ཀན་སུའུ་དང་མཚོ་སྔོན་ཞིང་ཆེན་གཉིས་ཀྱིས་ལྗོངས་རྒྱུ་སྐོར་ལམ་གྱི་འགྲོ་འོང་བདེ་འཇགས་སྲུང་སྐྱོབ་ཐད་མཉམ་དུ་བྱེད་ཐབས་བཏོན།

མཚོ་སྔོན་གསར་འགྱུར་དྲ་བའི་འཕྲིན།   ཀན་སུའུ་ཞིང་ཆེན་དང་མཚོ་སྔོན་ཞིང་ཆེན་གཉིས་ཀྱིས་ལྗོངས་རྒྱུ་བསྐོར་ལམ་གྱི་ཡུལ་སྐོར་བ་ཧ་ཅང་མང་པའི་འགྲིམ་འགྲུལ་གནོན་ཤུགས་ལ་ཁ་གཏད་འཇལ་ནས་འགྲིམ་འགྲུལ་འགྲོ་འོང་གི་བདེ་འཇགས་ལ་སྲུང་སྐྱོབ་བྱ་ཆེད།  ཉེ་ལམ་ཀན་སུའུ་དང་མཚོ་སྔོན་ཞིང་ཆེན་གཉིས་ཀྱི་སྤྱི་བདེ་དང་འགྲིམ་འགྲུལ་སྐྱེལ་འདྲེན།  རིག་གནས་ཡུལ་སྐོར་བཅས་སྡེ་ཁག་བཅས་ཀྱིས་མཉམ་འབྲེལ་ཐོག་མཉམ་ལས་སྒྲིག་སྲོལ་དཔྱད་གླེང་ཚོགས་འདུ་བསྡུས་ཏེ། 《ཀན་སུའུ་དང་མཚོ་སྔོན་གྱི་ལྗོངས་རྒྱུ་བསྐོར་ལམ་གྱི་བདེ་འཇགས་སྲུང་བའི་བྱེད་ཐབས་བརྒྱད》མཉམ་དུ་བཏོན་ནས་བསྐོར་ལམ་གྱི་ཡུལ་སྐོར་བདེ་འཇགས་སྲུང་ཡོལ་དེ་སྤུས་ཚད་མཐོ་བའི་སྒོ་ནས་བརྟན་པོར་བཟོས། 

