མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཀླད་སིལ(榴莲)ལ་སིལ་ཏོག་གི་རྒྱལ་བོ་ཞེས་པའི་མཚན་སྙན་ཡོད་པ་ནང་བཞིན། ཀླད་སིལ་ནི་འཚོ་བཅུད་ཕུན་སུམ་ཚོགས་པའི་ཚ་བའི་ཁུལ་གྱི་ཤིང་འབྲས་ཤིག་ཡིན་ཞིང་། དེར་གཞན་དང་མི་མཚུངས་བའི་ཁྱད་པར་ཅན་གྱི་བྲོ་བ་དང་དྲི་མ་ཡོད། བུད་མེད་ལ་མཚོན་ནས་བཤད་ན། རྒྱུན་པར་ཀླད་སིལ་ཟོས་ན་ཕན་པ་མང་པོ་ཡོད་པས། གཤམ་དུ་ང་ཚོས་དེའི་སྐོར་ལ་རྒྱུས་ལོན་རགས་ཙམ་བྱེད།
གཅིག ཀླད་སིལ་གྱི་འཚོ་བཅུད་གྲུབ་ཆ།
ཀླད་སིལ་ལ་ཕུན་སུམ་ཚོགས་པའི་འཚོ་བཅུད་ཀྱི་གྲུབ་ཆ་ཡོད་དེ། དེའི་ནང་དུ་ཐན་ཆུའི་འདྲེས་སྦྱོར་དངོས་རྫས་དང་ཚིལ། སྤྲི་དཀར་རྫས། ཚི་སྣའི་རྒྱུ། འཚོ་རྒྱུ་དང་གཏེར་རྒྱུ་སོགས་འདུས། དེའི་ཁྲོད་དུ་ཐན་ཆུའི་འདྲེས་སྦྱོར་དངོས་རྫས་ནི་ཀླད་སིལ་གྱི་གྲུབ་ཆ་གཙོ་བོ་ཡིན་ཞིང་། སྤྱིའི་སྤུས་ཚད་ཀྱི28%ཡས་མས་ཟིན་ཡོད། གཙོ་བོ་བུར་ཤིང་དང་རྒུན་འབྲུམ་ཧྭགས་སོགས་སྟབས་བདེའི་ཧྭགས་རིགས་དང་བསིང་ཕྱེ་སོགས་མང་པོ་འདུས། གཞན་ཡང་ཀླད་སིལ་ལ་ད་དུང་འཚོ་རྒྱུ་དང་གཏེར་རྒྱུ་མང་པོ་འདུས་ཡོད་དེ། དཔེར་ན་འཚོ་རྒྱུCདང་འཚོ་རྒྱུB1འཚོ་རྒྱུB2། ཅཱ་དང་ཀལ། ལྕགས། ཏི་ཚ་སོགས་ཡོད། འཚོ་བཅུད་ཀྱི་གྲུབ་ཆ་དེ་དག་གིས་བུད་མེད་ཀྱི་བདེ་ཐང་དང་མཛེས་བཟོ་ཚང་མར་ནུས་པ་གལ་ཆེན་ཐོན་ཡོད།
གཉིས། ཀླད་སིལ་གྱི་སྨན་གྱི་རིན་ཐང་།
ཀླད་སིལ་ནི་བྲོ་བ་ཞིམ་པའི་ཤིང་འབྲས་ཤིག་ཡིན་པ་མ་ཟད་ད་དུང་སྨན་གྱི་རིན་ཐང་ཆེན་པོ་ལྡན། ཀྲུང་ལུགས་གསོ་རིག་གི་ཁྲོད་དུ་ཀླད་སིལ་ནི་དྲོད་ལྡན་རང་བཞིན་གྱི་སིལ་ཏོག་ཅིག་ཏུ་ངོས་འཛིན་ཞིང་། དེ་ལ་ཁྲག་རླུང་གསོ་བ་དང་གྲང