མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཉེ་ལམ་གསར་འགོད་པས་མཚོ་སྔོན་ཞིང་ཆེན་ཆུ་བེད་ཐིང་ནས་ཤེས་གསལ་ལྟར་ན། ཞིང་གྲོང་དང་འབྲོག་ཁུལ་གྱི་འཐུང་ཆུའི་བདེ་འཇགས་ལ་འགན་སྲུང་ལེགས་པོ་དང་། གནད་དོན་དག་ཐེར་བྱ་བར་ནན་བཅག་ཡང་ཡང་དང་། ནུས་ཤུགས་ལྷོད་མེད། མྱུར་ཚད་ཇེ་མགྱོགས་བཅས་གཏང་ཆེད། ཐིང་དེས་དོན་དངོས་ལ་སྦྱར་ནས་དབུལ་སྒྲོག་འགག་གཏོར་གྱི་གྲུབ་འབྲས་སྲ་བརྟན་དང་ཞིང་གྲོང་དར་སྤེལ་རྒྱ་སྐྱེད་གཏང་བ“ཉིན་བརྒྱའི་འགག་གཏོར་འགུལ་སྐྱོད”ཅེས་པའི་ཆུའི་ལས་དོན་བརྒྱུད། གཞི་རིམ་གྱི་ཆུ་བེད་སྡེ་ཚན་གྱི་ལག་རྩལ་གྱི་སློབ་སྟོན་ལ་ཤུགས་སྣོན་དང་། ཞིང་གྲོང་གི་ཕྱོགས་བསྡུས་ཆུ་འདོན་ལས་གཞིར་དོ་དམ་ཚད་ལྡན་བྱེད་པར་སྐུལ་འདེད། སྲིད་ཇུས་དྲིལ་སྒྲོག་ལ་ཤུགས་སྣོན་སོགས་བྱེད་ཐབས་ལག་བསྟར་བྱས་ནས་ཞིང་ཆེན་ཡོངས་ཀྱི་དབུལ་ཐར་འགག་སྒྲོལ་ཁྲོད་འཐུང་ཆུའི་བདེ་འཇགས་ཀྱི་ལས་ཀའི་གྲུབ་འབྲས་བརྟན་པོ་ཡོང་བར་འགན་ལེན་བྱས་ཡོད་པས། རྒྱལ་ཁབ་ཀྱི་དབུལ་སྒྲོག་འགག་གཏོར་གྱི་གྲུབ་འབྲས་སྲ་བརྟན་ལ་དཔྱད་བསྡུར་དཔྱད་ཞིབ་བྱེད་པར་ཆུ་བེད་ཀྱི་འགན་སྲུང་བརྟན་པོ་བྱས།
ཞིང་ཆེན་ཆུ་བེད་ཐིང་གིས་ཞིང་འབྲོག་ཁུལ་གྱི་འཐུང་ཆུའི་བདེ་འཇགས་འགན་སྲུང་གི་ལས་འགན་གཙོ་བོར་གཞི་བཙུགས་ཏེ། ཞིང་ཆེན་རིམ་པའི་ལྟ་སྐུལ་དོ་དམ་གྱི་འགན་འཁྲི་སྔར་ལས་ཇེ་དྲག་ཏུ་བཏང་པ་དང་། ཞིང་ཆེན་ཡོངས་ཀྱི་ཆུ་བེད་ཀྱི་དབུལ་སྒྲོལ་འགག་གཏོར་གྱི་གྲུབ་འབྲས་སྲ་བརྟན་རྒྱ་སྐྱེད་གཏང་བ་དེ་ཞིང་གྲོང་དར་སྤེལ་གྱི་ཆུ་བེད་འགན་སྲུང་དང་མཉམ་དུ་ལྟ་སྐུལ་ཁྲིད་སྟོན་དང་ཞིབ་བཤེར་བཀོད་སྒྲིག་བྱས། གྲལ་བཤེར་དང་ལྟ་སྐུལ་ཚད་ལེན། ལྟ་སྐུལ་ཁྲིད་སྟོན། ལས་གཞི་འཛུགས་སྐྲུན། མཉམ་འབྲེལ་རོགས་རེས། སྲིད་ཇུས་དྲིལ་སྒྲོག ལས་གཞི་ཇུས་འགོད་སོགས་བྱེད་སྤྱོད་ཆེན་པོ་དྲུག་བརྒྱུད་དེ་ཞིང་ཆེན་ཡོངས་ཀྱི་ཞིང་གྲོང་གི་ཆུ་འདོན་འོས་འགན་ཡོད་པའི་རྫོང(གྲོང་ཁྱེར་དང་ཆུས)སོ་སོའི་ཆུའི་བདེ་འཇགས་ལ་ལྟ་སྐུལ་ཞིབ་བཤེར་བྱས། ཆུ་འདོན་གནད་དོན་ཞུ་གཏུག་ལ་འགན་ཁུར་དང་། ཉིན་བདུན་ནང་སྒྲུབ་ཐུབ་པ། ཉིན་ལྔའི་ནང་ལན་བསྐྱོན་པའི་ལས་ཀའི་སྒྲིག་སྲོལ་བཙུགས་ཏེ། མང་ཚོགས་ཀྱི་འཐུང་ཆུའི་རེ་འདུན་དུས་ཐོག་ཏུ་ཐག་གཅོད་དང་། ཞུ་ལམ་སོ་སོར་མྱུར་དུ་ལན་ཆ་ཚང་མ་ཕྱིར་སློག་ཐུབ་པར་འགན་ལེན་བྱས།
