མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
རང་རེའི་དྲ་བའི་འཕྲིན། ཟླ8ཚེས14ཉིན། རྨ་ཆུ་ཀུང་སི་གཡང་འཁྱིལ་ཆུ་གློག་ས་ཚུགས་ཀྱིས་ཆུ་སྒོ་བརྒྱབ་ནས་ཆུ་མཛོད་ཀྱི་ཆུ་བདེ་བླག་ངང་བསྐྱིལ་ཐུབ་པ་བྱུང་སྟེ། ཆུ་གློག་ས་ཚིགས་ཀྱི་ཨར་ལས་འཛུགས་སྐྲུན་ཁྱོན་ཡོངས་ནས་འགྲུབ་ལ་ཉེ།
གཡང་འཁྱིལ་ཆུ་གློག་ས་ཚུགས་དེ་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་བྲག་དཀར་རྫོང་དང་མང་རྫོང་གི་འབྲེལ་མཚམས་སུ་ཡོད་ཅིང་། ཚལ་རྔ་འགག་ཆུ་གློག་ས་ཚུགས་ཀྱི་རྨ་ཆུའི་སྟོད་རྒྱུད་འཆར་འགོད་གསུམ་པའི་སྐས་རིམ་ཆུ་གློག་ས་ཚིགས་ཀྱི་རིམ་པ་ཆེས་དམའ་ཤོས་ཡིན། 2024ལོའི་ལོ་མཇུག་ལ་འཕྲུལ་ཚན་ཡོངས་ནས་གློག་གདོན་རྒྱུ། མཚོ་སྔོན་ཞིང་ཆེན་གྱིས་རྒྱལ་ཁབ་ཀྱི་ནུས་རྒྱུ་གཙང་མའི་ཐོན་ལས་ཀྱི་མཐོ་ས་གཏོད་པའི་གཙོ་གནད་འདེགས་སྐྱོར་རྣམ་གྲངས་ཁྲོད་ཚུད་པའི་གཡང་འཁྱིལ་ས་གློག་ས་ཚུགས་བསྐྲུན་རྗེས། མཚོ་སྔོན་ཞིང་ཆེན་གྱི་ནུས་རྒྱུ་གསར་པ་གཞི་ཁྱོན་ཅན་གྱི་གསར་སྤེལ་བེད་སྤྱོད་ལ་སྐུལ་འདེད་གཏོང་བ་དང་རྨ་ཆུའི་སྟོད་རྒྱུད་ཀྱི་ནུས་རྒྱུ་གཙང་མའི་རྟེན་གཞི་གཏོད་རྒྱུར་འདེགས་སྐྱོར་གྱི་ནུས་པ་ཐོན་པ་རེད།
ཤེས་རྟོགས་བྱུང་བར་གཞིགས་ན། སྤྱིའི་གློག་འདོན་འཕྲུལ་འཁོར་གྱི་ཤོང་ཚད་ལ་སྟོང་ཝ་ཁྲི་120ཡོད་ཅིང་། ཆུ་གློག་ས་ཚུགས་བསྐྲུན་རྗེས་ལོ་མང་པོར་ཆ་སྙོམས་ཀྱི་གློག་གཏོང་ཚད་སྟོང་ཝ་ཆུ་ཚོད་དུང་ཕྱུར་47.32ཟིན།
རྩོམ་སྒྲིག་པ། ལྷ་ཆེན་རྒྱལ།