་སེལ། མཚེར་བར་བདེ་བ་དང་ཡི་ག་ཕྱེ་བ། མཁལ་མ་གསོ་བ་སོགས་ཀྱི་བྱེད་ནུས་ལྡན། གཞན་ཡང་། ཀླད་སིལ་ནི་ཟླ་མཚན་གྱི་ན་ཟུག་དང་ཟླ་མཚན་མི་སྙོམས་པ་སོགས་ཀྱི་ནད་རྟགས་སྨན་བཅོས་བྱེད་པར་སྤྱོད་ཀྱིན་ཡོད། དེང་རབས་གསོ་རིག་ཞིབ་འཇུག་ལས་ཤེས་རྟོག་བྱུང་བ་ལྟར་ན། ཀླད་སིལ་ལ་གཉན་ཚད་འགོག་པ་དང་དབྱང་འགྱུར་འགོག་པ། སྐྲན་ནད་འགོག་པ་སོགས་ཀྱི་སྨན་ནུས་རིན་ཐང་ལྡན།
གསུམ། བུད་མེད་ཀྱིས་རྒྱུན་དུ་ཀླད་སིལ་ཟོས་ན་བཟང་ཆ་ཆེན་པོ་བཅུ་ཡོད།
ལུས་ཟུངས་གསོ་བ། ཀླད་སིལ་ལ་འཚོ་བཅུད་ཀྱི་གྲུབ་ཆ་ཕུན་སུམ་ཚོགས་པོ་ཡོད་པས་ལུས་ཟུངས་གསོ་ཐུབ་ལ་ལུས་སྟོབས་ཀྱང་རྒྱས་ཐུབ། ལུས་སྟོབས་ཞན་ཞིང་ངལ་དུབ་ཀྱིས་མནར་བའི་བུད་མེད་ལ་མཚོན་ན་རྒྱུན་དུ་ཀླད་སིལ་ཟོས་ན་ལུས་པོའི་གནས་ཚུལ་ཇེ་ལེགས་སུ་གཏོང་ཐུབ།
མཛེས་བཟོ་དང་ངོ་མདངས་གསོ་བ། ཀླད་སིལ་ལ་འཚོ་བཅུདCདང་འཚོ་རྒྱུBརིགས་སོགས་དབྱང་འགྱུར་དངོས་པོ་ཕུན་སུམ་ཚོགས་པོ་འདུས་ཡོད་པས། རང་དབང་གི་རྨང་གཞི་གཙང་སེལ་དང་རྒས་ཚད་ཇེ་དལ་དུ་བཏང་སྟེ། ཤ་ལྤགས་ཀྱི་ལྡེམ་ཤུགས་དང་འོད་མདངས་སྲུང་འཛིན་བྱེད་ཐུབ། གཞན་ཡང་། ཀླད་སིལ་ལ་ད་དུང་གཏེར་རྒྱུ་མང་པོ་འདུས་པས། སྐྱི་མོའི་ཕྲ་ཕུང་རྙིང་ཚབ་གསར་བརྗེ་དང་སྐྱི་མོའི་སྤུས་ཚད་ཇེ་ལེགས་སུ་གཏོང་ཐུབ།
འཇུ་བྱེད་ལ་སྐུལ་འདེད་བྱེད་པ། ཀླད་སིལ་ལ་བཟའ་བཏུང་གི་ཚི་སྣ་ཕུན་སུམ་ཚོགས་པོ་ཡོད་པས། རྒྱུ་མའི་འགུལ་སྐྱོད་ལ་སྐུལ་འདེད་དང་རྩ་འགག་པའི་གནད་དོན་ལེགས་བཅོས་བྱེད་ཐུབ། གཞན་ཡང་། ཀླད་སིལ་ལ་ད་དུང་ཀླད་སིལ་མེ་ཟེར་བའི་དངོས་པོ་ཞིག་འདུས་པས། ཟས་རིགས་འཇུ་བྱེད་དང་བསྡུ་ལེན་བྱེད་པར་སྐུལ་འདེད་བྱེད་ཐུབ།
