མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ6པའི་ཚེས23ཉིན། མགོ་ལོག་བོད་རིགས་རང་སྐྱོང་ཁུལ་རྨ་ཆེན་རྫོང་སྤྱི་བདེ་ཅུས་རྭ་རྒྱ་མངགས་གཏོང་ཁང་གིས་མྱུལ་ཞིབ་དང་བཀོད་སྒྲིག་ཞིབ་ཚགས་བྱས་པ་བརྒྱུད། ཤོ་རྒྱག་གི་གྱོད་དོན་ཞིག་བདེ་བླག་ངང་ཞིབ་བཤེར་ཐག་གཅོད་བྱས།
ཚེས23ཉིན་གྱི་ཐོ་རེངས་ཆུ་ཚོད1ཡས་མས་སུ། རྭ་རྒྱ་མངགས་གཏོང་ཁང་གི་མི་དམངས་ཉེན་རྟོག་པས་བྱ་བའི་ཁྲོད་མངའ་ཁུལ་གྱི་འབྲོག་ཁྱིམ་ཞིག་ཏུ་ཁྲིམས་འགལ་ངང་ཤོ་རྒྱག་བཞིན་ཡོད་པ་ཤེས་རྟོགས་བྱུང་། མངགས་གཏོང་ཁང་གིས་དེ་མ་ཉིད་དུ་ཉེན་རྟོག་པ་ཉམས་མྱོང་ཅན་སྒྲིག་འཛུགས་བྱས་ནས་ཁྲིམས་ལྟར་འབྲོག་ཁྱིམ་དེར་ཞིབ་བཤེར་བྱས་པར་མ་ཟད། རྩེད་ཤོག་གི་རྣམ་པས་ཤོ་རྒྱག་མཁན་གུ་ཆེ་གེ་མོ་སོགས་ཁྲིམས་འགལ་བྱ་སྤྱོད་སྤེལ་མཁན6ཀྱང་ཡུལ་དངོས་སུ་འཛིན་བཟུང་བྱས།
མི་དམངས་ཉེན་རྟོག་པས་ཁྲིམས་ལྟར་ཡུལ་དངོས་སུ་དཔང་རྟགས་གཏན་འཁེལ་གྱི་བྱ་བ་སྤེལ་ཞིང་། རྩིས་བཤེར་དང་ཐོ་འགོད་བྱས་ཏེ་གྱོད་འབྲེལ་རྒྱན་དངུལ་སྒོར10000དང་དེ་བཞིན་རྒྱན་འཛུགས་རྩེད་ཤོག2ཁྲིམས་ལྟར་གཞུང་བཞེས་བྱས། འདྲི་རྩད་བྱས་པ་བརྒྱུད། ཁྲིམས་འགལ་བྱ་སྤྱོད་སྤེལ་མཁན6གིས་ཤོ་རྒྱག་ནང་ཞུགས་པའི་ཁྲིམས་འགལ་གྱི་དོན་དངོས་སྦ་གསང་མེད་པར་ཁས་ལེན་བྱས། མིག་སྔར། གྱོད་དོན་དེ་མུ་མཐུད་དུ་ཐག་གཅོད་བྱེད་བཞིན་ཡོད།
