མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
རང་རེའི་དྲ་བའི་འཕྲིན། སྤྱི་ཟླ11པའི་ཚེས16ཉིན་ནས་ཚེས19ཉིན་བར།ཧྲང་ཧའེ་ཁ་གཏད་ས་ཁུལ་གྱི་རིག་གནས་ཡུལ་སྐོར་ཐོན་ལས་འགྲེམས་སྟོན་གྱི་གདན་ཞུ་ལྟར་མགོ་ལོག་ཁུལ་གྱིས“ཧྲང་ཧའེ་དང་མགོ་ལོག་ཁུལ་དབར་གྱི་བརྩེ་སེམས་ཟབ་མོ། དྲིན་ཚོར་ཡར་བརྩོན་བྱེད”ཅེས་པ་བརྗོད་དོན་གཙོ་བོར་བཟུང་ནས་རྒྱལ་སྤྱིའི་རིག་གནས་ཐོན་ལས་དངོས་མང་འགྲེམས་སྟོན་གྲོས་ཚོགས་སྐབས་བཞི་པར་ཞུགས། ཐེངས་འདིའི་འགྲེམས་ཚོགས་ནང་རྒྱལ་ཁབ་དང་ས་ཁུལ32ཀྱི་རིག་གནས་ཁེ་ལས་དང་རྒྱལ་ནང་གི་ཞིང་ཆེན་དང་གྲོང་ཁྱེར12ཀྱི་ས་ཁུལ་རིམ་པའི་གྲོང་ཁྱེར65འགྲེམས་ཚོགས་ནང་ཞུགས་ཡོད་པ་དང་།འགྲེམས་ཞུགས་ལས་ཁུངས1500ལྷག་ཙམ་ཟིན་ཡོད།
ཁུལ་རིག་གནས་ལུས་རྩལ་ཡུལ་སྐོར་རླུང་བརྙན་འཕྲིན་ཅུའུ་ཡིས་སྣེ་ཁྲིད་དེ་སྒྲིག་འཛུགས་བྱས་ནས།ཁུལ་ཡོངས་ཀྱི་ཁྱབ་ཁོངས་སུ་མཚོན་བྱེད་རང་བཞིན་གྱི་རིག་གནས་ཡུལ་སྐོར་ཁེ་ལས12བདམས་ཏེ་དངུལ་དང་། སྐར་རྡོའི་གཡང་ཊཱི། རྨ་རྒྱུད་གཡང་ཊཱི། ཐང་ག བོད་སྤོས་སོགས་རིགས་བརྒྱད་དང་ཐོན་རྫས་སྣ་ཁ1500ལྷག་ཙམ་འཁྱེར་ནས་འགྲེམས་སྟོན་ནང་ཞུགས་ཏེ།ཕྱི་ཕྱོགས་སུ་རང་རེའི་ཁུལ་གྱི་མཚོན་བྱེད་རང་བཞིན་གྱི་ཁྱད་ལྡན་རིག་གནས་ཡུལ་སྐོར་ཐོན་རྫས་ཁྱོན་ཡོངས་ནས་འགྲེམས་སྟོན་བྱས་པ་དང་།ཧྲང་ཧའེ་ཡི་ཁ་གཏད་ས་ཁུལ་གྱི་རིག་གནས་དང་ཡུལ་སྐོར་སོགས་ཁྱབ་ཁོངས་སུ་ཕན་ཚུན་མཉམ་འདྲེས་བྱ་རྒྱུར་ཤུགས་སྣོན་པ་དང་ཆབས་ཅིག། མགོ་ལོག་ཁུལ་གྱིས་རྒྱལ་སྤྱིའི་སྐྱེ་ཁམས་དམིགས་ས་ཆར་ཡུལ་སྐོར་བྱེད་སྒོ་འོས་སྦྱོར་བྱས་པ་རེད།
