ཞི་ཅིན་ཕིང་གིས་ཀྲུང་གོ་སྨྱན་སྦྱོར་སློབ་ཆེན་གྱི་དགེ་སློབ་ཡོངས་ལ་འཕྲིན་ལན་བསྐུར།

ཉེ་ལམ། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཀྲུའུ་ཞི་ཞི་ཅིན་ཕིང་གིས་ཀྲུང་གོ་སྨྱན་སྦྱོར་སློབ་ཆེན་གྱི་དགེ་སློབ་ཡོངས་ལ་འཕྲིན་ལན་བསྐུར་ཏེ། ཀྲུང་གོ་སྨྱན་སྦྱོར་སློབ་ཆེན་བཙུགས་ནས་ལོ་ངོ་བདུན་ཅུ་འཁོར་བའི་སྐབས་སུ། སློབ་གྲྭའི་དགེ་སློབ་དང་ལས་བཟོ་པ། རྒྱ་ཆེའི་སློབ་གྲོགས་ཡོངས་ལ་རྟེན་འབྲེལ་དང་འཚམས་འདྲི་གནང་།

ཞི་ཅིན་ཕིང་གིས་ནན་གྱིས་བསྟན་དོན། དུས་རབས་གསར་པ་དང་སྐྱོད་ལམ་གསར་པར་ཁྱོད་ཚོས་ཀུན་སྤྱོད་བཟང་པོར་བརྟེན་ནས་མི་གཞི་གསོ་སྐྱོང་བྱེད་པའི་རྩ་བའི་ལས་འགན་དོན་འཁྱོལ་བྱས་ཏེ། གསར་འགྱུར་གླེང་ཕྱོགས་ཀྱི་བྱ་བའི་དགོས་མཁོར་དམིགས་ནས།   སློབ་སྒྲུབ་ཁྱད་ཆོས་འབུར་དུ་བཏོད་པ་དང་བཅོས་སྒྱུར་གསར་སྐྲུན་གཏིང་ཟབ་ཏུ་གཏོང་བ།  སློབ་ཁྲིད་དང་ཚན་རིག་ཞིབ་འཇུག་གི་ཆུ་ཚད་རྒྱུན་ཆད་མེད་པར་མཐོ་རུ་གཏོང་བ།   ཧུར་ཐག་གིས་བྱང་ཚད་སྔར་ལས་མཐོ་བའི་གསར་འགྱུར་སྨྱན་སྦྱོར་གྱི་ཤེས་ལྡན་མི་སྣ་གསོ་སྐྱོང་བྱས་ཏེ། ཏང་གི་དྲིལ་བསྒྲགས་བསམ་བློའི་རིག་གནས་ལས་དོན་འཕེལ་རྒྱས་ཐད་བྱས་རྗེས་སྔར་ལས་གསར་པ་འཇོག་དགོས།

ཀྲུང་གོ་སྨྱན་སྦྱོར་སློབ་ཆེན་གྱི་མིང་ལ་སྔོན་ཆད1954ལོར་བཙུགས་པའི་ཀྲུང་དབྱང་རླུང་འཕྲིན་ལས་དོན་ཅུའུ་ཡི་ལག་རྩལ་མི་སྣའི་གསོ་སྦྱོང་འཛིན་གྲྭ་ཟེར་བ་དང་། 2004ལོར་པེ་ཅིང་རྒྱང་སྒྲོག་སློབ་གླིང་ནས་ཀྲུང་གོ་སྨྱན་སྦྱོར་སློབ་ཆེན་དུ་བསྒྱུར། ཉེ་ལམ། ཀྲུང་གོ་སྨྱན་སྦྱོར་སློབ་ཆེན་གྱི་དགེ་སློབ་ཡོངས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་ལ་འཕྲིན་ཡིག་བསྐུར་ཏེ། སློབ་གྲྭ་བཙུགས་ནས་ལོ་ངོ་བདུན་ཅུ་འཁོར་བའི་རིང་གི་གནས་ཚུལ་དང་ལྷག་པར་དུ་ཏང་གི་ཚོགས་ཆེན་ཐེངས་བཅོ་བརྒྱད་པའི་ཚུན་གྱི་སློབ་སྒྲུབ་གྲུབ་འབྲས་སྙན་ཞུར་ཕུལ་བར་མ་ཟད།  ཏང་གི་དྲིལ་བསྒྲགས་བསམ་བློ་རིག་གནས་བྱ་བར་ཞབས་འདེགས་སྔར་ལས་ལེགས་པོ་ཞུ་བ་དང་། ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་ཆེད་སེམས་ཤུགས་དང་སྟོབས་ཤུགས་གཅིག་ཏུ་བསྒྲིལ་བའི་ཆོད་སེམས་མཚོན་པར་བྱས།