མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
འཚོ་བ་དངོས་ཀྱི་ཁྲོད་ཁ་ཆེམས་རེ་རེར་བཅའ་ཁྲིམས་ཀྱི་ནུས་པ་ཡོད་པ་མིན་ཞིང་བཅའ་ཁྲིམས་ཀྱིས་ཀྱང་ཁས་ལེན་པ་ཞིག་མིན། བཅའ་ཁྲིམས་ཀྱི་གཏན་འཁེལ་ལ་གཞིགས་ན། ནུས་ལྡན་གྱི་ཁ་ཆེམས་གཅིག་ལ་ངེས་པར་གཤམ་གསལ་གྱི་ཆ་རྐྱེན་བཞི་ཚང་དགོས་པ་སྟེ།
(1)ཁ་ཆེམས་འཇོག་མཁན་གྱིས་ཁ་ཆེམས་འཇོག་དུས་ངེས་པར་ཁ་ཆེམས་ལ་ནུས་པ་ཡོད་དགོས་པ་སྟེ། ཁ་ཆེམས་འཇོག་མཁན་ལ་དམངས་དོན་གྱི་བྱ་སྤྱོད་སྤེལ་ནུས་ཆ་ཚང་ཡོད་དགོས།
(2)ཁ་ཆེམས་ལ་ངེས་པར་ཁ་ཆེམས་འཇོག་མཁན་གྱི་བསམ་ཚུལ་ངོ་མ་ཡོད་དགོས། ཁ་ཆེམས་འཇོག་སྐབས་རྦད་དེ་རང་མོས་ཡིན་ཞིང་རང་ཉིད་ཀྱི་བསམ་དོན་ངོ་མ་ལྟར་འཇོག་དགོས་པ་ལས། མི་གཞན་གྱི་མགོ་སྐོར་དང་བཙན་ཤེད་འོག་ཏུ་བཞག་པ་ཞིག་མ་ཡིན།
(3)ཁ་ཆེམས་ཀྱི་ནང་དོན་ངེས་པར་ཁྲིམས་མཐུན་ཡིན་དགོས་ཏེ། ཁ་ཆེམས་ཀྱི་ནང་དོན་དེ་རྒྱལ་ཁབ་ཀྱི་བཅའ་ཁྲིམས་ཁྲིམས་སྲོལ་དང་འགལ་མི་ཆོག ཐག་གཅོད་པ་ནི་ཁ་ཆེམས་འཇོག་མཁན་མི་སྒེར་གྱི་རྒྱུ་ནོར་ཁོ་ན་ཡིན་དགོས།
(4)ཁ་ཆེམས་ལ་ངེས་པར་ཁྲིམས་བཀོད་ཀྱི་རྣམ་པ་ཡོད་དགོས། དམངས་དོན་ཁྲིམས་གཞུང་གི་གཏན་འཁེལ་ལྟར་ན། ཁ་ཆེམས་འཇོག་སྟངས་ལ་རང་བྲིས་ཁ་ཆེམས་དང་། གཞུང་དཔང་ཁ་ཆེམས། ངག་ཐོག་ཁ་ཆེམས། པར་བཏབ་ཁ་ཆེམས། སྒྲ་ཕབ་བརྙན་ཕབ་ཀྱི་ཁ་ཆེམས་བཅས་ཡོད། དེའི་ཁྲོད་ངག་ཐོག་གི་ཁ་ཆེམས་དང་པར་འདེབས་ཁ་ཆེམས། སྒྲ་ཕབ་བརྙན་ཕབ་ཁ་ཆེམས། ཚབ་བྲིས་ཁ་ཆེམས་བཅས་ངེས་པར་མི་གཉིས་སམ་གཉིས་ཡན་ལ་ཐད་ཀར་ཁེ་གྱོང་གི་འབྲེལ་བ་མེད་པའི་མིས་ཡུལ་དངོས་སུ་བདེན་དཔང་བྱ་དགོས་པར་མ་ཟད། ཁ་ཆེམས་སྟེང་མིང་རྟགས་ཀྱང་དགོད་དགོས།
