གློག་སྒུལ་རླངས་འཁོར་གྱི་བདེ་འཇཊ་ཐད་ལ་སེམས་ཁྲལ་ཡོད་ན་འདིར་གཟིཊ།

 

     གོ་ལ་ཧྲིལ་པོའི་རླངས་འཁོར་ཐོན་ལས་ནུས་རྒྱུ་གསར་པའི་ཕྱོགས་སུ་མགྱོགས་མྱུར་ངང་འཕེལ་རྒྱས་འགྲོ་བཞིན་པའི་སྐབས་འདིར། རླངས་འཁོར་གྱི་བདེ་འཇགས་ནི་རླངས་འཁོར་ཐོན་ལས་འཕེལ་རྒྱས་ཀྱི་འཕར་གཞི་གལ་ཆེན་ཞིག་ཏུ་འགྱུར་བཞིན་ཡོད། ཟླ་6ཚེས་20ཉིན། ཀྲུང་དབྱང་བརྙན་འཕྲིན་ལས་ཁུངས་གསར་འགྱུར་འཕྲིན་ལམ་གྱི་ཐད་གཏོང་ལེ་ཚན《རྩེར་སོན་ཚོད་ལྟ་ཁང་》ཁྲོད་ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཀྱི་ལེ་ཚན་གཙོ་སྐྱོང་པ་ལའོ་ཁྲུན་ཡན་དང་། ཧོ་ཡན་ཁོ། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཀྱི་གསར་འགོད་པ་ལི་ཅིན་ཅིན་དང་དེ་བཞིན་པེ་ཅིང་འགྲིམ་འགྲུལ་སློབ་ཆེན་དངོས་ལུགས་ཚན་རིག་དང་བཟོ་སྐྲུན་སློབ་གླིང་གི་དགེ་རྒན་ཆེ་མོ་ཁྲེན་ཀྲེང་བཅས་ལས་གྲུབ་པའི“ཚན་རིག་རྒྱུས་ལོན་ཚོགས་པས”མཉམ་དུ་སའེ་ལི་སིའི་ཚོད་ལྟ་ཁང་དང་ཚད་འཇལ་ར་བ་མང་པོ་ཞིག་ཏུ་བསྐྱོད་ནས། ནུས་རྒྱུ་གསར་པའི་རླངས་འཁོར་གྱི་བདེ་འཇགས་རང་བཞིན་ལ་ཚད་ལེན་ཚོད་ལྟ་བྱས་ཡོད།

བཟོ་ལས་CTལྷུ་ལག་ལ་ཧའོ་སྨི་རིམ་པའི“བདེ་འཇགས་བརྟག་དཔྱད”བྱེད་པ།

     ལྷུ་ལག་གི་བདེ་འཇགས་ནི་ཐོན་སྐྱེད་ལས་རིམ་ཁྲོད་ཀྱི་བཟོ་སྐྲུན་ཞིབ་ཚགས་ལས་བྱུང་བ་ཞིག་ཡིན་ལ། དེ་བས་ཀྱང་སྤུས་ཚད་ཞིབ་བཤེར་མཐའ་སྣེ་ནས་མཇུག་མཐའི་ཚོད་ལྟའི་ར་སྤྲོད་ལེགས་འགྲུབ་བྱས་པ་ལས་བྱུང་བ་ཞིག་རེད། བཟོ་ལས་CTམ་ལག་འདིས་Xའཕྲོ་ཐིག་གི་ལག་རྩལ་སྤྱད་པ་དང་། ཐོན་རྫས་ལ་གནོད་པ་མེད་པའི་སྒོ་ནས་ཆག་སྐྱོན་འཚོལ་ཞིབ་བྱེད་པ་དང་ལྷུ་ལག་གི་བདེ་ཐང་ཚད་ལ་ཞིབ་བཤེར་བྱེད་ཐུབ།

     ཁ་ཕྱོགས་སྒྱུར་ཚིགས་ནི་རླངས་འཁོར་གྱི་ཁ་སྒྱུར་འཁོར་ལོ་དང་འགྱིག་འཁོར་གྱི་སྟོབས་ཤུགས་བརྒྱུད་འདྲེན་ལྟེ་གནས་ཤིག་ཡིན་ཞིང་། དེའི་ནུས་པ་ནི་རླངས་འཁོར་གཏོང་བའི་སྐབས་ཀྱི་བདེ་འཇགས་ཐད་གལ་འགངས་ཧ་ཅང་ཆེན་པོ་ཡིན། CTབཤེར་འབེབས་བརྒྱུད་ནས་ཁ་ཕྱོགས་སྒྱུར་ཚིགས་སྟེང་གི་1.18mmཡི་རླུང་ཁུང་དེ་གནད་ལ་འཁེལ་བའི་སྒོ་ནས་རྙེད་ཡོད། གལ་ཏེ་ལྷུ་ལག་ལ་སྐྱོན་ཆ་ཕྲན་བུ་ཐོན་ཚེ་མགྱོགས་པོར་སྐྱོད་བཞིན་པའི་རླངས་འཁོར་ལ་བག་ལ་ཉལ་བའི་ཉེན་ཁ་མང་པོ་ཞིག་བཟོ་སྲིད།

