ཁྲག་རྩ་འགག་སླ་བའི་ཟས་རིགས་བཅུ།

ཟས་རིགས་བཅུ་པོ་འདི་ཉུང་ཙམ་ཟོ།

1.ཚྭ་ཉུང་དུ་གཏོང་དགོས།

མི་རེར་ཉིན་རེར་ཁེ་ལྔ་ལས་བརྒལ་མི་ཆོག དེ་དང་ཆབས་ཅིག་མངོན་མེད་ཚྭ་ཅུང་མང་བའི་ཟས་རིགས་དཔེར་ན། ཅང་ཡིའུ་དང་། ཅང་། བྲོ་བཅུད་སོགས་བྲོ་རྫས་དང་། ལྕགས་ཀྲིན་དང་། མཚོ་སྨི། ཤ་རྒྱུ། ཕག་ཤ་བསྙལ་མ། སྟབས་བདེའི་ཐུག་པ་སོགས་ཉུང་ཉུང་ཟོ།

2.ཤ་ཚིལ་ཉུང་ཉུང་ཟོ།

རྒྱུན་དུ་སྲོག་ཆགས་ཀྱི་ཞག་ཚིལ་མང་དྲགས་པ་མི་ཟ་བ། ཞག་ཚིལ་མང་དྲགས་ན་ཁྲག་ཚིལ་ཇེ་མཐོར་འགྲོ་སྲིད།

3.ནང་ཁྲོལ་ཉུང་ཉུང་ཟོ།

མཁྲིས་རྒྱུ་གཤེར་རྩི་ཅུང་མཐོ་བའི་ཟས་རིགས་ཀྱང་ཉུང་ཉུང་ཟོ། མཁྲིས་རྒྱུ་གཤེར་རྩི་མང་དྲགས་ན་ཁྲག་ཚིལ་མཐོ་རུ་འགྲོ་སྲིད།

4.སྣུམ་བཙོས་ཟས་རིགས་ཉུང་ཉུང་ཟོ།

ཞིབ་འཇུག་ལས་མངོན་པ་ལྟར་ན། བསྲེགས་ཟས་རིགས་མང་པོ་ཟས་ན་སྙིང་ཁམས་ཁྲག་རྩའི་ནད་དང་སྙིང་ཤུགས་ཉམས་རྒྱུ། གཅིན་པ་མངར་འགྱུར་གྱི་ནད་བཅས་དང་འབྲེལ་བ་ཡོད། མི་རེར་ཉིན་རེར་སྣུམ་ཁེ་25ལས་བརྒལ་མི་རུང་།

5.འབྲུ་རིགས་ཞིབ་མོ་ཟ་རྒྱུ་ཉུང་དུ་གཏོང་དགོས།

གཙོ་ཟས་ཁྲོད་ཀྱི་འབྲུ་རིགས་ཞིབ་མོས་1/2ནས་2/3ཟིན་དགོས། རྗེས་ཕྱོགས་ཀྱི་ཟས་རིགས་གཙོ་བོའི་ཁྲོད་དུ་ང་ཚོས་རིམ་བཞིན་འབྲུ་རིགས་ཞིབ་མོའི་བསྡུར་ཚད་ཇེ་ཉུང་དུ་གཏོང་དགོས། འབྲས་ཐུག འབྲས། ཕྱེ་ཟས་ཞིབ་མོ་བཅས་རིམ་བཞིན་ཇེ་ཉུང་དུ་གཏོང་དགོས།

6.འབྲས་ཐུག་ཉུང་ཉུང་ཟོ།

འབྲས་ཐུག་ཕོར་གང་འཐུང་ན་མངར་མོ་མེད་མོད། འོན་ཀྱང་། མངར་ཆུ་འཐུང་བ་དང་འདྲ་བས་ཁྲག་མངར་ལ་ཤུགས་རྐྱེན་ཐེབས་སྲིད།

7.ལས་སྣོན་བྱས་པའི་ཤ་ཉུང་ཉུང་ཟོ།

ཤ་ལས་སྣོན་ཁྲོད་ཀྱི་ཚྭ་ཚད་གཞི་ལས་བརྒལ་བ་དང་། ཟེ་སྐྱུར་ཚྭ་ཕལ་བ་ཡང་ཚད་གཞི་ལས་བརྒལ་ཡོད་པས་ཚོད་འཛིན་ནན་པོ་བྱེད་དགོས།

8.ཚད་ལོངས་ཚིལ་སྐྱུར་ཉུང་ཉུང་ཟོ།

དཔེར་ན། སྲོག་ཆགས་ཀྱི་ཞག་ཚིལ་ཚང་མ་ཉུང་ཉུང་ཟོ།

9.ལྡོག་ཚུལ་ཚིལ་སྐྱུར་ཉུང་ཉུང་ཟོ།

མངར་ཟས་དང་། སྣུམ་བཙོས་ཟས་རིགས། ཁོ་ཁོ་ཚིལ་ཁྲོག་ལེབ། འོ་མའི་མངར་ཆ། འཁྱགས་དར།། འོ་ཇ། ཁོ་ཧྥེའི་རོགས་པ་སོགས་ཚང་མ་ནི་ལྡོག་པའི་ཚིལ་སྐྱུར་འདུས་ཚད་ཅུང་མཐོ་བའི་ཟས་རིགས་ཡིན།

10.ཟས་རིགས་གང་འདྲ་ཞིག་ཡིན་རུང་རྒྱགས་ཚད་ཟ་མི་རུང་།

མཇུག་ཏུ་བཤད་དགོས་པ་ནི། ཟས་རིགས་གང་འདྲ་ཡིན་རུང་རྒྱགས་ཚད་ཅིག་མི་ཟ་བར་བཅུ་ཆ་བདུན་བརྒྱད་ཀྱིས་རྒྱགས་པས་ཆོག