མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ11པའི་ཚེས27ཉིན། མཚོ་སྔོན་ཞིང་ཆེན་ན་གཞོན་མཉམ་འབྲེལ་ལྷན་ཚོགས་ཀྱི་ཨུ་ཡོན་ལྷན་ཚོགས་སྐབས་བཅུ་གཉིས་པའི་ཚང་འཛོམས་གྲོས་ཚོགས་དང་མཚོ་སྔོན་ཞིང་ཆེན་སློབ་མའི་མཉམ་འབྲེལ་ལྷན་ཚོགས་ཀྱི་སྐབས་བཅུ་གཅིག་པའི་འཐུས་མིའི་ཚོགས་ཆེན་ཟི་ལིང་དུ་འཚོགས་འགོ་བརྩམས། ཞིང་ཆེན་ཏང་ཨུའི་ཧྲུའུ་ཅི་གཞོན་པ་ལིའུ་ཆི་ཧྥན་ཚོགས་འདུར་ཞུགས་པར་མ་ཟད་གཏམ་བཤད།
ཚོགས་འདུ་ལས་བསྟན་དོན། ན་གཞོན་སློབ་མའི་མཉམ་འབྲེལ་ལྷན་ཚོགས་ནི་ཏང་གི་འགོ་ཁྲིད་འོག་གི་མང་ཚོགས་ཚོགས་པ་གཙོ་བོ་ཞིག་ཡིན་པའི་ཆ་ནས། ཏང་གིས་མི་རིགས་སོ་སོ་དང་ལས་རིགས་སོ་སོའི་ན་གཞོན་དང་ན་གཞོན་སློབ་མར་འབྲེལ་བ་བྱེད་པའི་སྦྲེལ་ཐག་གཙོ་བོ་ཡིན། ཉེ་བའི་ལོ་འགའི་རིང་། ཞིང་ཆེན་ཏང་ཨུའི་འགོ་ཁྲིད་བརྟན་པོའི་འོག ཞིང་ཆེན་ཡོངས་ཀྱི་རིམ་པ་སོ་སོའི་ན་གཞོན་སློབ་མའི་མཉམ་འབྲེལ་ལྷན་ཚོགས་རྩ་འཛུགས་ཀྱིས་ལྟེ་བར་དམིགས་པ་དང་ཁྱོན་ཡོངས་ལ་ཞབས་འདེགས་ཞུས་ཤིང་། ཞིང་ཆེན་ཡོངས་ཀྱི་རྒྱ་ཆེའི་ན་གཞོན་དང་ན་གཞོན་སློབ་མ་རྣམས་རྩ་འཛུགས་བྱས་ནས་ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་སློབ་སྦྱོང་དང་ལག་བསྟར་ཟབ་མོ་བྱས་པ་དང་། ཞིང་ཆེན་ཡོངས་ཀྱི་དཔལ་འབྱོར་སྤྱི་ཚོགས་སྤུས་ཚད་མཐོ་བའི་ངང་འཕེལ་རྒྱས་འགྲོ་བ་དང་། སྐྱེ་ཁམས་དཔལ་ཡོན་འཛུགས་སྐྲུན། མི་རིགས་མཐུན་སྒྲིལ་ཡར་ཐོན། སྔོན་ཐོན་ཚན་རྩལ་གསར་གཏོད། གྲོང་གསེབ་ཕྱོགས་ཡོངས་ནས་དར་སྤེལ་བཅས་ལ་ཞབས་འདེགས་ཞུ་བའི་ཁྲོད་དཔའ་ངར་ཆེར་སྐྱེད་ནས་བྱས་རྗེས་ཆེན་པོ་བཞག་ཡོད་ལ། དུས་རབས་གསར་བའི་མཚོ་སྔོན་ན་གཞོན་གྱི་འབད་འཐབ་ཡར་བརྩོན་གྱི་ལང་ཚོའི་གཟི་ཉམས་མངོན།
