མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
མཚོ་སྔོན་གསར་འགྱུར་དྲ་བའི་འཕྲིན། གསར་འགོད་པས་ཚྭ་ཁའི་ཚྭ་མཚོའི་ལྗོངས་ཁུལ་ནས་རྒྱུས་ལོན་པ་ལྟར་ན། ཟླ8པའི་ཚེས19ཉིན་བར་དུ། ལྗོངས་ཁུལ་དེས་ད་ལོར་ཡུལ་སྐོར་བ་མི་ཐེངས་ཁྲི200ལས་བརྒལ་བ་སྣེ་ལེན་བྱས་ཡོད་ཅིང་། དེ་ནི་ན་ནིང་གི་ཡུལ་སྐོར་ཉིན་གྲངས་དང་བསྡུར་ན་ཉིན26ལས་སྔ་བ་རེད།
ཟླ8ཚེས19ཉིན། ཚྭ་ཁའི་ཚྭ་མཚོའི་ལྗོངས་ཁུལ་དུ་ཅིན་ལི་ཉ་ཨང་ཁྲི200བ་འཚོལ་བ་སྟེ་2024ལོའི་ཚྭ་ཁའི་ཚྭ་མཚོའི་ཡུལ་སྐོར་མི་འབོར་མི་ཐེངས་ཁྲི200ལས་བརྒལ་བར་དགའ་སྟོན་རྟེན་འབྲེལ་ཞུ་བའི་བྱེད་སྒོ་སྤེལ་ཞིང་། སྐུ་མགྲོན་བསུ་བའི་བྲོ་གར་གྱི་ཡོ་ལངས་བཤམས་པ་བསྟུན་ནས་ཚྭ་ཁའི་ཚྭ་མཚོ་ལྗོངས་ཁུལ་གྱི་འགན་ཁུར་བས་ལས་བཟང་ཡུལ་སྐོར་བར་གཟེངས་རྟགས་གནང་བ་མ་ཟད། ལེགས་སྐྱེས་ཀྱང་གནང་ནས་ཡུལ་སྐོར་བ་དེས་ཚེ་གང་བོར་ཚྭ་ཁའི་ཚྭ་མཚོ་ལྗོངས་ཁུལ་ལ་རིན་མེད་དུ་ཡུལ་སྐོར་བྱ་ཆོག་པ་ཁྱབ་སྒྲོག་བྱས།
ཚྭ་ཁའི་ཚྭ་མཚོ་ལྗོངས་ཁུལ་ཟླ6ཚེས1ཉིན་སྒོ་ཕྱེས་ནས་བཟུང་། ཡུལ་སྐོར་བ་མང་པོ་བཀུགས་པ་དང་། ལྗོངས་ཁུལ་གྱིས་ཁོར་ཡུག་དང་རྣམ་པ་ཡོངས་སུ་ལེགས་བསྒྱུར་རིམ་སྤར་བྱས་ནས་ཡུལ་སྐོར་བའི་མདུན་བསུས། དེའི་ནང་ཚྭ་ཁའི་ཚྭ་རྐོས་སྒྱུ་རྩལ་ཚོགས་དང་། ཁྱད་ཆོས་མི་འདྲ་བའི་མེ་འཁོར་ཆུང་ངུའི་ས་ཚིགས། སྣ་ཁ་སྣ་མང་གི་ཡུལ་སྐོར་ཡོ་ཆས། གློག་སྐས་གནམ་ཟམ། རང་འགུལ་ཅན་གྱི་སྐྱོར་ར། རིག་ནུས་ལྟེ་གནས་སོགས་འདུ། ཡུལ་སྐོར་སྐུ་མགྲོན་རྣམས་ཀྱིས་བདེ་འཇགས་ངང་ཡུལ་སྐོར་ཐུབ་པར་འགན་སྲུང་བྱ་ཆེད། ལྗོངས་ཁུལ་གྱིས་གནས་སྐབས་རླངས་འཁོར་འཇོག་ས་བཀོད་སྒྲིག་བྱས་ཏེ། བདེ་སྲུང་བ་དང་ཁྲིད་སྟོན་པ་ཇེ་མང་དང་། བློ་འདྲི་ཞབས་ཞུ་སྟེགས་བུ་དང་། པ་སེ་བཤེར་སྒོ། རླངས་འཁོར་འདུག་སྟེགས་ལ་སོགས་སུ་ཞབས་ཞུ་བ་ཇེ་མང་དུ་བཏང་སྟེ། ཡུལ་སྐོར་བའི་བློ་འདྲི་ལ་དུས་ཐོག་ཏུ་ལན་སྤྲད་ཐུབ་པ་དང་། དགོས་མཁོ་ཡོད་ན་ལམ་སེང་འདོན་སྤྲོད་དང་རོགས་རམ་ཐུབ་པར་འགན་སྲུང་བྱས།
མཚོ་སྔོན་ཚྭ་ཁའི་ཚྭ་མཚོ་རིག་གནས་ཡུལ་སྐོར་གོང་སྤེལ་མ་རྐང་ཚད་ཡོད་ཀུང་སིའི་འབྲེལ་ཡོད་འགན་ཁུར་བས་འདི་སྐད། ད་ལོ་ནས་བཟུང་། ཚྭ་ཁའི་ཚྭ་མཚོ་ལྗོངས་ཁུལ་གྱིས་ཡུལ་སྐོར་བ་སྣེ་ལེན་བྱས་པའི་གྲངས་འབོར་ན་ནིང་གི་དུས་མཉམ་ལས་ཆེ་ཆེར་འཕེལ་ཡོད་ཅིང་། གསར་དུ་སྐྲུན་རྗེས་ཀྱི་ཚྭ་ཁའི་ཚྭ་མཚོའི་ལྗོངས་གཟིགས་དང་ཞབས་ཞུ་སོགས་ཕྱོགས་གང་ཅིའི་ཆ་རྐྱེན་ཇེ་ལེགས་སུ་ཕྱིན་ཡོད་པ་རེད། ད་ལོར་ཚྭ་ཁའི་ཚྭ་མཚོ་ལྗོངས་ཁུལ་གྱིས“པ་སེ་གཅིག་ཉིན་གཉིས་ལ་གོ་ཆོད”པའི་སྲིད་ཇུས་ལག་བསྟར་བྱས་ཏེ། ཡུལ་སྐོར་སྐུ་མགྲོན་རྣམས་ཀྱིས་ཚྭ་ཁའི་ཚྭ་མཚོ་ལྗོངས་ཁུལ་གྱི་ལྟ་ན་སྡུག་པའི་ཡུལ་ལྗོངས་དང་གཏིང་ཟབ་པའི་རིག་གནས་ལ་མྱོང་བ་ཟབ་མོ་བྱེད་དུ་བཅུག་ཡོད་དོ། །
རྩོམ་སྒྲིག་པ། ཁོན་ཐར་འཚོ།