གཞི་རིམ་གྱི་ཆུ་བེད་སྡེ་ཚན་གྱི་ལག་རྩལ་གྱི་སློབ་སྟོན་ལ་ཤུགས་བསྣན་ཏེ། ས་གནས་སོ་སོ་དང་ལས་ཁུངས་སོ་སོས་ས་གནས་རང་དུ་ཡོད་པའི་དུས་ཚིགས་རང་ཞབིན་གྱི་ཆུ་ཆད་པ་དང་། ཆུ་སྤུས་ལ་འགྱུར་ལྡོག་ཆེ་བ། ཆུ་སྦུག་རྙིང་སྐྱོན་བྱུང་ཡང་ཞིག་གསོ་སོགས་བྱས་མེད་པའི་གནད་དོན་ལ་ཞིབ་བཤེར་གཙང་མ་བྱེད་པར་སློབ་སྟོན་བྱས་དགོས་པ་དང་། ཆུ་འདོན་གཞི་ཁྱོན་ཅན་དང་། དོ་དམ་དེང་རབས་ཅན་དུ་བསྒྱུར་བ་དམིགས་སུ་བཟུང་སྟེ། ཚན་རིག་དང་མཐུན་པོས་སྒོ་ནས་ཆུའི་མགོ་ཁུངས་དང་ཆུའི་ལས་གྲྭ་འཛུགས་སྐྲུན་དང་། ཆུ་སྦུག་འཐེན་པ། སྒྲིག་ཆས་གྲངས་འཇལ་ཐོག་བསྒྲིགས་པ། ཆ་འཕྲིན་ཅན་དུ་བསྒྱུར་བ་སོགས་ལས་གཞིར་འཆར་གཞི་བཟོས་ནས་ཞིང་འབྲོག་ཁུལ་གྱི་ཆུ་འདོན་འགན་སྲུང་གི་རྣམ་གྲངས་མཛོད་ཆ་ཚང་བཙུགས། དུས་མཚུངས་སུ་ཞིང་གྲོང་གི་ཕྱོགས་བསྡུས་ཆུ་འདོན་ལས་གཞི་ཚད་གཞི་ཅན་དུ་བསྒྱུར་བའི་དོ་དམ་ལ་སྐུལ་འདེད་བཏང་སྟེ། ཕྱོགས་བསྡུས་རྣམ་པའི་ཆུ་འདོན་ལས་གཞིའི་དུག་སེལ་གཙང་སེལ་སྒྲིག་ཆས་དང་ཆེད་ལས་ལག་རྩལ་པ་བཀོད་སྒྲིག་ལ་ཤུགས་བསྣན་ནས“སྒྲིག་ཆས་བསྒྲིག་དགོས་པ་ལ་ཅི་ནུས་ཀྱིས་བསྒྲིགས”ཐུབ་བྱས་ཡོད། ལམ་ལུགས་སྒྲིག་བཟོ་དང་གཉེར་སྐྱོང་དོ་དམ་པའ་ལག་རྩལ་གསོ་སྐྱོང་ལ་ཤུགས་བསྣན་ཏེ་ཐོན་སྐྱེད་བདེ་འཇགས་དང་ལས་གཞི་རྒྱུན་ལྡན་ངང་འཁོར་སྐྱོད་ཐུབ་པར་འགན་ལེན་བྱས། “ཆུ་དོ་དམ་ལས་ཁུངས་དང་། མཐུན་ཚོགས། ཆུ་སྤྱོད་མཁན་གསུམ་མཉམ་སྦྲེལ”གྱི་དོ་དམ་བྱེད་སྟངས་འཐུས་ཚང་ཡོང་བར་ཤུགས་སྣོན་པའི་རྨང་གཞིའི་སྟེང་། སྲིད་གཞུང་གི་ལྟ་སྐུལ་དོ་དམ་དང་ཁེ་ལས་ཀྱི་གཉེར་སྐྱོང་ལ་དེང་རབས་ཅན་གྱི་དོ་དམ་བྱེད་སྟངས་འཚོལ་ཞིབ་ཧུར་ཐག་བྱས་ནས་གྲོང་ཚོ་རིམ་པར་གཅིག་གྱུར་དོ་དམ་དང་གཉེར་སྐྱོང་དོ་དམ་རིམ་བཞིན་དུ་ལག་བསྟར་ཁྱབ་གདལ་བཏང་།
གཞན“གསལ་བྱང་”བཀྲམས་ཏེ། ཁྱིམ་ཚང་དུ་དྲིལ་སྒྲོག་བྱེད་པའི་བྱེད་སྟངས་སྤྱད་དེ། སྲིད་ཇུས་དྲིལ་སྒྲོག་དང་། ཡུལ་ཚོ་དང་ཞིང་གྲོང་གི་རིམ་གཉིས་ལས་བྱེད་དང་ཞིང་འབྲོག་མང་ཚོགས་ཀྱིས་ཆུ་འདོན་གྱི་ཚད་དང་། ཆུ་སྤུས། ཆུ་སྤྱོད་པ་བཅས་སྟབས་བདེ་ཚད་དང་། ཆུ་འདོན་ཁག་ཐེག་བྱེད་ཚད་སོགས་ཕྱོགས་ཀྱི་དཔྱད་བསྡུར་ཚད་གཞི་དང་། སྲིད་ཇུས་ཀྱི་གཏན་འབེབས་ཤེས་རྟོགས་བྱེད་མཁན་ཇེ་མང་དུ་བཏང་བར་མང་ཚོགས་ཀྱིས་དང་ལེན་ཐོབ།
རྩོམ་སྒྲིག་པ། ཁོན་ཐར་འཚོ།
