ཁ་ཆེམས་ལྟར་རྒན་གསོ་ཁང་ལ་ཤུལ་ནོར་སྤྲད་ན་རྒན་གསོའི་གནད་དོན་ཐག་གཅོད་ཐུབ་བམ།

རང་རྒྱལ་གྱི་དམངས་དོན་ཁྲིམས་གཞུང་ནང་དེང་སྐབས་སྤྱོད་བཞིན་པའི་ཤུལ་འཛིན་བཅའ་ཁྲིམས་ཀྱི་རྨང་གཞིའི་སྟེང་རྒན་གསོ་བྱེད་མིའི་ཁྱབ་ཁོངས་ཇེ་ཆེར་བཏང་སྟེ། རང་བྱུང་མི་ཡིས་ཤུལ་འཛིན་མི་སྣ་ལས་གཞན་པའི་རྩ་འཛུགས་དང་མི་སྒེར་བར་ཤུལ་ནོར་འབུལ་སྤྲོད་དང་རྒན་རྒོན་གསོ་སྐྱོང་བྱ་རྒྱུའི་གྲོས་མཐུན་ཡི་གེ་འབྲི་ཆོག་ལ། རྩ་འཛུགས་དེ་དང་མི་སྒེར་གྱིས་རང་བྱུང་མི་ལ་བདག་སྐྱོང་དང་གཤིན་ཆོས་བསྒྲུབ་རྒྱུའི་འོས་འགན་ལེགས་པོར་བསྒྲུབས་ཚེ་ཤུལ་ནོར་བེད་སྤྱོད་ཀྱི་ཁེ་དབང་ཡོད། ཤུལ་ནོར་འབུལ་སྤྲོད་དང་རྒན་རྒོན་གསོ་སྐྱོང་གི་གྲོས་མཐུན་ལམ་ལུགས་ནི་དེང་སྤྱོད་ཀྱི་ཤུལ་འཛིན་བཅའ་ཁྲིམས་ཀྱིས་ཁས་ལེན་པའི་བཅའ་ཁྲིམས་ཀྱི་ལམ་ལུགས་ཤིག་རེད། དམངས་དོན་ཁྲིམས་གཞུང་ནང་རྒན་གསོ་བྱེད་མིའི་ཁྱབ་ཁོངས་རྒྱ་བསྐྱེད་པ་ནི། ཕྱོགས་གཅིག་ནས་རང་རྒྱལ་གྱི་སྤྱི་ཚོགས་རྩ་འཛུགས་ཀྱི་འཛུགས་སྐྲུན་ལ་གྲུབ་འབྲས་ཆེན་པོ་ཐོབ་པ་དང་། ཕྱོགས་གཞན་ཞིག་ནས་རྒན་རྒོན་རྣམས་ཀྱི་འདོད་བློ་ལ་བརྩི་བཀུར་དང་། བཅའ་ཁྲིམས་ཀྱིས"རྒས་དུས་འཚོ་རྟེན་ཡོད་པའི"དམིགས་འབེན་མངོན་འགྱུར་བྱེད་པར་ཧུར་ཐག་སྒོས་ནུས་པ་འདོན་བཞིན་ཡོད་པ་མཚོན།