ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་རྟོག་ཞིབ་ཚན་ཆུང་རྨ་ལྷོ་བོད་རིགས་རང་སྐྱོང་ཁུལ་དུ་སོང་ནས། དམངས་ཆེན་བྱ་བ་དང་ལས་ཁུངས་འཛུགས་སྐྲུན་གནས་ཚུལ་ལ་རྟོག་ཞིབ་བྱས།

ཉེ་ལམ།  ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་རྟོག་ཞིབ་ཚན་ཆུང་རྨ་ལྷོ་བོད་རིགས་རང་སྐྱོང་ཁུལ་དུ་སོང་ནས།   དམངས་ཆེན་བྱ་བ་དང་ལས་ཁུངས་འཛུགས་སྐྲུན་གནས་ཚུལ་ལ་རྟོག་ཞིབ་བྱས།

རྟོག་ཞིབ་ཚན་ཆུང་གིས་རྨ་ལྷོ་ཁུལ་དམངས་ཆེན་ལས་ཁུངས་ཀྱི་གཞུང་སྒྲུབ་ཁོར་ཡུག་ལ་ཡུལ་དངོས་ལྟ་ཞིབ་བྱས་པ་དང་།   རིག་སྟོབས་དམངས་ཆེན་འཛུགས་སྐྲུན་དང་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཚོགས་འདུའི་བརྡས་གཅོད་མ་ལག་སོགས་ཀྱི་གནས་ཚུལ་ལ་འདྲི་ཞིབ་དང་རྒྱུས་ལོན་བྱས་རྗེས།   ཐུན་རིན་གྲོང་ཁྱེར་རོང་བོ་གྲོང་རྡལ་སེང་གེ་གཤོང་སྡེ་བའི་དམངས་ཆེན་འཐུས་མིའི་བྱ་འགུལ་ཁང་དང་གཞི་རིམ་ཁྲིམས་འཛུགས་འབྲེལ་གཏུགས་བྱེད་སར་སོང་ནས།  གཞི་རིམ་དམངས་ཆེན་འཐུས་མིས་འགན་སྒྲུབ་གནས་ཚུལ་དང་ཁྲིམས་འཛུགས་འབྲེལ་གཏུགས་བྱེད་སས་ནུས་པ་འདོན་སྤེལ་བྱས་པའི་གནས་ཚུལ་སོགས་ལ་རྒྱུས་ལོན་བྱས་པར་མ་ཟད།  བསམ་འཆར་དང་གྲོས་གཞིར་ཉན།

རྟོག་ཞིབ་ཚན་ཆུང་གིས་ལས་ཁུངས་བཞིའི་འཛུགས་སྐྲུན་ནི་དུས་རབས་གསར་པའི་དམངས་ཆེན་བྱ་བ་དང་རང་སྟེང་འཛུགས་སྐྲུན་གྱི་ཚན་རིག་གཏན་གནས་དང་ལས་འགན་བླང་བྱ་ཡིན་པས།   རིམ་པ་སོ་སོའི་དམངས་ཆེན་དང་དེའི་རྒྱུན་ལས་ཨུ་ཡོན་ལྷན་ཁང་གིས་དམངས་ཆེན་གྱི་ལས་ཁུངས་བཞིའི་གཏན་གནས་ལ་རྒྱུས་ལོན་ཟབ་མོ་བྱས་ཏེ།   དམངས་ཆེན་གྱི་ལས་ཁུངས་བཞི་འཛུགས་སྐྲུན་བྱེད་རྒྱུ་གཙོ་གནད་དུ་བཟུང་སྟེ་གོ་རིམ་ཧྲིལ་བོའི་མི་དམངས་དམངས་གཙོའི་མཚོ་སྔོན་གྱི་ལག་ལེན་རྒྱུན་ཆད་མེད་པར་ཕུན་སུམ་ཇེ་ཚོགས་དང་འཐུས་ཚང་དུ་གཏོང་དགོས་ཞེས་བསྟན།

