རང་རྒྱལ《ཉེས་ཁྲིམས》ཀྱི་དོན་ཚན264པའི་གཏན་འཁེལ་ལྟར་ན། བརྐུ་འཕྲོག་གི་ནག་ཉེས་ནི། “གཞུང་དང་སྒེར་གྱི་རྒྱུ་ནོར་འབོར་ཆེན་བརྐུ་འཕྲོག་དང་ཐེངས་མང་པོར་བརྐུ་འཕྲོག་བྱས་པ། ཁྱིམ་དུ་འཛུལ་ཏེ་བརྐུ་འཕྲོག་བྱས་པའམ་མཚོན་ཆ་ཁྱེར་ནས་བརྐུ་འཕྲོག་བྱས་པ། རྗེས་འདེད་བརྐུ་འཕྲོག་བཅས་ལ་དུས་བཀག་བཙོན་འཇུག་ལོ3མན་ནམ་བཙན་ཉར་ལས་སྐུལ་ལམ་རྩིས་སྤྲོད་དོ་དམ་གྱི་ཉེས་ཆད་གཅོད་པར་མ་ཟད། དངུལ་ཆད་ཀྱང་གཅད་རྒྱུའམ་ཡང་ན་དངུལ་ཆད་ཁོ་ན་གཅད་རྒྱུ། གྲངས་འབོར་ཧ་ཅང་ཆེ་བའམ་ནག་ཉེས་ཚབས་ཆེ་བའི་གནས་ཚུལ་གཞན་དག་ཡོད་པའི་རིགས་ལ་དུས་བཀག་བཙོན་འཇུག་ལོ3ནས་ལོ10མན་བར་གྱི་ཉེས་ཆད་གཅོད་པར་མ་ཟད། དངུལ་ཆད་ཀྱང་གཅད་རྒྱུ། གྲངས་འབོར་ལྷག་པར་ཆེ་བའམ་ནག་ཉེས་ལྷག་པར་ཚབས་ཆེ་བའི་གནས་ཚུལ་གཞན་དག་ཡོད་པའི་རིགས་ལ་དུས་བཀག་བཙོན་འཇུག་ལོ10ཡན་ནམ་ཚེ་བཙོན་གྱི་ཉེས་ཆད་གཅོད་པར་མ་ཟད། དངུལ་ཆད་དམ་རྒྱུ་ནོར་གཞུང་བཞེས་ཀྱི་ཉེས་ཆད་ཀྱང་གཅད་རྒྱུ”ཞེས་བཀོད་ཡོད།