ཉེ་བའི་ལོ་ཤས་རིང་། ཧྲང་ཧའེ་གྲོང་ཁྱེར་གྱིས་ཀྲུང་དབྱང་གི་ཐབས་ཇུས་བཀོད་སྒྲིག་ལག་བསྟར་དོན་འཁྱོལ་གཏིང་ཟབ་བྱས་ནས།ཆབ་སྲིད་ཀྱི་འདུ་ཤེས་ཟབ་མོ་དང་། མི་རིགས་ཀྱི་བརྩེ་དུང་ཟབ་མོ། དངོས་སྒྲུབ་མཉམ་ལས་བཅས་ཀྱི་སྙིང་སྟོབས་ལ་བརྟེན་ནས།མགོ་ལོག་ཁུལ་ལ་ཁ་གཏད་རོགས་སྐྱོར་གྱི་ལས་དོན་ཧུར་ཐག་གིས་སྤེལ་བས་ས་གནས་གཉིས་བར་གྱི་བསམ་བློ་བརྗེ་རེས་མཉམ་ལས་ལ་གཡུར་དུ་ཟ་བའི་གྲུབ་འབྲས་ཐོབ་ཡོད། གཅིག་ནས་རིག་གནས་དང་ཡུལ་སྐོར་གྱི་གཙོ་གནད་ལས་གཞིའི་ལས་གྲྭ་ཁག་གཅིག་སྒྲིག་འཛུགས་བྱས་ནས་ལག་བསྟར་བྱས་པ་དང་། སྤྱི་པའི་རིག་གནས་ཀྱི་རྨང་གཞིའི་སྒྲིག་བཀོད་སྔར་བས་འཐུས་ཚང་དུ་བཏང་བ། སྤྱི་པའི་རིག་གནས་ཞབས་ཞུའི་ནུས་པ་རྒྱུན་མི་ཆད་པར་ཆེ་རུ་བཏང་ཡོད། གཉིས་ནས་ཧྲང་ཧའེ་ཡིས་རོགས་སྐྲུན་བྱས་པའི་རིག་གནས་ཚོགས་པའི་འཛུགས་སྐྲུན་ལས་གཞིའི་མ་དངུལ་བརྩོན་ལེན་བྱས་ནས་ཁུལ་གེ་སར་དམངས་ཁྲོད་སྒྱུ་རྩལ་ཚོགས་པ་དང་། ཁུལ་ཨ་མྱེས་རྨ་ཆེན་གཞོན་ནུ་ལོ་ཆུང་སྒྱུ་རྩལ་ཚོགས་པ། གཉན་པོ་གཡུ་རྩེ་དམངས་ཁྲོད་སྒྱུ་རྩལ་ཚོགས་པ་། གླིང་སྒྲུང་བྱིས་པའི་གླུ་གཞས་མཉམ་གཏོང་ཚོགས་པ་བཅས་འཛུགས་སྐྲུན་ལ་གཙོ་གནད་སྒོས་རོགས་སྐྱོར་བྱས། ལག་རྡང་གཅིག་ཏུ་སྒྲིལ་ནས་སེམས་པ་གཅིག་ཏུ་མཐུན།《རྨ་ཆུ་ནས་འབྲི་ཆུའི》བརྗོད་དོན་གཙོ་བོའི་རོལ་དབྱངས་སྤྲོ་ཚོགས་ཟི་ལིང་དང་། ཧྲང་ཧའེ། ཉིང་པོ། ནན་ཁྲང་། ཡན་ཨན་སོགས་སུ་བསྐྱོད་ནས་ཞིང་ཆེན་ཕྱི་ནང་དུ་སྐོར་སྐྱོད་འཁྲབ་སྟོན་བྱས་པ་དང་། རིག་རྩལ་ཚོགས་པའི་ཞབས་ཞུའི་ནུས་པ་སྔར་ལས་ཆེ་རུ་ཕྱིན་ནས།མང་ཚོགས་ཀྱི་རིག་གནས་འཚོ་བ་རྒྱུན་ཆད་མེད་པར་ཕུན་སུམ་ཇེ་ཚོགས་སུ་ཕྱིན་ཡོད། གསུམ་ནས《མགོ་ལོག་ཁུལ་ཡི་རིག་གནས་ཤེས་ལྡན་མི་སྣའི“མི་སྟོང་གསོ་སྦྱོང་བྱེད་པའི”ལོ་གསུམ་གྱི་བྱ་འགུལ་འཆར་གཞིའི་ཇུས་གཞི》དང་ཟུང་འབྲེལ་བྱས་ཏེ།ཧྲང་ཧའེ་སློབ་ཆེན་སོགས་སུ་གཟུགས་འདས་ཤུལ་བཞག་རིག་གནས་རྒྱུན་འཛིན་པའི་མི་ཚོགས་ལ་ལག་ཤེས་བཟོ་རྩལ་གསོ་སྦྱོང་དང་ཐང་ག་འབྲི་བ་སོགས་ཀྱི་གསོ་སྦྱོང་འཛིན་གྲྭ་གཉེར་བ། མཚོ་སྔོན་དུ་བཅའ་སྡོད་བྱེད་པའི་ཧྲང་ཧའེ་སློབ་ཆེན་གྱི་སྲོལ་རྒྱུན་བཟོ་རྩལ་ལས་དོན་ས་ཚིགས་བཙུགས་ནས་ཁུལ་དེའི་སྲོལ་རྒྱུན་བཟོ་རྩལ་རྒྱུན་འཛིན་དང་། ཐོན་རྫས་ཞིབ་འཇུག་གསར་སྤེལ། སྤུས་ཚད་མཐོར་གཏོང་བཅས་ཀྱི་ཐད་ལས་སྟེགས་བཏོད་དེ།ཁུལ་ཡོངས་ཀྱི་རིག་གནས་ཡུལ་སྐོར་བྱ་གཞག་འཕེལ་རྒྱས་ལ་ཤེས་ལྡན་མི་སྣའི་འགན་ལེན་བྱས་ཡོད། བཞི་ནས“གཙང་ཆབ་གཅིག་ལ་རོལ་ཞིང་གཅིག་སེམས་གཅིག་ལ་སྦྲེལ་བའི་ཧྲང་ཧའེ་དང་མཚོ་སྔོན”ཞེས་པ་བརྗོད་དོན་གཙོ་བོར་བྱས་པའི“གླིང་སྒྲུང་ཧྲང་ཧའེ་ཡི་འཛམ་གླིང་ཆེན་པོར་སྐྱོད”ཅེས་པའི“མགོ་ལོག་ཁུལ་ཡི་གཟུགས་འདས་ཤུལ་བཞག་རིག་གནས་དང་ཡུལ་སྐོར་འགྲེམས་སྟོན་གཟའ་འཁོར། “རིག་གནས་སྣེ་ཁྲིད་ཀྱིས་མཉམ་འདྲེས་ལ་སྐུལ་འདེད། ཧྲང་ཧའེ་དང་ཤིང་འབྲས་ལག་གདང་སྦྲེལ་ནས་འབྱོར་འབྲིང་ཕྱོགས་སུ་སྐྱོད”ཅེས་པའི་མགོ་ལོག་རིག་གནས་ཧྲང་ཧའེ་ཡི་དྲིན་ཚོར་འཁྲབ་སྟོན་སོགས་བྱེད་སྒོ་ཆེ་གྲས་སྒྲིག་འཛུགས་བྱས་ནས།བསམ་བློ་བརྗེས་རེས་དང་འབྲེལ་འདྲིས་བྱ་རྒྱུར་རྒྱུན་ཆད་མེད་པར་ཤུགས་སྣོན་བརྒྱབ་པ་པ་རེད།
ཐེངས་འདིའི་རིག་གནས་དངོས་མང་འགྲེམས་སྟོན་གྲོས་ཚོགས་ནང་ཞུགས་པ་བརྒྱུད། མགོ་ལོག་ཁུལ་གྱིས་རྒྱལ་སྤྱིའི་སྐྱེ་ཁམས་ཡུལ་སྐོར་བྱ་ཡུལ་གྱི་གཟུགས་བརྙན་གསར་པ་འཚོལ་ཞིབ་དང་འགྲེམས་སྟོན་བྱ་རྒྱུར་སྔར་བས་ཤུགས་བསྣན་སྟེ་མགོ་ལོག་སྐྱེ་ཁམས་ཡུལ་སྐོར་གྱི་ཡིད་དབང་འཕྲོག་ཤུགས་དང་། འགྲན་རྩོད་ནུས་པ། ཁྱབ་འགྱེད་ནུས་པ་བཅས་ནུས་ལྡན་ངང་ཆེ་རུ་བཏང་ནས།མགོ་ལོག་ཁུལ་གྱི་རིག་གནས་ཡུལ་སྐོར་བྱ་གཞག་འཕེལ་རྒྱས་ལ་ཚད་བརྒལ་གསར་པ་ཡོང་རྒྱུར་སྐུལ་འདེད་གཏོང་རྒྱུ་རེད།
རྩོམ་སྒྲིག་པ། ཤ་མོ་འཚོ།
