མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
གསར་འགོད་པས་ཞིང་ཆེན་ནོར་སྲིད་ཐིང་ནས་ཤེས་གསལ་ལྟར་ན། ཧུར་ཐག་སྒོས་ནོར་སྲིད་ཀྱི་སྤྱི་ཚོགས་འགན་སྲུང་གི་དམངས་ཕན་སྲིད་ཇུས་ལག་བསྟར་བྱེད་པ་དང་། “དམངས་འཚོའི་འགན་སྲུང་དང་ཚད་མཐའ་དམ་སྲུང”གི་མ་དངུལ་ནུས་པ་རྒྱུན་མཐུད་ངང་འདོན་སྤེལ་བྱ་ཆེད། ཉེ་ལམ། ཞིང་ཆེན་ནོར་སྲིད་ཐིང་གིས་མ་དངུལ་སྒོར་དུང་ཕྱུར1.5བཀོད་སྒྲིག་བྱས་ནས། ས་ཆ་སོ་སོས་ནུས་ཤུགས་ཡོད་རྒུས་དུས་ཐོག་ཏུ་ཚད་ལོངས་བའི་སྒོ་ནས་མཁར་གྲོང་སྡོད་དམངས་ཀྱི་གཞི་རྩའི་རྒན་གསོའི་ཉེན་སྲུང་མ་དངུལ་འགྲེམ་གཏོང་བྱེད་པར་འགན་སྲུང་བྱས།
ད་ལོར། ཞིང་ཆེན་ནོར་སྲིད་ཐིང་གིས་ཀྲུང་དབྱང་གི་ཆེད་སྤྱོད་མ་དངུལ་ཡར་ཞུ་བརྩོན་ལེན་བྱས་པ་དང་ཚད་ལོངས་པའི་སྒོ་ནས་ཞིང་ཆེན་རིམ་པའི་མ་དངུལ་བཀོད་སྒྲིག་བྱེད་པ་སོགས་ཀྱི་རྣམ་པ་བརྒྱུད་དེ། ཐབས་ལམ་མང་པོ་ནས་མ་དངུལ་གྲབས་གསོག་བྱས་ཤིང་། བསྡོམས་པས་མཁར་གྲོང་སྡོད་དམངས་ཀྱི་གཞི་རྩའི་རྒན་གསོའི་ཉེན་སྲུང་གི་ནོར་སྲིད་ཀྱི་ཁ་གསབ་མ་དངུལ་སྒོར་དུང་ཕྱུར12.8འགྲེམ་གཏོང་བྱས་པ་དང་། རྒན་གསོའི་ཉེན་སྲུང་ཁྲོད་ཞུགས་པའི་ལོ་ལོན་གྱི་གཞི་རྩའི་འཚོ་བར་འགན་སྲུང་བྱེད་པའི་ཞོར་དུ་མཉམ་དུ་ཕྱུག་པོར་འགྱུར་བར་སྐུལ་འདེད་བཏང་ཞིང་། སྔར་ལས་ལྷག་པར་རྒན་གསོ་ཉེན་སྲུང་གིས་འཚོ་བ་མཛེས་སྡུག་ལྡན་པ་དང་རིན་ཐང་ལྡན་པར་བྱེད་པའི་དམིགས་འབེན་མངོན་འགྱུར་བྱེད་པའི་དུས་མཚུངས་སུ། རྒན་གསོ་ཉེན་སྲུང་མ་དངུལ་ལ་དོ་དམ་བྱེད་ཤུགས་ཆེ་རུ་གཏོང་བ་དང་། མ་དངུལ་གྱི་རིན་སྲུང་རིན་འཕར་བྱ་བར་སྐུལ་འདེད་གཏོང་ཆེད། ཞིང་ཆེན་ནོར་སྲིད་ཐིང་གིས་མགོ་ཁྲིད་དེ《མཚོ་སྔོན་ཞིང་ཆེན་གྱི་མཁར་གྲོང་སྡོད་དམངས་ཀྱི་གཞི་རྩའི་རྒན་གསོ་ཉེན་སྲུང་གི་ཞིང་ཆེན་རིམ་པའི་དོ་དམ་བྱེད་ཐབས》པར་འགྲེམ་བྱས་པ་དང་། རྒྱུན་མཐུད་ངང་མ་དངུལ་མངག་བཅོལ་དངུལ་གཏོང་བྱས་ནས། མ་དངུལ་བདེ་འཇགས་དང་ཕན་ནུས་ལྡན་པ། རྒྱུན་མཐུད་ངང་འཁོར་རྒྱུག་བྱེད་པར་ཁག་ཐེག་བྱས།
རྗེས་མར། ཞིང་ཆེན་ནོར་སྲིད་ཐིང་གིས་ཞིང་ཆེན་རིམ་པའི་འབྲེལ་ཡོད་སྡེ་ཁག་དང་མཉམ་དུ་མ་དངུལ་བཀོད་གཏོང་ལ་ཤུགས་སྣོན་པ་དང་། མ་དངུལ་ལ་དོ་དམ་བཟང་བོ་བྱེད་པ། གཅིག་འདོམས་ས་ཁུལ་སོ་སོས་ནོར་སྲིད་ཁ་གསབ་ཀྱི་འགན་འཁྲི་ལག་བསྟར་ནན་མོ་བྱེད་པ་སོགས་ལ་སྐུལ་འདེད་བཏང་ནས། དུས་ཐོག་ཏུ་མ་དངུལ་འགྲེམ་གཏོང་བྱེད་ཐུབ་པ་དང་མ་དངུལ་ཡར་སྤྲོད་ཀྱི་ཁ་གསབ་ལག་ཏུ་འབྱོར་བ། རྒན་གསོ་ཉེན་སྲུང་མ་དངུལ་འགྲེམ་གཏོང་བྱེད་ཐུབ་པར་བྱ་རྒྱུ་རེད། །