ཟླ་མཚན་འབབ་དུས་ཀྱི་ན་ཟུག་ཞི་བར་ཕན་པ། ཀླད་སིལ་ནི་དྲོད་ལྡན་རང་བཞིན་གྱི་སིལ་ཏོག་ཅིག་ཡིན་པར་འདོད་དེ། ཟླ་མཚན་འབབ་དུས་ན་ཟུག་ཇེ་ཆུང་དུ་གཏོང་ཐུབ། རྒྱུན་དུ་ཟླ་མཚན་འབབ་དུས་ན་ཟུག་ལངས་བའི་བུད་མེད་ལ་མཚོན་ན། རྒྱུན་དུ་ཀླད་སིལ་ཟོས་ན་ཕན་ཐོགས་ཆེན་པོ་ཡོད།
ཟླ་མཚན་སྙོམས་སྒྲིག་བྱེད་པ། ཀླད་སིལ་ལ་ཕུན་སུམ་ཚོགས་པའི་གཏེར་རྒྱུ་དང་འཚོ་རྒྱུ་འདུས་ཡོད་པས་ནང་གི་ཟགས་ཐོན་མ་ལག་སྙོམས་སྒྲིག་བྱེད་ཐུབ་ཅིང་། ཟླ་མཚན་སྙོམས་སྒྲིག་མིན་པའི་ནད་རྟགས་ལེགས་བཅོས་བྱེད་ཐུབ། གཞན་ཡང་ཀླད་སིལ་ལ་ད་དུང་ཧོང་ཐུང་རིགས་ཀྱི་འདྲེས་འགྱུར་རྫས་ཟེར་བའི་དངོས་པོ་ཞིག་འདུ་པས། ཟླ་མཚན་འཁོར་ཡུན་སྙོམས་སྒྲིག་བྱེད་པར་ཡང་ཕན་པ་ཡོད།
རིམས་འགོག་ནུས་པ་ཇེ་ཆེར་གཏོང་བ། ཀླད་སིལ་ལ་ཕུན་སུམ་ཚོགས་པའི་འཚོ་རྒྱུCདང་གཏེར་རྒྱུ་མང་པོ་འདུས་ཡོད་པས། རིམས་འགོག་གི་ནུས་པ་ཇེ་བཟང་དུ་གཏོང་ཐུབ་པ་དང་། ལུས་པོའི་འགོག་ཤུགས་མཐོར་འདེགས་སུ་གཏོང་ཐུབ། རྒྱུན་དུ་ཆམ་པ་ཕོག་པའམ་ཡང་ན་འགོས་ནད་ཕོག་སླ་བའི་བུད་མེད་ལ་མཚོན་ན་ཀླད་སིལ་ཟོས་ན་ཕན།
ཁྲག་ཤེད་ཇེ་དམའ་རུ་གཏོང་བ། ཀླད་སིལ་ལ་ཅཱ་རྒྱུ་ཕུན་སུམ་ཚོགས་པོ་ཡོད་པས་ཁྲག་ཤེད་ཇེ་དམའ་རུ་གཏོང་ཐུབ། ཁྲག་ཤེད་མཐོ་བའི་བུད་མེད་ལ་མཚོན་ན་རྒྱུན་དུ་ཀླད་སིལ་ཟོས་ན་ཕན།
གཉིད་བདེ་བར་ཕན། ཀླད་སིལ་ལ་མདོག་ཨེམ་སྐྱུར་ཟེར་བའི་དངོས་པོ་ཞིག་ཡོད་པས། དེས་ཀླད་པའི་ནང་གི་དྭངས་ཁྲག་གི་རྒྱུ་འདྲེས་སྦྱོར་བྱེད་པར་སྐུལ་འདེད་བྱེད་ཐུབ་ལ། གཉིད་ཀྱི་སྤུས་ཚད་ཇེ་ལེགས་སུ་གཏོང་བར་ཡང་ཕན་པ་ཡོད། དུས་རྒྱུན་དུ་གཉིད་མི་ཁུག་པའམ་གཉིད་མི་ཡོང་བའི་བུད་མེད་ལ་མཚོན་ན། རྒྱུན་དུ་ཀླད་སིལ་ཟོས་ན་ཕན་པ་ཡོད།