ཚོགས་འདུ་ལས་ནན་གྱིས་བསྟན་དོན། ཞིང་ཆེན་ཡོངས་ཀྱི་རྒྱ་ཆེའི་ན་གཞོན་དང་ན་གཞོན་སློབ་མ་རྣམས་ཀྱི་ཕུགས་ཀྱི་འདུན་མ་བརྟན་དགོས་ལ། ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་སློབ་སྦྱོང་དང་ལག་བསྟར་ཟབ་མོ་བྱེད་པ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་སློབ་བརྩོན་དང་བློ་སྦྱོང་། གསལ་འབྱེད། རྣམ་དག་བཅས་ཀྱི་བླང་བྱར་དམིགས་ནས། རང་གི་མདུན་ལམ་དང་རྒྱལ་ཁབ་དང་མི་རིགས་ཀྱི་མདུན་ལམ་ཟུང་འབྲེལ་དམ་ཟབ་བྱས་ཏེ། མེས་རྒྱལ་དང་མི་དམངས་ཀྱི་ཆེད་དུ་ཡུན་རིང་འབད་འཐབ་དང་བློ་དཀར་བྱས་རྗེས་འཇོག་པའི་ཕུགས་བསམ་བརྟན་པོ་འཛུགས་དགོས། དཀའ་བ་སྤྱད་ནས་འབད་བརྩོན་ལྷོད་མེད་བྱེད་པ་དང་། དཔེ་དེབ་ལས་ཤེས་བྱ་སྦྱོང་བ་དང་ལག་ལེན་ལས་བདེན་དོན་འཚོལ་བ། མི་དམངས་ལ་བློ་འདྲི་བ་བཅས་རྒྱུན་འཁྱོངས་བྱས་ཏེ། འཇོན་ནུས་ལ་བརྟེན་ནས་ལང་ཚོའི་ཕུགས་འདུན་མངོན་འགྱུར་ཡོང་བར་བྱེད་དགོས། རང་འགུལ་སྒོས་འགན་ལེན་ཁག་ཁུར་བྱེད་པ་དང་།སྤུས་ཚད་མཐོ་བའི་འཕེལ་རྒྱས་བརྒྱུད་རིམ་ཁྲོད་ཀྱི་ན་གཞོན་གྱི་སྟོབས་ཤུགས་གསར་པ་དང་འཕྲལ་སྒྲུབ་རུ་ཁག་གི་ནུས་པ་འདོན་སྤེལ་བྱས་ཏེ། སྐྱེ་ཁམས་དཔལ་ཡོན་གྱི་མཐོ་ས་བསྐྲུན་པ་དང་། ཐོན་ལས་ཀྱི་གནས་བཞི་འཛུགས་སྐྲུན་བྱེད་པ། གཞི་རིམ་གྱི་ལས་ཡུལ་དང་པོར་ཞབས་ཞུ་བསྒྲུབ་པ་བཅས་ཀྱི་ལག་ལེན་ཁྲོད་འབད་བརྩོན་བྱས་ནས་བྱས་རྗེས་འཇོག་པ་དང་། དངོས་སྒྲུབ་དངོས་འབྲས་ཀྱིས་ལང་ཚོའི་ལེའུ་རྩོམ་དགོས། ཞིང་ཆེན་ཡོངས་ཀྱི་རིམ་པ་སོ་སོའི་ན་གཞོན་མཉམ་འབྲེལ་ལྷན་ཚོགས་དང་སློབ་མའི་མཉམ་འབྲེལ་ལྷན་ཚོགས་ཀྱི་རྩ་འཛུགས་ཀྱིས་ཆབ་སྲིད་ཀྱི་ཁྲིད་སྟོན་ལ་ཤུགས་སྣོན་པ་དང་། ན་གཞོན་སློབ་མའི་སྣེ་ཁྲིད་དེ་རྒྱལ་གཅེས་བརྩེ་བ་དང་། སྟོབས་ལྡན་རྒྱལ་ཁབ་ཀྱི་ཕུགས་འདུན། མེས་རྒྱལ་གྱི་དྲིན་གཟོ་བའི་ལག་ལེན་བཅས་དེང་རབས་ཅན་གྱི་མཚོ་སྔོན་གསར་བའི་འཛུགས་སྐྲུན་གྱི་བསྐྱོད་ལམ་ཁྲོད་འདྲེས་པར་བྱེད་དགོས། འབྲེལ་གཏུག་ཞབས་ཞུ་གཙིགས་ཆེར་འཛིན་པ་དང་། ན་གཞོན་འདུས་སྡོད་དང་སྐོར་སྐྱོད། འགྲེམ་པ་བཅས་ཀྱི་རྐྱེན་སྲོལ་དང་ཁྱད་ཆོས་ལ་དབྱེ་ཞིབ་ཞིབ་མོ་བྱས་ཏེ། ན་གཞོན་མཉམ་འབྲེལ་ལྷན་ཚོགས་དང་སློབ་མའི་མཉམ་འབྲེལ་ལྷན་ཚོགས་ཀྱི་རྩ་འཛུགས་ཁེབས་ཚད་དང་བྱ་བའི་ཁེབས་ཚད་ཇེ་ཆེར་གཏོང་དགོས། རང་ངོས་འཛུགས་སྐྲུན་ལ་ཤུགས་སྣོན་པ་དང་། བཅོས་སྐྱོང་དང་དོ་དམ་ནན་མོ་བྱེད་པར་སྐུལ་འདེད་གཏོང་བ། ན་གཞོན་མཉམ་འབྲེལ་ལྷན་ཚོགས་ཀྱི་ཨུ་ཡོན་དང་སློབ་མའི་མཉམ་འབྲེལ་ལྷན་ཚོགས་ཀྱི་འཐུས་མི། ན་གཞོན་མཉམ་འབྲེལ་ལྷན་ཚོགས་དང་སློབ་མའི་མཉམ་འབྲེལ་ལྷན་ཚོགས་ཀྱི་ལས་བྱེད་པའི་རུ་ཁག་བཅས་ལ་དོ་དམ་ནན་མོ་བྱས་ཏེ། ན་གཞོན་སློབ་མའི་མཉམ་འབྲེལ་ལྷན་ཚོགས་རྩ་འཛུགས་ཀྱི་ཆབ་སྲིད་ནུས་པ་དང་སྤྱི་ཚོགས་ནུས་པ་མཐོར་འདེགས་གཏོང་བ་དང་། དུས་རབས་གསར་བའི་ན་གཞོན་སློབ་མའི་མཉམ་འབྲེལ་ལྷན་ཚོགས་རྩ་འཛུགས་ཀྱི་རྣམ་པ་བཟང་པོ་ཆགས་པར་བྱས་ཏེ། ཞིང་ཆེན་ཡོངས་ཀྱི་རྒྱ་ཆེའི་ན་གཞོན་རྣམས་ཀྱིས་མཐུན་པའི་ལག་རྡང་སྦྲེལ་ནས་མཉམ་འཛོམས་བྱེད་དགོས།
ཚོགས་འདུའི་སྟེང་མཚོ་སྔོན་ཞིང་ཆེན་ན་གཞོན་མཉམ་འབྲེལ་ལྷན་ཚོགས་ཀྱི་རྒྱུན་ལས་ཨུ་ཡོན་ལྷན་ཚོགས་སྐབས་བཅུ་གཅིག་པའི་བྱ་བའི་སྙན་ཞུ་དང་། མཚོ་སྔོན་ཞིང་ཆེན་སློབ་མའི་མཉམ་འབྲེལ་ལྷན་ཚོགས་ཀྱི་ཨུ་ཡོན་ལྷན་ཚོགས་སྐབས་བཅུ་པའི་བྱ་བའི་སྙན་ཞུར་ཉན་ནས་གྲོས་ཞིབ་བྱས། ཞིང་ཆེན་ཐད་གཏོགས་ཀྱི་འབྲེལ་ཡོད་ལས་ཁུངས་དང་། ཚོགས་པ་དང་རྩ་འཛུགས་སོ་སོའི་འབྲེལ་ཡོད་བློ་མཐུན། ཞིང་ཆེན་ཡོངས་ཀྱི་འཐབ་ཕྱོགས་སོ་སོའི་ན་གཞོན་མཉམ་འབྲེལ་ལྷན་ཚོགས་ཀྱི་ཨུ་ཡོན་དང་སློབ་མའི་མཉམ་འབྲེལ་ལྷན་ཚོགས་ཀྱི་འཐུས་མི་བཅས་ཚོགས་འདུར་ཞུགས།