  ཤེས་གསལ་ལྟར་ན།   བྱེད་ཐབས་བརྒྱད་པོ་དེ་ལྟེ་བའི་ཁྱབ་ཁོངས་བརྒྱད་ལ་ཁྱབ་ཡོད་དེ། གཅིག    འགྲིམ་འགྲུལ་བདེ་འཇགས་མཉམ་འགུལ་སྒྲིག་སྲོལ་དང་།  མཉམ་འབྲེལ་དོ་དམ་ཆེད་སྒྲུབ་པ། མཉམ་འབྲེལ་གཞུང་སྒྲུབ་ཁང་བཅས་བཙུགས་ཏེ་ལས་རེས་ཀྱིས་སྣེ་ཁྲིད་དེ་ཉིན་རྒྱུན་གྱི་འཁོར་རྒྱུག་ལ་འགན་སྲུང་བྱ་དགོས།   གཉིས།  འགྲིམ་འགྲུལ་གནོད་སྐྱོན་མཉམ་བཅོས་བྱས་ཏེ།   ལྗོངས་ཁུལ་ཉེ་འཁོར་གྱི་ལམ་ཐིག་དམིགས་སུ་བཟུང་ནས་“ཉེན་ཡོད་རྩིས་ཐོ  —བཅོས་སྐྱོང—རྩིས་ཐོ་མེད་པར་བཟོ་བ”བཅས་ཀྱི་རྒྱ་བཟོ་བ་དང་།   སྡེ་ཁག་གསུམ་གྱིས་ལས་ཀ་ཁག་བགོས་ཀྱིས་འགྲིམ་འགྲུལ་དང་གཞུང་ལམ། ལྗོངས་ཁུལ་བཅས་དང་འབྲེལ་བའི་གནད་དོན་ལ་ཞིབ་བཤེར་དག་ཐེར་བྱ་དགོས།    གསུམ།   འགྲིམ་འགྲུལ་རྩ་འཛུགས་ལེགས་སྒྱུར་དང་།  འགྲོ་ལམ་ཟུར་འདྲེན་ཇུས་གཞི་གཏན་འབེབས།   མཉམ་འབྲེལ་ཁྲིམས་བསྟར་ཞབས་ཞུ་ས་ཚིགས་བཙུགས་ཏེ།   རླངས་འཁོར་ལ་ལམ་སྟོན་བྱས་ནས་གཞུང་ལམ་དཀྱུས་མའི་གནོན་ཤུགས་སེལ་དགོས།   བཞི།  མཉམ་འབྲེལ་ཐོག་ཁྲིམས་འགལ་ལ་རྡུང་རྡེག་དང་།  ཡུལ་སྐོར་དུས་བཟང་ལ་ཟླ་རེར་མ་མཐའ་ཡང་ཐེངས་གཅིག་ལ་མཉམ་འབྲེལ་ཁྲིམས་བསྟར་ཐོག    མགྲོན་འཁོར་གྱི་ཁྲིམས་འགལ་ལ་ཞིབ་བཤེར་ནན་མོ་བྱས་ནས་མཉམ་འབྲེལ་འབྲེལ་ཐག་ཆགས་སུ་འཇུག་དགོས།  ལྔ།   མཐའ་འཁོར་གྱི་ཡུལ་སྐོར་ཁེ་ལས་ལ་ལྟ་སྐུལ་དོ་དམ་དང་།  སྡེ་ཁག་དུ་མས་ཁེ་ལས་ཀྱིས་བདེ་འཇགས་འོས་འགན་ལག་བསྟར་ལ་སྐུལ་འདེད་བཅས་བྱས་ཏེ།   གནད་དོན་ཅན་གྱི་ཁེ་ལས་ལ་བསླབ་འདོམས་དང་ཐེར་འདོན་ལ་སོགས་བྱེད་ཐབས་སྤྱད་དགོས།    དྲུག   ཡུལ་སྐོར་གྱི་ཆ་འཕྲིན་གཞི་གྲངས་མཉམ་སྤྱོད་དང་།  མགྲོན་པོའི་འགྲོ་འོང་དང་མི་མངོན་ཉེན་ཁ།  ཁྲིམས་བསྟར་ལ་སོགས་པའི་ཆ་འཕྲིན་ཕན་ཚུན་གྱི་ཤེས་ཐུབ་པ་བྱས་ནས་ཡུལ་སྐོར་དང་འབྲེལ་བའི་རླངས་འཁོར་ལ་ལྟ་རྟོག་ནན་མོ་བྱ་དགོས།    བདུན།   མཉམ་དུ་འཕྲལ་བསྟུན་དོན་རྐྱེན་ཐག་གཅོད་དང་།   ཆུ་ཚོད1ནང་དུ་ནམ་ཟླ་ངན་པ་དང་དོན་རྐྱེན་ལ་སོགས་པའི་གློ་བུར་གནས་ཚུལ་དང་ལེན་ལ་འགན་ལེན་བྱས་ཏེ།    ལས་ཀ་ཁག་བགོས་ཀྱིས་འགྲིམ་འགྲུལ་དང་སྐུ་མགྲོན་ལ་ཁྲིད་སྟོན་དང་།   སྨན་བཅོས་ལ་འབྲེལ་བ་སོགས་བྱ་དགོས།     བརྒྱད།   བདེ་འཇགས་དྲིལ་སྒྲོག་དང་འབྲེལ་ཏེ།  ཡུལ་སྐོར་དུས་བཟང་གི་སྐབས་ལ་མཉམ་དུ་དྲིལ་སྒྲོག་སློབ་གསོའི་བྱེད་སྒོ་སྤེལ་ནས་ཐབས་ལམ་དུ་མ་ནས་ཁྲིམས་སྲོལ་ཤེས་བྱ་དང་བདེ་འཇགས་གསལ་འདེབས་དྲིལ་སྒྲོག་བྱ་དགོས་པ་བཅས་རེད།

ཐེངས་དིའི་བྱེད་ཐབས་བརྒྱད་པོ་བཏོན་རྗེས།   ཞིང་ཆེན་གཉིས་ནས་ཡུལ་སྐོར་འགྲིམ་འགྲུལ་བདེ་འཇགས་ལ་དོ་དམ་མཉམ་འཛིན་གྱི་སྤྱིའི་བཀོད་ལེགས་ལག་བསྟར་བྱས་ནས་ཡུལ་སྐོར་བར་བདེ་འཇགས་ཡིན་ལ།  གོ་རིམ་ཡོད་པ། ཤར་མར་བསྐྱོད་ཐུབ་པའི་འགྲོ་འོང་ཁོར་ཡུག་ཅིག་བསྐྲུན་ཐུབ་རྒྱུའོ ། །