སྙིང་གི་ཁྲག་རྩ་ལ་སྲུང་སྐྱོབ་བྱེད་པ། ཀླད་སིལ་ལ་ཕུན་སུམ་ཚོགས་པའི་གཏེར་རྒྱུ་དང་འཚོ་རྒྱུ་འདུས་ཡོད་པས་སྙིང་གི་ཁྲག་རྩའི་མ་ལག་ལ་སྲུང་སྐྱོབ་བྱེད་ཐུབ་པ་དང་སྙིང་གི་ཁྲག་རྩའི་ནད་རིགས་སྔོན་འགོག་བྱེད་ཐུབ། གཞན་ཡང་། ཀླད་སིལ་ལ་ད་དུང་ཧོང་ཐུང་རིགས་ཀྱི་འདྲེས་འགྱུར་རྫས་ཟེར་བའི་དངོས་པོ་ཞིག་འདུས་པས། ཁྲག་ཞག་དང་མཁྲིས་རྒྱུ་གཤེར་རྩི་ཇེ་དམའ་རུ་གཏོང་ཐུབ་ལ། འཕར་རྩ་སྲ་འགྱུར་སོགས་སྙིང་གི་ཁྲག་རྩའི་ནད་རིགས་སྔོན་འགོག་བྱེད་པར་ཡང་ཕན་པ་ཡོད།
འབྲས་སྐྲན་འགོག་སྲུང་ལ་ཕན། ཀླད་སིལ་ལ་དབྱང་འགྱུར་འགོག་པའི་དངོས་པོ་དང་འཚོ་རྒྱུCསོགས་སྐྲན་ནད་འགོག་པའི་དངོས་པོ་མང་པོ་འདུས་པས། སྐྲན་གྱི་ཕྲ་ཕུང་སྐྱེས་པར་བཀག་འགོག་དང་སྐྲན་ནད་འབྱུང་བ་སྔོན་འགོག་བྱེད་ཐུབ། གཞན་ཡང་། ཀླད་སིལ་ལ་ད་དུང་ཧོང་ཐུང་རིགས་ཀྱི་འདྲེས་འགྱུར་རྫས་ཟེར་བའི་དངོས་པོ་ཞིག་འདུས་པས། སྐྲན་ནད་ཀྱི་སྐྱེ་འཕེལ་དང་སྤོ་བསྒྱུར་བྱེད་པར་ཚོད་འཛིན་བྱེད་ཐུབ་ལ། སྐྲན་ནད་འགོག་པའི་ནུས་པ་ངེས་ཅན་ཞིག་ལྡན།
བཞི། མཉམ་འཇོག་བྱ་དགོས་ས།
བུད་མེད་ཀྱིས་རྒྱུན་དུ་ཀླད་སིལ་ཟོས་ན་ཕན་པ་མང་པོ་འབྱུང་སྲིད་མོད། འོན་ཀྱང་གཤམ་གསལ་གྱི་ཕྱོགས་འགར་དོ་སྣང་བྱ་དགོས་ཏེ།
འོས་འཚམ་ཀྱིས་ཟ་བ། ཀླད་སིལ་གྱི་འཚོ་བཅུད་རིན་ཐང་ཧ་ཅང་མཐོ་མོད། འོན་ཀྱང་དྲོད་ཚད་ཀྱང་ཅུང་མཐོ་བས། མང་པོ་ཟོས་ན་ཚོ་འབུད་པ་དང་ཁྲག་ཧྭགས་ཇེ་མཐོར་འགྲོ་བ་སོགས་ཀྱི་གནད་དོན་འབྱུང་སླ། ཉིན་རེར་ཁེ100ལས་མི་བརྒལ་བར་བྱེད་དགོས།
