མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
མཚོ་སྔོན་གསར་འགྱུར་དྲ་བའི་འཕྲིན། “དྲིལ་སྒྲོག་ཟླ་བའི་རིང་ཞིང་ཆེན་ཡོངས་ཀྱི་རིམ་ཁག་བཅའ་ཁྲིམས་ཁྱབ་གདལ་བྱེད་པོས‘མཚོ་སྔོན་བཅའ་ཁྲིམས་ཁྱབ་གདལ’ཡི་སྐད་འཕྲིན་ལ་བརྟེན་ནས་སྤྱི་དམངས་བཅའ་ཁྲིམས་ཁྱབ་གདལ་རྒྱུན་གཏན་ཅན་དུ་འགྱུར་བ་བྱས་ཏེ། ཐད་གཏོང་བཅའ་ཁྲིམས་ཁྱབ་གདལ་དང་མཛུབ་སྣེ་བཅའ་ཁྲིམས་ཁྱབ་གདལ་སོགས་ཀྱི་བྱེད་སྒོ་སྤེལ་ནས་ཚོགས་སྤྱི་དང་བྱ་ཡུལ་མི་འདྲ་བའི་ཁྲིམས་སྐྱོང་གི་དོ་ཁུར་ལ་གནད་ལ་འཁེལ་བའི་སྒོ་ནས་ལན་བརྒྱབ་སྟེ། དམངས་དོན་ཁྲིམས་གཞུང་དྲིལ་སྒྲོག་དང་བརྗོད་དོན་གཙོ་བོའི་བཅའ་ཁྲིམས་ཁྱབ་གདལ་བྱེད་སྒོ་སྣ་ཚོགས་ཟབ་འདྲེས་བྱས་ནས་དྲིལ་སྒྲོག་གི་ཕན་འབྲས་བཟང་པོ་ཐོན་ཡོད”ཅེས་གསར་འགོད་པར་ངོ་སྤྲོད་བྱས།
ད་ལོའི་ཟླ5པ་ནི་རྒྱལ་ཡོངས་ཀྱི“དམངས་དོན་ཁྲིམས་གཞུང་དྲིལ་སྒྲོག་ཟླ་བ་”བཞི་པ་དེ་ཡིན། མཚོ་སྔོན་ས་གནས་སོ་སོས་དུས་ཚོད་གཅིག་སྡུད་དང་སྒྲིག་འཛུགས་ཞིབ་ཚགས་བྱས་ཏེ། “1+8+N”རྣམ་པ་སྤྱད་དེ(ཞིང་ཆེན་རིམ་པའི་འགྲན་ར་གཙོ་བོའི་བྱེད་སྒོ1དང་། གྲོང་ཁྱེར་དང་ཁུལ8འགོ་ཚུགས་པའི་མཛད་སྒོ། རྫོང་དང་། གྲོང་ཁྱེར། ཆུས་བཅས་དང་བཅའ་ཁྲིམས་ཁྱབ་གདལ་གྱི་འགན་འཁྲི་བྱེད་པོ་དང་ལས་ཁུངས་སོ་སོ་རེད)བྱེད་ཐབས་གསར་གཏོད་དང་ཕྱོགས་ཡོངས་དང་གོ་རིམ་ལྡན་པའི་སྒོ་ནས་དམངས་དོན་ཁྲིམས་གཞུང་དྲིལ་སྒྲོག་ཟླ་བའི་བྱེད་སྒོ་སྣ་ཚོགས་སྤེལ་ནས་དམངས་དོན་ཁྲིམས་གཞུང་སློབ་སྦྱོང་དང་དྲིལ་སྒྲོག་བྱེད་སྒོའི་ཚ་རླབས་རྒྱུན་ཆད་མེད་པར་འཕྱུར། 《2024ལོའི་ཞིང་ཆེན་ཡོངས་ཀྱི་དམངས་དོན་ཁྲིམས་གཞུང་དྲིལ་སྒྲོག་ཟླ་བའི་ཇུས་གཞི》བཟོས་པར་འགྲེམས་བྱས་ཏེ། ཁྲིམས་སྐྱོང་ཅན་གྱི་ཚོང་གཉེར་ཁོར་ཡུག་ཇེ་ལེགས་སུ་གཏང་བར་དོ་སྣང་དང་། དམངས་དོན་ཁྲིམས་གཞུང་དྲིལ་སྒྲོག་བྱེད་སྒོ་རབ་དང་རིམ་པ་སྒྲིག་འཛུགས་བྱས་ནས་སྤེལ་བ་དང་། དམངས་དོན་ཁྲིམས་གཞུང་དྲིལ་སྒྲོག་སྡེ་ཁུལ་དང་། རོང་འབྲོག་ཁུལ། ཁེ་ལས། སློབ་གྲྭ ཚོང་ཁང་། ཁྱིམ་ཚང་། དྲ་རྒྱ་བཅས་སུ་དྲིལ་སྒྲོག་བྱེད་པར་སྐུལ་འདེད་གཏིང་ཟབ། ཐོན་སྐྱེད་ནུས་ཤུགས་གསར་པ་འཕེལ་རྒྱས་གཏོང་བར་སྐུལ་འདེད་བཅས་བཏང་སྟེ། སྤུས་ཚད་མཐོ་བའི་འཕེལ་རྒྱས་ལ་ཁྲིམས་སྐྱོང་གི་རྣམ་པ་བཟང་པོ་གཏོད།
