ཡུས་ཧྲུའུ་ཁུལ་གྱིས་མཐོ་རིམ་མཐར་ཕྱིན་སློབ་མའི་ཆེད་དམིགས་ལས་བསྡུའི་བྱེད་སྒོ་སྤེལ་ནས་ལས་གནས་ཁྲི་གཅིག་དང་སྟོང་གསུམ་ལ་ཉེ་བ་འདོན་སྤྲོད་བྱས།

ཟླ7པའི་ཚེས9ཉིན། ཡུས་ཧྲུའུ་བོད་རིགས་རང་སྐྱོང་ཁུལ་ལས་སྟོབས་ནུས་ཤུགས་སྤྲད་ནས་ལས་ཞུགས་ཀྱི་སྟོབས་ཤུགས་གསོག་འཇོག་བྱེད་པའི་ལས་གཏོད་གསར་བསྐྲུན་གྲུབ་འབྲས་འགྲེམས་སྤེལ་ཚོགས་འདུ་དང་མཐོ་རིམ་མཐར་ཕྱིན་སློབ་མའི་མཐར་ཕྱིན་དུས་ཚུགས་ཀྱི་ཆེད་དམིགས་ལས་བསྡུའི་བྱེད་སྒོ་ཡུས་ཧྲུའུ་གྲོང་ཁྱེར་གེ་སར་ཐང་ཆེན་དུ་སྤེལ།

ཐེངས་འདིའི་བྱེད་སྒོ་དྲ་ལམ་དང་ཡུལ་དངོས་ཟུང་འབྲེལ་གྱི་རྣམ་པ་བརྒྱུད་ནས། མཐོ་རིམ་མཐར་ཕྱིན་སློབ་མ་གཙོར་བྱས་པའི་ལས་ཞུགས་ཚོགས་པ་ལ་ལས་ཞུགས་གོ་སྐབས་ཆེན་པོ་འདོན་སྤྲོད་བྱས།  བྱེད་སྒོའི་ཡུལ་དངོས་སུ་ཁེ་ལས་དང་ལས་ཁུངས་སུམ་ཅུ་ལྷག་ཡོད་པ་དང་།  མཐོ་རིམ་མཐར་ཕྱིན་སློབ་མར་ལས་ཞུགས་གདམ་གསེས་ཕུན་སུམ་ཚོགས་པ་མཁོ་འདོན་བྱས། བྱེད་སྒོ་སྤེལ་རིང་ད་དུང་ཁག་ཐེག་དངུལ་བུན་སྤྲོད་པའི་མཛད་སྒོ་བསྡུས་པ་དང་། ལས་གཏོད་པ་དག་ལ་དངུལ་རྩའི་རྒྱབ་སྐྱོར་འདོན་སྤྲོད་བྱས།  དམངས་གཉེར་ཁེ་ལས་པ་དང་། ཕྱིར་ཕ་ཡུལ་དུ་ལོག་ནས་ལས་གཏོད་བྱེད་པའི་མཐོ་རིམ་མཐར་ཕྱིན་སློབ་མ་དང་ན་གཞོན་ལས་གཏོད་པ་དག་ལ་རྩ་ཆེ་བའི་ཉམས་མྱོང་མཉམ་སྤྱོད་བྱས། མཐོ་རིམ་མཐར་ཕྱིན་སློབ་མའི་ཡུལ་དངོས་ནས་གྲོས་འདོན་ཡི་གེ་སྒྲོག་འདོན་བྱས་པ་དང་། མང་ཚོགས་ཀྱིས་ལས་གཏོད་དང་མང་ཚོགས་ཀྱིས་གསར་གཏོད་བྱེད་པར་སྔར་ལས་སྐུལ་སྤེལ་བཏང་།

དེ་དང་ཆབས་ཅིག ཡུལ་དངོས་ནས་ཡུས་ཧྲུའུ་ཁུལ་གྱི་ལས་གཏོད་གསར་གཏོད་ཀྱི་གྲུབ་འབྲས་གསར་བ་གཅིག་བསྡུས་རྣམ་པའི་འགྲེམས་སྟོན་བྱས་པ་དང་། ཡུས་ཧྲུས་ནོར་ཁུལ་འཁལ་འཐག་དང་། མཚོ་སྔོན་ལྷོ་ཕྱོགས་ཀྱི་ཚྭ་དམར། ཡུས་ཧྲུའུ་ནོར་གནག གངས་རིའི་གནས་ཤན་པ་སོགས་ཐོག་མར་ངལ་རྩོལ་ཟོང་རྟགས་ཐོབ་པའི་ཁེ་ལས་དང་ལས་ཁུངས་ལ་བྱ་དགའ་བྱིན། ཐེངས་འདིའི་སློབ་བསྡུའི་བྱེད་སྒོའི་ཡུས་ཧྲུའུ་ཁུལ་གྱི་ལས་གཏོད་གསར་གཏོད་གཅིག་བསྡུས་སྒོས་མངོན་པར་མ་ཟད། མཐོ་རིམ་མཐར་ཕྱིན་སློབ་མར་ཡང་དག་པའི་ལས་ཞུགས་ལྟ་བ་ཆགས་སུ་བཅུག་པ་དང་། མི་སྒེར་གྱི་ནར་སོན་དེ་ཡུས་ཧྲུའུ་ཡི་འཕེལ་རྒྱས་ཆེ་ཕྱོགས་ལ་འདྲེས་པར་སྐུལ་འདེད་ནུས་པ་ཐོན་ནས། ཡུས་ཧྲུའུ་ཁུལ་གྱི་ལས་ཞུགས་ལས་གཏོད་བྱ་བའི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་བཏང་།