གློག་རྫས་ཆུར་སྦོང་བའི་ཚོད་ལྟ། གློག་རྫས་ཆུ་ནང་དུ་ཆུ་ཚོད་24སྦངས་ན་རྒྱུན་ལྡན་ལྟར་བཀོལ་སྤྱོད་བྱེད་ཐུབ་བམ།

     རྒྱལ་ཁབ་ཀྱི་ཚད་གཞི་ལྟར་ན། སྒུལ་ཤུགས་གློག་རྫས་ཀྱི་ཆུ་འགོག་བླང་བྱ་ནི་ཆུ་ཟབ་ཚད་སྨི་1ཡོད་པའི་སྣོད་ཆས་ནང་ཡོངས་སུ་སྦངས་ནས་སྐར་མ་30འགོར་རྗེས། གློག་རྫས་ནང་གི་རྫས་ཕྱིར་ཤོར་མེད་པ་དང་། ཆག་སྐྱོན་བྱུང་མེད་པ། མེ་སྐྱོན་མི་ཤོར་བ། འབར་གས་མི་ཤོར་བ་བཅས་ཡིན་དགོས། ད་ཐེངས་ཀྱི་བདེ་འཇགས་ཚད་ལེན་བྱེད་སྐབས་གློག་རྫས་དེ་སྨི1.5ཟིན་པའི་ཆུ་རྫིང་དུ་བཞག་ཡོད། ཆུ་ཚོད་24སྦངས་རྗེས་སླར་ཡང་ཆུ་ཚོད་8སྐམ་ནས་ཐད་ཀར་རླངས་འཁོར་ནང་བླུགས་ཏེ་མྱུར་ཚད་མགྱོགས་པོའི་གཤིས་ནུས་ཚད་ལེན་ཚོད་ལྟ་སྟེ། འགོ་ཚུགས་པ་དང་། མགྱོགས་མྱུར་སྐྱོད་པ། འཕྲལ་འཇོག་བཅས་བསྐྱར་ཟློས་ཐེངས་གསུམ་བྱས་པ་རེད།

     དབྱར་དུས་ཉི་མས་འཚིག་པ་དང་། རླངས་འཁོར་རྡུང་ཁ་ཤོར་བ། གློག་རྫས་ལ་གློག་གསོག་ཚད་མགྱོགས་དྲགས་པ་སོགས་ཀྱི་རྐྱེན་ལས་གློག་སྒུལ་རླངས་འཁོར་གྱི་གློག་རྫས་ལ་མེ་ཤོར་བ་དང་འབར་གས་ཤོར་བའི་སྣང་ཚུལ་ཐོན་སྲིད་དམ།《རྩེར་སོན་ཚོད་ལྟ་ཁང་》གི་མེ་ལྕེ་དྲག་པོའི་ཚོད་ལྟའི་ཁྲོད། སྒུལ་ཤུགས་གློག་རྫས་ཐུམ་སྒྲིལ་དེ་ཐད་ཀར་དྲོད་ཚད་ཧྲེ་ཧྲི་ཏུའུ་1000གི་མེ་ལྕེའི་ནང་རྒྱུན་མཐུད་སྐར་ཆ་150བསྲེགས་ནའང་། གློག་རྫས་ལ་མེ་འབར་མེད་པ་མ་ཟད་འབར་གས་ཀྱང་བྱུང་མེད། དེ་ནི་གློག་རྫས་ཐུམ་སྒྲིལ་གྱི་རིམ་པ་མང་པོའི་འགོག་སྲུང་གིས་ནུས་པ་ཐོན་པ་ཞིག་ཡིན་པས། ཆག་སྒོ་འཕྲད་སྐབས་མིར་སྲོག་ཉེན་ལས་ཐར་བའི་དུས་ཚོད་བརྩོན་ལེན་བྱེད་ཐུབ།

