དབང་གནོད་འགན་འཁྲི་ཇེ་ཡང་དང་མེད་པར་བཟོ་བར་ཆ་རྐྱེན་ག་འདྲ་གྲུབ་དགོས།

ཡོང་ཁུངས། མཚོ་སྔོན་བོད་ཡིག་ཁྲིམས་སྐྱོང་ཚགས་པར།

(1)དབང་གནོད་ཕོག་མཁན་ལ་ནོར་འཁྲུལ་ཡོད་པ།  གལ་ཏེ་དབང་གནོད་ཕོག་མཁན་གྱིས་གནོད་འཚེ་གཅིག་མཚུངས་ལ་ནོར་འཁྲུལ་བྱུང་བའམ་རྒྱ་ཆེ་རུ་བཏང་ན།  དབང་གནོད་གཏོང་མཁན་གྱི་འགན་འཁྲི་ཇེ་ཡང་དུ་བཏང་ཆོག

(2)གནོད་འཚེ་ཐེབས་པར་གནོད་འཚེ་ཐེབས་མཁན་གྱིས་བསམ་བཞིན་དུ་བཟོས་པ་ཡིན་ན།  བྱ་སྤྱོད་སྤེལ་མཁན་གྱིས་ཁག་འགན་འཁུར་མི་དགོས།  

(3)ཉེན་ཁ་ཡོད་པ་ཤེས་བཞིན་དུ་རང་གི་འདོད་མོས་ལྟར་རིག་གནས་ལུས་རྩལ་བྱ་འགུལ་ལ་ཞུགས་པ་དང་།  ཞུགས་མཁན་གཞན་དག་གི་བྱ་སྤྱོད་ཀྱི་དབང་གིས་གནོད་སྐྱོན་ཕོག་ན།  གནོད་འཚེ་ཕོག་མཁན་གྱིས་ཞུགས་མཁན་གཞན་དག་ལ་དབང་གནོད་ཁག་འགན་འཁུར་བའི་རེ་ཞུ་བྱས་མི་ཆོག  འོན་ཀྱང་དེར་ཞུགས་མཁན་གཞན་དག་གིས་གནོད་འཚེ་འབྱུང་བར་ཤེས་བཞིན་དུ་བྱས་པའམ་ལས་འཛོལ་ཚབས་ཆེན་བྱུང་བ་འདིའི་ཁོངས་སུ་མི་གཏོགས། 

རྩོམ་སྒྲིག་པ། : ཡེ་ཤེས་སྒྲོལ་མ།