ས་གནས་དང་ལས་ཁུངས་སོ་སོས“སྲོལ་རྒྱུན་དང་དེང་རབས། རིག་གནས། མཉམ་འགུལ”སོགས་རྣམ་པ་སྣ་མང་སྤྱད་དེ་ཁྲིམས་སྐྱོང་རིག་རྩལ་མཉམ་འཁྲབ་དང་། ཁྲིམས་སྐྱོང་ལྡུམ་རའི་སྤྲོ་ཚོགས། ཤེས་བྱའི་འགྲན་སྡུར་སོགས་རྣམ་པ་སྣ་ཚོགས་བརྒྱུད་སློབ་གསོ་དང་སྤྲོ་སྣང་ཟུང་འབྲེལ་གྱི་སྒོ་ནས་ཁྲིམས་སྐྱོང་དྲིལ་སྒྲོག་སློབ་གསོ་ལ་“ས་སྦྲེལ་གྱི་སེམས་ཤུགས་ལྡན་པ”དང་“མི་རྣམས་ཀྱི་དགའ་ཕྱོགས་རུབ་པ”བྱེད་ཀྱི་ཡོད། LEDའཆར་ཤེལ་གྱིས་དྲིལ་སྒྲོག་སྦྱར་ཡིག་འགྲིལ་འགུལ་གཏོང་བ་དང་། དྲིལ་སྒྲོག་བརྡ་སྦྱོར་སྦྱར་བ། དྲིལ་སྒྲོག་དཔྱད་གཞི་གཏོང་བ་སོགས་ཀྱི་བྱེད་ཐབས་རྒྱུན་མཐུད་ངང་སྤྱད་དེ་དམངས་དོན་ཁྲིམས་གཞུང་གི་དྲིལ་སྒྲོག་བྱེད་སྒོ་ནུས་ཤུགས་ཡོད་རྒུས་སྤེལ་ནས། མི་དམངས་མང་ཚོགས་ཀྱི་ཁྲིམས་སྐྱོང་ཐོབ་པའི་འདོད་པ་དང་བློ་ཡིད་ཚིམ་ཚད་རྒྱུན་ཆད་མེད་པར་ཇེ་མཐོར་བཏང་།
“ཁེ་ལས་ནང་བཅའ་ཁྲིམས་སྐྱེལ་བ། ཁེ་ལས་དང་བཅར་འདྲི། སྲུང་སྐྱེལ་ཚོང་གཉེར་བ”སོགས་བཅའ་ཁྲིམས་ཁྱབ་གདལ་གྱི་དྲིལ་སྒྲོག་བྱེད་སྒོ་གཏིང་ཟབ་སྤེལ་ནས་མཚོན་དཔེ་འགྲེལ་བཤད་དང་དོགས་སེལ་སོགས་ཀྱི་བྱེད་ཐབས་བརྒྱུད་དམངས་དོན་ཁྲིམས་གཞུང་གི་གཞི་རྩའི་ནང་དོན་དང་དོན་སྙིང་གལ་ཆེན་ཁྱབ་གདལ་བཏང་བ་དང་། གན་རྒྱ་ལག་བསྟར་དང་ངལ་ལས་རྩོད་གཞི་སོགས་ཁེ་ལས་གཉེར་སྐྱོང་དང་འབྲེལ་བ་དམ་ཟབ་ཡོད་པའི་བཅའ་ཁྲིམས་དང་ཁྲིམས་སྲོལ་འགྲེལ་བཤད་བྱས་པས་ཁེ་ལས་དང་ཁེ་ལས་པའི་བཅའ་ཁྲིམས་ཀྱི་འདུ་ཤེས་སྔར་བས་ཇེ་ཆེར་ཕྱིན་ཡོད། རིག་གནས་འཕྲོད་བསྟེན་ཚན་རྩལ་གྱི“གྲོང་གསེབ་ཏུ་བསྐྱོད་གསུམ”“བུད་མེད་ཁྲིམས་ལུགས་ཁྱབ་གདལ་གྲོང་གསེབ་ཏུ་བསྐྱོད་པ”སོགས་ཀྱི་བྱེད་སྒོ་ཕྱོགས་ཡོངས་ནས་སྒྲིག་འཛུགས་བྱས་ཏེ། རོང་འབྲོག་མང་ཚོགས་ཀྱི་དགོས་མཁོ་གནད་ལ་འཁེལ་བའི་སྒོ་ནས་སྦྲེལ་མཐུད་དང་། བཅའ་ཁྲིམས་དང་ཁྲིམས་སྲོལ་དྲིལ་སྒྲོག་གཏིང་ཟབ་བྱས་ཏེ་ས་གནས་དང་ཕྱོགས་སོ་སོས་ཁྲིམས་སྐྱོང་དྲིལ་སྒྲོག་ཁྱབ་རྒྱ་ཆེ་རུ་བཏང་ཡོད། དེ་དང་ཆབས་ཅིག་“བཅའ་ཁྲིམས་ཤེས་རྟོགས་པ”གསོ་སྐྱོང་ལས་དོན་ལ་དམིགས་ཏེ་མི་དམངས་འདུམ་འགྲིག་པའི་ཁྲིམས་སྐྱོང་གསོ་སྐྱོང་ཧུར་ཐག་བྱས་ནས་གྲོང་ཚོ་དང་སྡོད་པའི“བཅའ་ཁྲིམས་ཤེས་རྟོགས་པ”གསོ་སྐྱོང་བྱས་ཏེ། དམངས་དོན་ཁྲིམས་གཞུང་མི་སེར་གྱི་གམ་དུ་དྲིལ་སྒྲོག་དང་མང་ཚོགས་ཀྱི་སེམས་སུ་ཁྱབ་སྤེལ་ཡོང་བའི་འགན་ལེན་ཏན་ཏིག་བྱས།
རྩོམ་སྒྲིག་པ། ཨ་གཡང་སྐྱིད།