ཆར་པ་འབབ་པའི་མཚན་མོར་ལམ་ནོར་ཤོར་ཚེ་AEB (རང་འགུལ་ཛ་དྲག་མྱུར་བཀག་མ་ལག)གིས་གསལ་པོར་རྟོགས་ཐུབ་བམ།

     དྲག་ཆར་དང་སྨུག་པ་སྟུག་པོའི་ཁྲོད་རླངས་འཁོར་གཏོང་དུས། རླངས་འཁོར་ནང་གི་མ་ལག་གང་གིས་ཁ་ལོ་བར་གཞོགས་འདེགས་བྱེད་ཐུབ་ཅེ་ན། ཚོད་ལྟའི་ནང་དུ། ཆར་པ་འབབ་པ་དང་སྨུག་པ་ཆེ་བ། མཚན་མོ་100km/hམྱུར་བགྲོད་བྱེད་པ་བཅས་ཀྱི་ཆ་རྐྱེན་ངན་པའི་འོག སྐུལ་འོད་རཱ་ཏའི་འོད་ཐིག་192དང་ཞིབ་ཚད་མཐོ་བའི་སྲ་གཟུགས་སྐུལ་འོད་རཱ་ཏ་གསུམ་བསྒར་བའི་ནུས་རྒྱུ་གསར་པའི་རླངས་འཁོར་ཝུན་ཅེ་M9ཡིས་ཤེས་ཚོར་དང་ངོས་འཛིན་ལེགས་འགྲུབ་བྱུང་བས། AEBམ་ལག་སྒོ་ཕྱེ་ནས་རླངས་འཁོར་བདེ་འཇགས་ངང་འགོག་ཐུབ་ཡོད།

རིག་ནུས་ཅན་གྱི་རླངས་འཁོར་གྱིས་རང་བཤེར་བྱས་ཏེ་རང་ཉིད་རང་གི“སྨན་པ”བྱེད་པ།

     བལྟས་ན་གྲལ་འགྲིག་ལ་གཅིག་གྱུར་གྱི་“རླངས་འཁོར་གྱི་རླུང་འཕྲིན་ལུས་སྦྱོང་”འདྲ་པོ་དེ་ནི། དོན་དངོས་སུ་ཝུན་ཅེ་M9ཡི་རིག་ནུས་རང་བཤེར་མ་ལག་ཅིག་ཡིན། སྐར་མ་90ཡི་ནང་ཟློས་མཐོའི་ཞིབ་དཔྱད་ཚད་ལེན་བཅུ་ཕྲག་ཁ་ཤས་ལེགས་འགྲུབ་བྱས་ནས། རླངས་འཁོར་གྱི་ཆག་སྐྱོན་གནད་ལ་འཁེལ་བའི་སྒོ་ནས་བཀག་འགོག་བྱས་པས། ལས་ཆོད་ནི་མི་ཐབས་ལས་ལྡབ་10ཡིས་མགྱོགས་པ་ཡོད། བཟོ་གྲྭ་ནས་མ་ཐོན་གོང་རང་ཉིད་ལ་བདེ་ཐང་ཞིབ་བཤེར་བྱེད་ཐུབ་པའི་རིག་ནུས་རླངས་འཁོར་ཞིག་གིས་རིག་ནུས་བཟོ་སྐྲུན་ལག་རྩལ་གསར་བཅོས་ཀྱི་ཐད་མི་རྣམས་ལ་བག་ཆགས་གསར་པ་ཞིག་བཞག་ཡོད།

     ཧྲེ་ཧྲི་ཏུའུ་1000ཟིན་པའི་མེར་བསྲེགས་པ་ནས་ཆུ་ནང་དུ་ཆུ་ཚོད་24སྦངས་པའི་བར་དང་། དྲག་ཆར་ཆེ་བའི་མཚན་ལམ་ནས་ལྷུ་ལག་ལ་ཞིབ་བཤེར་ཞིབ་ཕྲ་བྱེད་པའི་བར། དོན་དངོས་དང་མཐུན་པའི་བདེ་འཇགས་ཚད་ལེན་ཚོད་ལྟ་རབ་དང་རིམ་པ་དེ་དག་ནི་སའེ་ལི་སིའི་རིག་ནུས་བདེ་འཇགས་མ་ལག་འཛུགས་པའི་བརྒྱུད་རིམ་ཁྲོད་ཀྱི་ལས་རིམ་ཕྲན་བུ་ཞིག་ཡིན་ལ། ནུས་རྒྱུ་གསར་པའི་རླངས་འཁོར་བདེ་འཇགས་ངང་འཕེལ་རྒྱས་འགྲོ་བའི་བདེན་དཔང་ཞིག་ཀྱང་ཡིན།