མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
མཚོ་སྔོན་གསར་འགྱུར་དྲ་བའི་འཕྲིན། ཟླ3ཚེས10ཉིན། གསར་འགོད་པས་མཚོ་སྔོན་ཞིང་ཆེན་ནགས་ལས་དང་རྩྭ་ཐང་ཅུས་ནས་ཤེས་གསལ་ལྟར་ན། མཚོ་སྔོན་ཞིང་ཆེན་ལྗང་སྒྱུར་ཨུ་ལྷན་གཞུང་སྒྲུབ་ཁང་གིས《2025ལོར་དམངས་ཡོངས་ཀྱི་འོས་འགན་སྡོང་འཛུགས་ལེགས་པོར་སྒྲུབ་དགོས་པའི་སྐོར་གྱི་བརྡ་ཐོ》བཀྲམས་ཏེ། 2025ལོའི་འོས་འགན་སྡོང་འཛུགས་ལས་ཀ་ཡོངས་བཀོད་སྒྲིག་བརྒྱབ། ལོ་ཡོངས་ཀྱི་རྒྱལ་ཁོངས་ས་ཞིང་ལྗང་སྒྱུར་གྱི་དམིགས་འབེན་འོས་འགན་སྤྱི་ཆིང་ཁྲི33.33ཡན་ལ་བསླེབ་དགོས་ཤིང་། དེའི་ནང་ས་ཞིང་སྤྱི་ཆིང་ཁྲི7.33ལ་ནགས་འདེབས་དང་རྩྭ་ས་སྐམ་འགྱུར་སྤྱི་ཆིང་ཁྲི26བཅོས་སྐྱོང་། འོས་འགན་སྡོང་རྐང་ཁྲི1800འཛུགས་པ་བཅས་ཀྱི་ལས་འགན་འདུ།
དམངས་ཡོངས་ཀྱི་འོས་འགན་སྡོང་འཛུགས་ནི་རྒྱལ་ཁོངས་ས་ཞིང་ལྗང་སྒྱུར་གྱི་ཐབས་ལམ་ཡག་ཤོས་ཡིན་ལ། སྐྱེ་ཁམས་དཔལ་ཡོན་གྱི་འདུ་ཤེས་བརྒྱུད་སྒྲོག་གི་རྟེན་གལ་ཆེན་པོ་ཡང་རེད། ད་ལོར་མཚོ་སྔོན་གྱིས་རི་ཆུ་ནགས་ཞིང་མཚེའུ་རྩྭ་ཐང་བྱེ་ས་བཅས་ཚང་མར་གཅིག་གྱུར་འཆད་འགོད་བཟོས་ཏེ་བཅོས་སྐྱོང་དང་། ལྗང་སྒྱུར་གྱི་བར་སྟོང་རྒྱ་སྐྱེད་ལ་ཧུར་བརྩོན། ཡུལ་བབ་དང་བསྟུན་ནས་ས་ཁོངས་ཁག་བགོས་ཀྱི་སྲིད་ཇུས་ལག་བསྟར། ཚན་རིག་དང་མཐུན་པའི་རྒྱལ་ཁོངས་ས་ཞིང་ལྗང་སྒྱུར་ལ་སྐུལ་འདེད། གྲངས་འབོར་ཇེ་མང་བཅས་བཏང་སྟེ། རྩྭ་ས་དང་བྱེ་ས། གཟར་ངོས། ས་རྒོད། གཏེར་ཁོངས་ཀྱི་ཤུལ་སོགས་རྒྱལ་ཁོངས་ས་ཞིང་གི་བར་སྟོང་ལ་ལྗང་སྒྱུར་གང་ལེགས་བྱ་དགོས་པ་དང་། གཞི་ཁྱོན་ངེས་ཅན་གྱི་ལྗང་སྒྱུར་བྱ་ཚད་རྣམ་པ་ཀུན་ཏུ་རྒྱུན་འཁྱོངས་དང་སྐྱེ་ཁམས་ཉམས་ཞན་ཁུལ་གྱི་སྔོ་ཁེབས་རྒྱ་སྐྱེད་ཀྱི་འགག་སྒོ་གཏོར་ཏེ། ནགས་རྩྭའི་ཐོན་ཁུང་ས་ཀྱི་སྤྱིའི་གྲངས་འབོར་མུ་མཐུད་ནས་འཕར་བར་འགན་ལེན་བྱ་རྒྱུ་རེད།
