མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
རང་རེའི་དྲ་བའི་འཕྲིན། ཀ་སྨད་སྡེ་བའི་མཉམ་ལས་ཁང་དུ་བསྐྱོད་པ་ན། དེང་རབས་ཅན་གྱི་གཞུང་ལས་ཐོག་ཁང་དང་ཚན་ལྡན་ཅན་གྱི་གསོ་སྤེལ་ར་བ་དེ་མིག་ལམ་དུ་མངོན་ཡོང་། ར་བའི་ནང་གི་འབྲོག་ལུག་གིས་དུས་ངེས་མེད་དུ་འབའ་སྒྲ་སྒྲོག་ཅིང་ཤ་ཤེད་ནི་གཅིག་ལས་གཅིག་བཟང་། བགོ་བྱ་རྒྱག་ཏུ་ཡོང་བའི་སྡེ་མི་རྣམས་ཀྱིས་སྔ་མོ་ནས་ར་བ་བསྐོར་ནས་ཡོད་ཅིང་། རེ་སྒུག་ཆེན་པོའི་ངང་ཡོང་འབབ་དུ་ཡོད་སྐོར་ནས་གླེང་མོལ་བྱེད་བཞིན་མཆིས། དེ་ནི་ཡོང་འབབ་ཙམ་བགོ་བའི་མཛད་སྒོ་རྐྱང་རྐྱང་ཞིག་མ་ཡིན་པར། ཀ་སྨད་སྡེ་བ་ཕྱུག་སྒྱུར་དང་དར་སྤེལ་གྱི་ལམ་དུ་བསྐྱོད་པའི་མཚོན་རྟགས་ཤིག་ཀྱང་རེད།
འདྲ་མཉམ་དྲང་གཞག་ཡོངས་བསྒྲགས་བཅས་དང“སྡེ་བ་ཐུན་མོང་གིས་ཁེ་ཕན་ལེན་པ་དང་རོང་འབྲོག་མང་ཚོགས་ཀྱིས་ཕན་ཁེ་རེག་པ”ཡི་རྩ་དོན་འོག སྡེ་བའི“ཨུ་ལྷན་གཉིས”ཀྱི་ཁོངས་མིའི་འབོད་སྐད་རེ་རེ་དང་བསྟུན། སྡེ་མི་རྣམས་ཕྱུགས་ལྷས་སུ་སོང་ནས་རྒྱན་ལེན་པ་དང་མཛུབ་ཐེལ་གནོན་པའི་འགྲོ་རིམ་སྟབས་བདེ་ཞིག་བསྒྲུབས་རྗེས། ཁོ་ཚོའི་གདོང་ལ་འཛུམ་གྱིས་ཁེངས་ཤིང་རང་རང་ལ་དབང་བའི་ལུག་ཁྲིད་ནས་འགྲོ་བཞིན་འདུག
2020ལོའི་ཡར་སྔོན་ལ། ཀ་སྨད་སྡེ་བ་ནི་རྫོང་ཡོངས་སུ་མིང་དུ་གྲགས་པའི་དབུལ་ཕོངས་སྡེ་བ་ཞིག་ཡིན། རྗེས་སུ། དབུལ་ཐར་འགག་སྒྲོལ་རྒྱལ་ཁའི་ངང་མཇུག་རྫོགས་པ་དང་བསྟུན། ཀ་སྨད་སྡེ་བས་ཀྱང་དབུལ་ཕོངས་ཀྱི་ཞྭ་མོ་ཕུད་དེ། སྐྱེ་སྟོབས་དང་གསོན་ཤུགས་གསར་པས་ཁེངས་ཡོད། སྡེ་བའི་འཕེལ་རྒྱས་ལ་སྔར་ལས་ལྷག་པའི་སྒོ་ནས་སྐུལ་འདེད་གཏོང་ཆེད། ཀ་སྨད་སྡེ་བས་ཞིང་ཕྱུགས་ལས་འཕེལ་རྒྱས་གཏོང་རྒྱུ་དེ་དམིགས་འབེན་གཙོ་བོར་བཟུང་བའི་ཁར། སྡེ་བའི་ཐུན་མོང་དཔལ་འབྱོར་གྱི་ཡོང་འབབ་ལེན་པའི་ཁ་ཕྱོགས་གཙོ་བོར་བརྩིས་ཏེ། ཀ་སྨད་སྡེ་བའི་སྐྱེ་ཁམས་ཕྱུགས་ལས་མཉམ་ལས་ཁང་བཙུགས། ད་ལྟ། བློ་སེམས་ཞིབ་མོས་བདག་གཉེར་བྱས་པ་བརྒྱུད། ཀ་སྨད་སྡེ་བའི་མཉམ་ལས་ཁང་རིམ་བཞིན་ཇེ་བཟང་ཇེ་ལེགས་སུ་འགྲོ་བཞིན་ཡོད།
