱི“གནས་བཞི”འཛུགས་སྐྲུན་ལ་དམིགས་ནས། ཁེ་ལས་ཚན་རྩལ་གསར་སྐྲུན་གྱི་གྲུབ་ཆ་གཙོ་བོའི་གོ་གནས་ཇེ་དྲག་ཏུ་གཏོང་བའི་བྱ་བའི་གནས་ཚུལ་སྐོར་གྱི་སྙན་ཞུ་བཅས་ལ་ཉན།
གྲོས་ཚོགས་ལས《མཚོ་སྔོན་ཞིང་ཆེན་གྱི་སྲོག་ཆགས་རིམ་འགོག་སྲོལ་ཡིག》གི་གྲོས་ཞིབ་བསམ་འཆར་སྐོར་དང་། 《མཚོ་སྔོན་ཞིང་ཆེན་གྱི་རི་སྐྱེས་སྲོག་ཆགས་སྲུང་སྐྱོབ་སྲོལ་ཡིག》གི་གྲོས་ཞིབ་བསམ་འཆར། 《མཚོ་སྔོན་ཞིང་ཆེན་གྱི་རྒན་པའི་ཁེ་དབང་འགན་སྲུང་སྲོལ་ཡིག》གི་གྲོས་ཞིབ་བསམ་འཆར།《ཟི་ལིང་གྲོང་ཁྱེར་གླ་གཏོང་རླངས་འཁོར་གྱི་སྐྱེལ་འདྲེན་དོ་དམ་སྲོལ་ཡིག》གི་ཞིབ་བཤེར་སྙན་ཞུ། 《མཚོ་ཤར་གྲོང་ཁྱེར་ས་གཤིས་གནོད་འཚེ་སྔོན་འགོག་དང་བཅོས་སྐྱོང་སྲོལ་ཡིག》གི་ཞིབ་བཤེར་སྙན་ཞུ། 《མཚོ་ལྷོ་བོད་རིགས་རང་སྐྱོང་ཁུལ་རྒྱལ་ཁབ་རྒྱུན་མཐུད་འཕེལ་རྒྱས་གྲོས་རིམ་གསར་སྐྲུན་དཔེ་སྟོན་ཁུལ་འཛུགས་སྐྲུན་སྲོལ་ཡིག》སྐོར་གྱི་ཞིབ་བཤེར་སྙན་ཞུ། 《རྨ་ལྷོ་བོད་རིགས་རང་སྐྱོང་ཁུལ་བོད་རྒྱུད་ནང་བསྟན་ལས་དོན་སྲོལ་ཡིག》སྐོར་གྱི་ཞིབ་བཤེར་སྙན་ཞུ། 《མིན་ཡོན་ཧུའེ་རིགས་རང་སྐྱོང་རྫོང་གི་སྡེ་ལས་དོ་དམ་སྲོལ་ཡིག》སྐོར་གྱི་ཞིབ་བཤེར་སྙན་ཞུ། 《ཧི་ནན་སོག་རིགས་རང་སྐྱོང་རྫོང་གི་སྐྱེ་ཁམས་ཕྱུགས་ལས་འཕེལ་རྒྱས་ལ་སྐུལ་འདེད་གཏོང་བའི་སྲོལ་ཡིག》སྐོར་གྱི་ཞིབ་བཤེར་སྙན་ཞུ། 《ཞིང་ཆེན་མི་དམངས་སྲིད་གཞུང་གི2025ལོའི་ས་གནས་སྲིད་གཞུང་གི་བུན་འཛིན་དང་དེ་མཚུངས་ཀྱི་གཏོང་ཡོང་སྔོན་རྩིས་ལེགས་སྒྲིག་བྱེད་པའི་སྙན་ཞུ》སྐོར་གྱི་ཞིབ་བཤེར་མཇུག་འབྲས་སྙན་ཞུ་བཅས་པར་སྐྲུན་འགྲེམ་སྤེལ་བྱས།
ཞིང་ཆེན་ཏང་ཨུའི་རྒྱུན་ལས་ཨུ་ཡོན། ཞིང་ཆེན་ལྟ་ཞིབ་ཨུ་ཡོན་ལྷན་ཁང་གི་ཀྲུའུ་རིན་ལིའུ་མེ་ཕིན། ཧྲིན་ཀྲང་གཞོན་པ་ལིའུ་ཁྲའོ། ཞིང་ཆེན་མཐོ་རིམ་མི་དམངས་ཁྲིམས་ཁང་གི་འགན་ཁུར་བ། ཞིང་ཆེན་མི་དམངས་ཞིབ་བཤེར་ཁང་གི་འགོ་གཙོ་ཀྲ་ཆིན་ཅིག་སོགས་གྲོས་ཚོགས་སུ་ཞུགས།
