མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
མི་གཤིས་དབང་ཆ་དང་ཐོབ་ཐང་དབང་ཆ་ཚང་མ་མི་ལུས་དབང་ཆའི་ཁྱབ་ཁོངས་སུ་གཏོགས། ཐོབ་ཐང་གི་དབང་ཆ་ཞེས་པ་ནི་རང་བྱུང་མིའི་གཉེན་སྒྲིག་གི་འབྲེལ་བ་ལས་བྱུང་བའི་ཐོབ་ཐང་གི་དབང་ཆ་དང་ཁྱིམ་ཚང་གི་འབྲེལ་བ་ལས་བྱུང་བའི་ཐོབ་ཐང་གི་དབང་ཆ་ལ་ཟེར། དཔེར་ན། ཁྱོ་ཤུག་བར་གྱི་མི་ལུས་དབང་ཆ་དང་། ཕ་མ་དང་བུ་ཕྲུག་བར་གྱི་མི་ལུས་དབང་ཆ་སོགས་ལྟ་བུའོ། །
མི་གཤིས་དབང་ཆ་དང་ཐོབ་ཐང་དབང་ཆའི་བར་གྱི་འབྲེལ་བ་ནི།
(1) དེ་གཉིས་ནི་ཆེད་གཏོགས་དབང་ཆ་ཡིན། མི་གཤིས་ཀྱི་དབང་ཆ་དང་ཐོབ་ཐང་གི་དབང་ཆ་ཚང་མ་ནི་ཁེ་དབང་ཡོད་མཁན་གྱི་མི་ལུས་དང་འབྲེལ་བ་དམ་ཟབ་ཡོད་པ་དང་། དེ་དག་གི་བྱ་ཡུལ་ཚང་མ་ཁེ་དབང་འཛིན་མཁན་གྱི་མི་ལུས་དང་ཁ་འབྲལ་ཐབས་མེད་པའི་ཁེ་ཕན་ཞིག་ཡིན།
(2)དེ་གཉིས་ཀ་འཇིག་རྟེན་དབང་ཆ་ལའང་གཏོགས་པས་རེད། ཁེ་དབང་འདི་གཉིས་ཀྱི་འོས་འགན་བྱེད་པོ་ཚང་མ་དམིགས་བསལ་མིན་པའི་མི་ཡིན་ལ། ཁེ་དབང་བྱེད་པོ་ཕུད་པའི་མི་ཚང་མ་འོས་འགན་བྱེད་པོ་ཡིན་པས། དབང་ཆ་གང་དགར་མི་སྤྱོད་པའི་འོས་འགན་ཡོད།
(3)དེ་གཉིས་ཀ་རྒྱུ་ནོར་གྱི་དབང་ཆ་མིན། མི་གཤིས་ཀྱི་དབང་ཆ་དང་ཐོབ་ཐང་གི་དབང་ཆ་གཉིས་ཀ་རྒྱུ་ནོར་མིན་པའི་ཁེ་ཕན་བྱ་ཡུལ་དུ་བྱེད་པའི་དམངས་དོན་གྱི་དབང་ཆ་ཞིག་ཡིན།
