ནར་མ་སོན་པའི་མིས་ཁ་པར་རོལ་རྩེད་ནང་སྒོར་མོ་བཞག་པ་ཕྱིར་ལེན་ཐུབ་བམ།

《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དམངས་དོན་ཁྲིམས་གཞུང》གི་དོན་ཚན19པའི་གཏན་འཁེལ་ལྟར་ན། ལོ8ཡན་གྱི་ནར་མ་སོན་པའི་མི་ནི་དམངས་དོན་གྱི་བྱ་སྤྱོད་སྤེལ་ནུས་ཆ་ཚང་མེད་མཁན་ཡིན་ཞིང་། དམངས་དོན་གྱི་ཁྲིམས་འབྲེལ་བྱ་སྤྱོད་སྤེལ་བར་དེའི་ཁྲིམས་བཀོད་ལས་ཚབ་པས་ཚབ་སྒྲུབ་བམ་ཡང་ན་དེའི་ཁྲིམས་བཀོད་ངོ་ཚབ་པས་མོས་མཐུན་རྗེས་ངོས་འཛིན་བྱ་དགོས། འོན་ཀྱང་། རང་ཚུགས་ཀྱིས་ཁེ་ཕན་ཁོ་ན་ཐོབ་པའི་དམངས་དོན་གྱི་ཁྲིམས་འབྲེལ་བྱ་སྤྱོད་དམ་དེའི་ལོ་ཚོད་དང་རིག་སྟོབས་ལ་འཚམ་པའི་དམངས་དོན་གྱི་ཁྲིམས་འབྲེལ་གྱི་བྱ་སྤྱོད་སྤེལ་ཆོག

《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དམངས་དོན་ཁྲིམས་གཞུང》གི་དོན་ཚན20པའི་གཏན་འཁེལ་ལྟར་ན། ལོ8མན་གྱི་ནར་མ་སོན་པའི་མི་ནི་དམངས་དོན་ཁྲིམས་འབྲེལ་གྱི་བྱ་སྤྱོད་སྤེལ་ནུས་མེད་མཁན་ཡིན་ཞིང་། དེའི་དམངས་དོན་གྱི་ཁྲིམས་འབྲེལ་བྱ་སྤྱོད་ནི་ཁྲིམས་བཀོད་ལས་ཚབ་པས་སྤེལ་དགོས།

དེའི་ཕྱིར། ནར་མ་སོན་པའི་མིས་རོལ་རྩེད་ནང་བཞག་པའི་སྒོར་མོ་ཕྱིར་སློག་ཆོག ལོ8མན་གྱི་བྱིས་པའི་རོལ་རྩེད་ཀྱི་དངུལ་འཇོག་བྱ་སྤྱོད་ནི་ནུས་མེད་ཡིན་པས། དངུལ་འཇོག་ཚང་མ་ཕྱིར་སློག་དགོས། ལོ8ཡན་གྱི་ནར་མ་སོན་པའི་མིས་རོལ་རྩེད་ནང་སྒོར་མོ་འབོར་ཆེན་བཞག་སྟེ་ཕ་མའི་མོས་མཐུན་མ་ཐོབ་ན། དེའི་ལོ་ཚོད་དང་རིག་སྟོབས་ཁྱབ་ཁོངས་ལས་བརྒལ་བའི་དངུལ་འཇོག་དངུལ་གྲངས་ཁ་ཚང་ཕྱིར་སློག་རྒྱུའི་རེ་འདུན་ཞུས་ཆོག