ཆང་བཅུད་དང་མཉམ་དུ་མི་ཟ་བ། ཀླད་སིལ་དང་ཆང་བཅུད་མཉམ་དུ་སྤྱད་ན་ཆང་གིས་བཟི་བའམ་མ་འཕྲོད་པ་སོགས་འབྱུང་སླ། ཀླད་སིལ་བཟས་རྗེས་ཉུང་མཐར་ཡང་ཆུ་ཚོད་གཉིས་ཀྱི་བར་དུ་ཆང་འཐུང་མི་རུང་།
གཅིན་སྙི་ཟ་ཁུའི་ནད་པས་ཟ་མི་རུང་། ཀླད་སིལ་ལ་མངར་ཆ་མང་པོ་འདུས་ཡོད་པས་གཅིན་སྙི་ཟ་ཁུའི་ནད་པས་ཟ་རྒྱུ་མང་དྲགས་ན་མི་འོས། གཅིན་སྙི་ཟ་ཁུའི་ནད་པས་སྨན་པའི་མཛུབ་སྟོན་འོག་འོས་འཚམ་ངང་བཟའ་དགོས།
སྦྲུམ་མས་མང་པོ་ཟ་མི་རུང་། ཀླད་སིལ་ལ་འཚོ་བཅུད་ཀྱི་གྲུབ་ཆ་ཕུན་སུམ་ཚོགས་པོ་ཡོད་མོད། འོན་ཀྱང་སྦྲུམ་མས་མང་པོ་ཟ་མི་འོས། དེར་ཀླད་སིལ་རང་བཞིན་གྱི་དྲོད་ཚད་མཐོ་བས། ཟ་རྒྱུ་མང་དྲགས་ན་ཚ་དྲོད་རྒྱས་ཤིང་རྩ་འགག་པ་སོགས་ཀྱི་གནད་དོན་འབྱུང་སླ། སྦྲུམ་མས་སྨན་པའི་མཛུབ་སྟོན་འོག་འོས་འཚམ་གྱིས་ཟ་དགོས།
ཀླད་སིལ་ལ་འཚོ་བཅུད་ཕུན་སུམ་ཚོགས་པོ་ལྡན་ཀྱང་། མི་ལ་ལ་ཞིག་ཀླད་སིལ་ཟོས་ན་མི་འཕྲོད་པའི་སྣང་ཚུལ་ཀྱང་བྱུང་སྲིད་པས། དེ་དག་ལ་མཉམ་འཇོག་བྱ་དགོས།
མདོར་ན། བུད་མེད་ཀྱིས་རྒྱུན་དུ་ཀླད་སིལ་ཟོས་ན་ཕན་པ་མང་པོ་འབྱུང་སྲིད་མོད། འོན་ཀྱང་འོས་འཚམ་གྱིས་ཟ་དགོས་ཤིང་ཆང་བཅུད་མཉམ་དུ་སྤྱོད་པ་སོགས་ཀྱི་གནད་དོན་ལ་དོ་སྣང་བྱེད་དགོས། དམིགས་བསལ་གྱི་གནས་ཚུལ་ཡོད་པའི་མི་ཚོགས་ལ་མཚོན་ན། དཔེར་ན་གཅིན་སྙི་ཟ་ཁུའི་ཕོག་མཁན་དང་སྦྲུམ་མ་སོགས་ཀྱིས་སྨན་པའི་མཛུབ་སྟོན་འོག་འོས་འཚམ་གྱི་ཟ་དགོས། དུས་རྒྱུན་གྱི་འཚོ་བའི་ཁྲོད་དུ་ང་ཚོས་ཀླད་སིལ་ནི་འཚོ་བཅུད་ཕུན་སུམ་ཚོགས་པའི་ཤིང་ཏོག་ཏུ་བརྩིས་ནས་ཟོས་ན་ལུས་པོའི་བདེ་ཐང་དང་མཛེས་བཟོའི་ཕན་འབྲས་རྒྱུན་འཁྱོངས་བྱེད་ཐུབ་བོ།།
ཀླུ་མོས་བསྒྱུར།
རྩོམ་སྒྲིག་པ། ཀླུ་མོ།
