མི་དམངས་བར་འདུམ་གྱི་བྱ་བའི་བྱེད་ཕྱོགས་ཅི་ཞིག་ཡིན་ནམ།

མི་དམངས་བར་འདུམ་གྱི་བྱ་བའི་བྱེད་ཕྱོགས་ནི༼འདུམ་འགོག་ཟུང་འབྲེལ་བྱེད་པ་དང་སྔོན་འགོག་གཙོར་འཛིན་པ་ཡིན།༽༼བར་འདུམ༽དང༼སྔོན་འགོག༽ནི་རྩོད་སྒྲུབ་གཅིག་གྱུར་གྱི་འབྲེལ་བ་ཡིན་པས། བར་འདུམ་བྱ་བ་ལེགས་སྒྲུབ་བྱས་ན་དོན་རྐྱེན་འཕེལ་བར་ཚོད་འཛིན་དང་། འགལ་བ་དང་རྩོད་གཞི་ཚབས་ཆེན་དུ་འགྱུར་བར་སྔོན་འགོག་བྱས་ནས། གྱོང་གུན་ཆེན་པོ་འབྱུང་བར་གཡོལ་ཐབས་བྱེད་ཐུབ། སྔོན་འགོག་བྱ་བ་ལེགས་སྒྲུབ་བྱས་ན། དོན་རྐྱེན་མ་བྱུང་སྔོན་ལ་ཟློག་པ་དང་། རྩོད་གཞིས་བཟོས་པའི་གྱོང་གུན་དང་གནོད་རྐྱེན་ཇེ་ཆུང་དང་མེད་པར་གཏོང་ཐུབ། བར་འདུམ་བྱེད་དགོས་ལ་སྔོན་འགོག་ཀྱང་བྱེད་དགོས་པ་མ་ཟད། ད་དུང་བར་འདུམ་བྱེད་པར་རྐང་འཛུགས་པ་དང་སྔོན་འགོག་བྱེད་པར་བསམ་བློ་གཏོང་དགོས། སྔོན་འགོག་བསམ་བློའི་མཛུབ་སྟོན་འོག་བར་འདུམ་བྱེད་པ། བར་འདུམ་བྱེད་ཁྲོད་སྔོན་འགོག་བྱེད་པ་དང་བར་འདུམ་བྱེད་དུས་སྔོན་འགོག་བྱེད་པ། སྔོན་འགོག་བར་འདུམ་ལས་གལ་ཆེན་པོ་ཡིན།