རྒྱུད་སྤེལ་དུས་འཁོར་སྔར་ལས་ལྷག་པར་ཇེ་ཐུང་དུ་གཏོང་བ་དང་། སྡེ་བའི་ཐུན་མོང་དཔལ་འབྱོར་གྱི་ཡོང་འབབ་ཚད་ཇེ་མགྱོགས་སུ་གཏོང་ཆེད། 2021ལོར། ཀ་སྨད་སྡེ་བས་ཧུར་ཐག་གིས་ཕྱོགས་སོ་སོ་ནས་མ་རྩ་རེ་ཞུ་བྱས་ཏེ། སྒོར་ཁྲི200འབྲོག་ལུག་གསོ་སྤེལ་བྱེད་པའི་ལས་གཞིར་བཏང་ཞིང་། ཏང་གི་འཛུགས་སྐྲུན་གྱིས་སྣེ་ཁྲིད་པའི་ནུས་པ་ཧུར་ཐག་གིས་འདོན་སྤེལ་བྱས་པས། “སྒྲིག་བཀོད་ཚད་ལྡན་ཅན་དང་གསོ་སྤེལ་ཚད་ལྡན་ཅན། མ་དངུལ་ཞིབ་བསྡུས་ཅན”བཅས་ཀྱི་དེང་རབས་ཅན་གྱི་ཕྱུགས་ལས་འཕེལ་རྒྱས་ཀྱི་རྣམ་པར་བསྐྱོད་དེ། སྡེ་བའི་ཐུན་མོང་དཔལ་འབྱོར་རྒྱ་སྐྱེད་པ་དང་རོང་འབྲོག་མང་ཚོགས་ཀྱི་ཡོང་འབབ་འཕར་བར་ནུས་ཤུགས་ཡོད་རྒུས་སྐུལ་འདེད་བཏང་བ་དང་། ལོ་ངོ་འགའ་ལ་འབད་བརྩོན་བྱས་པ་བརྒྱུད། ཀ་སྨད་སྡེ་བའི་འབྲོག་ལུག་ཚད་ལྡན་ཅན་གྱི་གསོ་སྤེལ་ལས་གཞིས་གྲུབ་འབྲས་མངོན་གསལ་བླངས། ད་ལྟའི་ཀ་སྨད་སྡེ་བ་ནི་སྔོན་ཆད་ཀྱི་དབུལ་ཕོངས་སྡེ་བ་དེ་དང་གཞི་ནས་མི་འདྲ་སྟེ། ཁོ་ཚོའི་ཕྱུགས་ལས་འཕེལ་རྒྱས་རྣམ་པས་སྡེ་བའི་དཔལ་འབྱོར་གོང་འཕེལ་དུ་གཏོང་བར་སྣེ་ཁྲིད་པར་མ་ཟད། ད་དུང་སྡེ་བར་འཕེལ་རྒྱས་ཀྱི་གོ་སྐབས་གསར་པ་ཞིག་ཀྱང་བསྐྲུན་ཡོད། སྡེ་བ་འདིས་བརྗོད་དོན་སློབ་གསོ་དང་འཕེལ་རྒྱས་ལ་སྐུལ་འདེད་གཏོང་བ་ཟུང་འབྲེལ་དམ་ཟབ་བྱས་ཏེ། “མཐའ་ཐིག་སྲུང་། འཕེལ་རྒྱས་གཏོང་། དར་སྤེལ་བྱེད”ཅེས་པའི་འཕེལ་རྒྱས་ཀྱི་འཐབ་ཇུས་ནུས་ཤུགས་ཡོད་རྒུས་ལག་བསྟར་བྱས་ནས། ཐུན་མོང་དཔལ་འབྱོར་གྱི་ཡོང་འབབ་བགོ་བ་སོགས་བྱེད་ཐབས་རབ་དང་རིམ་པ་ལག་བསྟར་བྱས་པ་བརྒྱུད། སྡེ་མི་རྣམས་ལ་ཁེ་ཕན་དངོས་བྱིན་པ་དང་། སྡེ་མི་རྣམས་ཀྱི་འཚོ་བ་ཇེ་བཟང་ཇེ་ལེགས་དང་སྐྱིད་སྣང་རྒྱུན་ཆད་མེད་པར་མཐོར་འདེགས་སུ་བཏང་།།
