མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
རྒུན་འབྲུམ་སྐམ་པོ་ནི་རྒྱུན་མཐོང་གི་ཤིང་འབྲས་སྐམ་པོ་ཞིག་ཡིན། བྲོ་བ་དམིགས་བསལ་ཡིན་པ་མ་ཟད་འཚོ་བཅུད་ཀྱང་ཕུན་སུམ་ཚོགས་པོ་ཡོད། མི་མང་པོ་ཞིག་རྒུན་འབྲུམ་སྐམ་པོ་ཆུར་བསྐོལ་ནས་འཐུང་བར་དགའ་ཞིང་དེའི་ཕན་ནུས་ལ་དེ་བས་ཀྱང་དོ་སྣང་ཆེན་པོ་བྱེད་བཞིན་ཡོད།གཤམ་དུ་རྒུན་འབྲུམ་སྐམ་པོ་ཆུར་བསྐོལ་ནས་འཐུང་བའི་ཕན་ནུས་བདུན་ངོ་སྤྲོད་བྱ།
གཅིག རྒུན་འབྲུམ་སྐམ་པོ་ཆུར་བསྐོལ་ནས་འཐུང་ན་ཕན་ནུས་བདུན་ཡོད།
འཇུ་བྱེད་ལ་ཕན།
རྒུན་འབྲུམ་སྐམ་པོའི་ནང་དུ་ཕུན་སུམ་ཚོགས་པའི་བཟའ་བཅའ་ཚི་སྣ་འདུས་ཡོད་ལ། དེས་རྒྱུ་མའི་འགུལ་སྐྱོད་དང་འཇུ་བར་ཕན་པ་ཡོད། དེ་དང་ཆབས་ཅིག། རྒུན་འབྲུམ་སྐམ་པོའི་ནང་གི་མངར་ཆ་ཡིས་རྒྱུ་མའི་ཟགས་ཐོན་འཇུ་བྱེད་གཤེར་ཁུ་ཟགས་ཐོན་བྱས་ཏེ། འཇུ་བྱེད་ལ་སྐུལ་འདེད་བྱེད་ཐུབ།
མཁྲིས་རྒྱུ་གཤེར་རྩི་གཅོག་པར་ཕན།
རྒུན་འབྲུམ་སྐམ་པོའི་ནང་གི་ཧོང་ཐུང་རིགས་ཞེས་པའི་དངོས་རྫས་དེས་ཁྲག་ནང་གི་མཁྲིས་རྒྱུ་གཤེར་རྩི་ཡི་ཆུ་ཚད་ཇེ་དམའ་རུ་གཏང་ཐུབ་པ་དང་། སྙིང་དང་ཁྲག་རྩའི་ནད་འབྱུང་བའི་ཉེན་ཁ་ཇེ་ཆུང་དུ་གཏོང་ཐུབ། དེ་དང་ཆབས་ཅིག། རྒུན་འབྲུམ་སྐམ་པོའི་ནང་གི་ཚིལ་སྐྱུར་གྱིས་ཀྱང་ཁྲག་ཞག་ཇེ་དམའ་རུ་བཏང་ནས་སྙིང་དང་ཁྲག་རྩའི་བདེ་ཐང་ལ་སྲུང་སྐྱོབ་བྱེད་ཐུབ།
རིམས་འགོག་ནུས་པ་ཆེ་རུ་གཏོང་བ།
རྒུན་འབྲུམ་སྐམ་པོའི་ནང་དུ་འཚོ་རྒྱུCདང་འཚོ་རྒྱུBརིགས། ལྕགས་དང་ཀལ་སོགས་འཚོ་བཅུད་དངོས་རྫས་ཕུན་སུམ་ཚོགས་པོ་འདུས་ཡོད་པས། མིའི་ལུས་པོའི་རིམས་འགོག་ནུས་པ་མཐོ་རུ་བཏང་ནས་ཆམས་ནད་སོགས་སྔོན་འགོག་བྱེད་ཐུབ།
རྒས་འགྱུར་སྔོན་འགོག་ལ་ཕན།
རྒུན་འབྲུམ་སྐམ་པོའི་ནང་གི་ཧོང་ཐུང་རིགས་དངོས་རྫས་ནི་རང་བྱུང་གི་དབྱང་འགྱུར་འགོག་པའི་དངོས་པོ་ཞིག་ཡིན་ལ། དེས་མིའི་ལུས་སྟེང་གི་རང་དབང་གི་རྨང་གཞི་གཙང་སེལ་བྱེད་ཐུབ་ཅིང་། ཕྲ་ཕུང་རྒས་འགྱུར་ཇེ་དལ་དུ་བཏང་ནས་རྒས་པ་འགོག་ཐུབ། དེ་དང་ཆབས་ཅིག། རྒུན་འབྲུམ་ཁྲོད་ཀྱི་འཚོ་རྒྱུCཡིས་སྤྲི་དཀར་གྱི་འདྲེས་གྲུབ་ལ་སྐུལ་འདེད་བྱས་ཏེ། སྐྱི་མོའི་ལྡེམ་ཤུགས་དང་འོད་མདངས་སྲུང་འཛིན་བྱེད་ཐུབ།