རྟོག་ཞིབ་ཚན་ཆུང་གིས་རང་སྟེང་གི་འཛུགས་སྐྲུན་ལ་ཕྱོགས་ཡོངས་ནས་ཤུགས་བསྣན་ཏེ།   ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་སློབ་སྦྱོང་སློབ་གསོ་ལག་བསྟར་ཟབ་མོ་བྱེད་པ་དང་ཟུང་འབྲེལ་བྱེད་པ་དང་།    ལས་ཁུངས་ཏང་འཛུགས་དང་སྤྱོད་ཚུལ་འཛུགས་སྐྲུན།  དཔུང་སྡེ་འཛུགས་སྐྲུན།   ལས་ཁུངས་འཛུགས་སྐྲུན་བཅས་དམ་འཛིན་ནན་མོ་བྱས་ནས།    དམངས་ཆེན་ལས་ཁུངས་ཀྱི་གཅིག་བསྡུས་སྟོབས་ཤུགས་དང་འཐབ་འཛིང་ནུས་པ།   གསར་གཏོད་བྱེད་ནུས་བཅས་རྒྱུན་ཆད་མེད་པར་མཐོར་འདེགས་གཏོང་དགོས།  གོ་ཧྲིལ་བོའི་མི་དམངས་དམངས་གཙོ་ལག་བསྟར་བཟང་བོ་བྱས་ཏེ།   ནུས་ཡོད་སྒོས་འཐུས་མིའི་བྱེད་ནུས་འདོན་སྤེལ་བྱེད་པ་དང་།   དམངས་ཆེན་འཐུས་མིའི་འབྲེལ་གཏུགས་ཁང་དང་བྱ་འགུལ་ཁང་།  འགན་སྒྲུབ་སྟེགས་བུ།  གཞི་རིམ་ཁྲིམས་འཛུགས་འབྲེལ་གཏུགས་བྱེད་ས་བཅས་འཛུགས་སྐྲུན་བྱས་ནས་བེད་སྤྱོད་བཟང་བོ་བྱས་ཏེ།   དམངས་ཀྱི་སེམས་འདུན་ལ་ཉན་པ་དང་དམངས་ཀྱི་གནས་ཚུལ་ཤེས་པ།   དམངས་ཀྱི་རིག་སྟོབས་གཅིག་བསྡུས་བྱེད་པ།   དམངས་ཀྱི་སེམས་ཁྲལ་སེལ་བ་བཅས་བྱེད་དགོས།     སྤྱི་ཡོངས་ལ་དམིགས་ནས་ཁྲིམས་ལྟར་འགན་འཁྲི་སྒྲུབ་པའི་དབང་ཆ་ལག་བསྟར་བྱེད་པ་དང་།    ཏང་ཨུས་ཐུགས་ཁུར་བྱེད་པ་དང་མང་ཚོགས་ཀྱིས་སེམས་ཁུར་བྱེད་པ།    སྤྱི་ཚོགས་ཀྱིས་དོ་ཁུར་བྱེད་པའི་ལོ་ལྔའི་འཆར་འགོད་བཅོ་ལྔ་པའི་འཆར་འགོད་སྒྲིག་བཟོ་དང་ཐོན་ལས་གནས་བཞི་འཛུགས་སྐྲུན།   མི་རིགས་མཐུན་སྒྲིལ།   དམངས་ཚིས་ཕྱུག་འགྱུར་སོགས་ཁྱབ་ཁོངས་གཙོ་བོར་དམིགས་ནས།    ཤུགས་ཆེན་པོས་དམངས་ཆེན་གྱི་ཁྲིམས་འཛུགས་དང་ལྟ་སྐུལ་སོགས་ལས་དོན་སྤེལ་བ་དང་།  ཐོག་མཐའ་བར་གསུམ་དུ་བློ་གཅིག་སེམས་གཅིག་གིས་འགན་སྒྲུབ་བྱེད་པ་དང་ཁྲིམས་ལྟར་འགན་སྒྲུབ་བྱས་ཏེ།   དམངས་ཀྱི་ཆེད་དུ་འགན་སྒྲུབ་བྱེད་པའི་ཁྲོད་དམངས་ཆེན་བྱ་བའི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས་ཞེས་ནན་གྱིས་བསྟན།