《བརྡ་ཐོ》ཡི་ནང་། ས་ཁུལ་ཁག་དང་སྡེ་ཚན་ཁག་གིས་དམངས་ཡོངས་ཀྱི་འོས་འགན་སྡོང་འཛུགས་ཀྱི་དོན་སྙིང་གལ་ཆེན་ལ་ངོས་འཛིན་གང་ལེགས་བྱས་ཏེ། ཞིང་ཆེན་ཡོངས་ལ་སྐུལ་སློང་དང་། དམངས་ཡོངས་ཀྱི་རྩོལ་བ། སྤྱི་ཚོགས་ཡོངས་ནང་ཞུགས་བཅས་བྱ་བ་རྒྱུན་འཁྱོངས་བྱས་ནས། སྒྲིག་འཛུགས་ཐོག་སྐུལ་སློང་ལ་ཤུགས་སྣོན་དང་། ལས་ཀའི་ལམ་སྲོལ་གསར་གཏོད། དྲིལ་སྒྲོག་སློབ་གསོར་ཤུགས་བརྒྱབ་ནས་སྤྱི་ཚོགས་ཡོངས་འོས་འགན་སྡོང་འཛུགས་ཀྱི་ཧུར་བརྩོན་རང་བཞིན་དང་རང་རྟོགས་རང་བཞིན་སློང་དགོས། རིམ་ཁག་ལྗང་སྒྱུར་ཨུ་ཡོན་ལྷན་ཁང་གཞུང་སྒྲུབ་ཁང་གིས་གསར་གཏོད་སྒྲིག་འཛུགས་དང་ལས་འགན་སྣ་ཚོགས་ཁུར་ལེན་གྱི་ལམ་ནས་དྲ་སྒང་ནས་འགན་ཁུར་འཁྱེར་དང་དྲ་ཕྱི་ནས་འགན་ཁུར་ལེན་གཉིས་ཟུང་སྦྲེལ་རྒྱུན་འཁྱོངས་བྱས་ཏེ། སྤྱི་ཚོགས་ལས་རིགས་ཁག་འོས་འགན་སྡོང་འཛུགས་ནང་ཞུགས་པར་སྟབས་བདེ་གང་མང་བསྐྲུན་ནས་ལོ་ཧྲིལ་བོར་ནུས་ཤུགས་ཡོད་རྒུས་འགན་སྒྲུབ་དང་སྣ་མང་འགན་སྒྲུབ། སྟབས་བདེ་འགན་སྒྲུབ་མངོན་དུ་འགྱུར་དགོས་པའི་བླང་བྱ་བཏོན།
《བརྡ་ཐོ》ཡི་ནང་། རང་ཞིང་གིས2025ལོར་དམངས་ཡོངས་འོས་འགན་སྡོང་འཛུགས་ཀྱིས“སྡོང་འཛུགས་ལས་འགན་ལག་ལེན་མཐར་ཕྱིན་བྱས་ཏེ། མཉམ་དུ་མཛེས་པའི་མཚོ་སྔོན་ཡག་པོ་བསྐྲུན”ཞེས་པ་བརྗོད་གཞིར་བཟུང་ཡོད་ཅིང་། དུས་གནད་འགག་ལ་སྦྱར་ནས་འོས་འགན་སྡོང་འཛུགས་དྲིལ་སྒྲོག་ལ་ཤུགས་བསྣན་དགོས་པ་གསལ་འབེབས་བྱས། རིམ་ཁག་ནགས་རྩྭ་ཅུས(ལྗང་སྒྱུར་ཨུ་ཡོན་ལྷན་ཁང་གཞུང་སྒྲུབ་ཁང་།)ཀྱིས་ནུས་རྒུས་འགན་ལེན་རྣམ་པ་བརྒྱད་ལག་ལེན་དོན་འཁྱོལ་བྱས་ཏེ། “སྦྲེལ་དྲ+”འཛུགས་སྐྲུན་ལ་མུ་མཐུད་དུ་སྐུལ་འདེད་གཏང་ནས་འགན་སྒྲུབ་བྱ་ཡུལ་རྒྱ་སྐྱེད་དང་། འོས་འགན་སྡོང་འཛུགས་ཀྱི་དྲ་རྒྱའི་སྟེགས་བུ་བེད་སྤྱོད་གང་ལེགས་ཐོག བྱེད་སྒོའི་གནས་ཚུལ་ཁྱབ་སྤེལ་བྱས་ནས་“དྲ་ཐོག་ཏུ་བཀོད་དེ། དྲ་ཐོག་ནས་འགན་སྒྲུབ”ཐུབ་པ་བྱ་དགོས། “བྱང་གསུམ”ས་ཁུལ་གྱི་ནགས་རྩྭའི་དོ་དམ་སྡེ་ཁག་གིས་འོས་འགན་སྡོང་འཛུགས་ཀྱི་ལས་ཀ་གཅིག་གྱུར་ཐོག “བྱང་གསུམ”ལ་སོགས་པའི་སྐྱེ་ཁམས་ལས་གཞི་འཛུགས་སྐྲུན་ཁྲོད་བླངས་ནས་མཉམ་དུ་ལས་ཀ་བཀོད་སྒྲིག་དང་ལག་ལེན་དོན་འཁྱོལ་ལ་སྐུལ་འདེད་གཏང་དགོས་པའི་བླང་བྱ་བཏོན་ཡོད་དོ། །