ཟུང་ཁྲག་ཉམས་པར་ཕན།
རྒུན་འབྲུམ་སྐམ་པོའི་ནང་དུ་ལྕགས་གཞི་རྒྱུ་ཕུན་སུམ་ཚོགས་པོ་འདུས་ཡོད་པས། ཁྲག་དམར་སྤྲིར་དཀར་གྱི་འདྲེས་གྲུབ་ལ་སྐུལ་འདེད་དང་ཁྲག་དཀོན་ནད་རྟགས་ལེགས་སྒྱུར་བྱེད་ཐུབ། དེ་དང་ཆབས་ཅིག། རྒུན་འབྲུམ་ཁྲོད་ཀྱི་འཚོ་རྒྱུCཡིས་ཀྱང་ལྕགས་ཀྱི་གཞི་རྒྱུ་བསྡུ་ལེན་དང་བེད་སྤྱོད་བྱེད་པར་སྐུལ་འདེད་བྱེད་ཐུབ།
ངལ་དུབ་སེལ་བར་ཕན།
རྒུན་འབྲུམ་སྐམ་པོའི་ནང་དུ་རྒུན་འབྲུམ་ཧྭགས་ཕུན་སུམ་ཚོགས་པོ་འདུས་ཡོད་པས། མྱུར་དུ་ནུས་ཚད་ཁ་གསབ་བྱས་ཏེ་ངལ་དུབ་སེལ་ཐུབ། དེ་དང་ཆབས་ཅིག རྒུན་འབྲུམ་ཁྲོད་ཀྱི་འཚོ་བཅུད་མང་བའི་དངོས་རྫས་ཀྱིས་ཀྱང་མི་ལུས་ཀྱི་ངལ་དུབ་འགོག་པའི་ནུས་པ་མཐོར་འདེགས་བྱེད་ཐུབ།
གཉིད་བདེ་བར་ཕན།
རྒུན་འབྲུམ་སྐམ་པོའི་ནང་གི་རྨེ་གཞི་རྒྱུ་ཡིས་དབང་རྩའི་མ་ལག་གི་ལྷོད་གཡེང་ལ་སྐུལ་འདེད་བྱེད་ཐུབ་ཅིང་། གཉིད་ཀྱི་སྤུས་ཚད་ཇེ་ལེགས་སུ་གཏོང་ཐུབ། དེ་དང་ཆབས་ཅིག རྒུན་འབྲུམ་སྐམ་པོའི་ཁྲོད་ཀྱི་ཧྭགས་ཀྱིས་ཀྱང་དྭངས་ཁྲག་ནང་གི་རྒྱུ་ཟགས་ཐོན་བྱེད་པར་སྐུལ་འདེད་བྱེད་ཐུབ་ལ། གཉིད་ཀྱང་སྔར་བས་ཇེ་བཟང་དུ་གཏོང་ཐུབ།
གཉིས། རྒུན་འབྲུམ་སྐམ་པོ་ཆུར་བསྐོལ་ནས་འཐུང་སྐབས་ཀྱི་དོ་སྣང་བྱ་ཡུལ།
རྒུན་འབྲུམ་སྐམ་པོ་ཆུར་བསྐོལ་ནས་འཐུང་དུས་སྤུས་ལེགས་ཀྱི་རྒུན་འབྲུམ་སྐམ་པོ་བདམས་ནས་སྤུས་ཞན་དང་དུས་ལས་ཡོལ་བའི་རྒུན་འབྲུམ་སྐམ་པོ་སྤྱོད་མི་རུང་།
ཆུར་བསྐོལ་སྐབས་མེའི་ཆེ་ཆུང་དང་དུས་ཚོད་ལ་ཚོད་འཛིན་ཡག་པོ་བྱེད་དགོས།
གཅིན་སྙི་ཟ་ཁུའི་ནད་པའམ་ཁྲག་མངར་ཅུང་མཐོ་བའི་མི་ཚོགས་ཀྱིས་འོས་འཚམ་གྱི་འཐུང་བ་ལས་ཚད་བརྒལ་གྱིས་འཐུང་མི་རུང་།
མདོར་ན། རྒུན་འབྲུམ་སྐམ་པོ་ཆུར་བསྐོལ་ནས་འཐུང་ན་ཕན་ཐོགས་མང་པོ་ཡོད་པས། ང་ཚོས་བདེ་ཐང་སྲུང་འཛིན་བྱེད་ཐུབ། འོན་ཀྱང་། འཐུང་དུས་སྤུས་ལེགས་རྒུན་འབྲུམ་སྐམ་པོ་བདམས་ཏེ། མེའི་ཆེ་ཆུང་དང་དུས་ཚོད་ལ་ཚོད་འཛིན་ལེགས་པོ་བྱས་ཏེ། ཚད་བརྒལ་གྱིས་ཟ་མི་རུང་། དེ་བས་ཀུན་གྱིས་རྒུན་འབྲུམ་སྐམ་པོའི་འཚོ་བཅུད་རིན་ཐང་ལ་རྒྱུས་ལོན་གང་ལེགས་བྱས་ནས་ལུས་ཕུང་བདེ་ཐང་ལ་དོ་སྣང་བྱེད་དགོས་སོ།།
ཀླུ་མོས་བསྒྱུར།
རྩོམ་སྒྲིག་པ། ཀླུ་མོ།
