ཨ་རིས་མཁའ་རྒོལ་སྤེལ་བ།

 

     ཚེས29ཉིན་ཡེ་མེན་གྱི་ས་གནས་དཔོན་རིགས་ཀྱིས་བཤད་པ་ལྟར་ན། ཉིན་དེར་“རྟེན་གཞིའི”རྩ་འཛུགས་ཀྱི་ཡེ་མེན་ཡན་ལག་གི་འགོ་གཙོ་ཞིག་ཨ་རིའི་མི་མེད་གནམ་གྲུའི་མཁའ་རྒོལ་ཕོག་ནས་རྐྱེན་ལམ་དུ་ཤོར་བ་རེད།

     མིང་ཕྱིར་བསྒྲགས་བྱེད་འདོད་མེད་པའི་ཡེ་མེན་ས་གནས་བདེ་འཇགས་དཔོན་རིགས་ཤིག་གིས་ཤིན་ཧྭ་གསར་འགྱུར་ཁང་གི་གསར་འགོད་པར་ཨ་རིའི་མི་མེད་གནམ་གྲུ་ཞིག་གིས་ཡེ་མེན་གྱི་མ་ལི་པུའུ་ཞིང་ཆེན་ཝ་ཏི་ས་ཁུལ་གྱི་བྱེ་ཐང་ཡན་ལག་ལམ་ཞིག་ཏུ་མུའུ་ནེར·ཨ་ཧོ་ཏ་ལེ་ལ་དམིགས་འཛིན་བྱས་ནས་འཇབ་རྒོལ་བྱས་ཡོད་པ་རེད། སྐབས་དེར་ཁོང་རང་སྦག་སྦག་ཞོན་བཞིན་ཡོད་ཅེས་བཤད་པ་རེད། མཁའ་རྒོལ་གྱིས་ཨ་ཧོ་ཏ་ལེ་དང་དེའི་འགྲོགས་རོགས་མི་སྣ་ཞིག་ཤི་བ་རེད། ཨ་ཧོ་ཏ་ལེ་ནི་“རྟེན་གཞིའི”རྩ་འཛུགས་ཀྱི་ཡེ་མེན་ཡན་ལག་གི་མཐོ་རིམ་དམག་དོན་གོ་གནས་འཁུར་རྒྱུའི་ངོས་འཛིན་བྱེད་ཀྱི་ཡོད།

     ཨ་རི་ཕྱོགས་དང་ཡེ་མེན་སྲིད་གཞུང་ཕྱོགས་ཚང་མས་དེའི་ཐད་གསལ་བསྒྲགས་དངོས་སུ་ཁྱབ་བསྒྲགས་བྱས་མེད།