ཁུལ་དང་རྫོང་གི་མགོ་ལོག་སློབ་གསོའི་འཇོན་མི་སློབ་གྲྭའི་དགེ་རྒན་དཔུང་ཁག་འཛུགས་སྐྱོང་ལ་སྔར་བས་ཤུགས་བསྣན་དང་། དགོས་མཁོ་ཧ་ཅང་དཀོན་པའི་བསླབ་གནས་མཐོ་བ་དང་བྱང་ཚད་མཐོ་བའི་འཇོན་མི་ནང་འདྲེན་ཧུར་ཐག་བྱ་ཆེད། 《2025ལོའི་ཞིང་ཆེན་ཡོངས་ཀྱི་དོན་ལས་ལས་ཁུངས་ཀྱིས་ལས་བྱེད་པ་བསྡུ་བའི་བྱ་བའི་ཇུས་གཞི་པར་འགྲེམས་བྱས་པའི་སྐོར་གྱི་བརྡ་ཐོ》(མཚོ་སྔོན་སྲིད་གཞུང་དོན་ཁང་གི་ཡི་གེ[2025]ཨང3)དང་《2025ལོའི་སློབ་གྲྭ་ཆུང་འབྲིང་གི་དགེ་རྒན་བསྡུ་བའི་བྱ་བའི་ཇུས་གཞི་པར་འགྲེམས་བྱས་པའི་སྐོར་གྱི་བརྡ་ཐོ》(མཚོ་སྔོན་དགེ་རྒན[2025]ཨང2)གཉིས་ཀྱི་བླང་བྱ་དང་། 《མཚོ་སྔོན་ཞིང་ཆེན་གྱི་དོན་ལས་ལས་ཁུངས་ཀྱིས་ལས་བྱེད་པ་བསྡུ་བ་དང་དཔྱད་ཞིབ་གདན་བཀོལ་བྱ་བའི་ལག་བསྟར་ཞིབ་སྲོལ》(མཚོ་སྔོན་མི་སྤྱི་ཐིང[2015]ཨང་80)སོགས་ཀྱི་གཏན་འབེབས་ལྟར། མགོ་ལོག་ཁུལ་སློབ་གསོ་ཅུའུ་ཡིས་སྤྱི་ཚོགས་ཡོངས་ལ་ཁ་ཕྱོགས་ནས་མགོ་ལོག་སློབ་གསོའི་འཇོན་མི་སློབ་གྲྭར་དམའ་འབྲིང་དགེ་རྒན་(ཁག་གཉིས་པ)24བསྡུ་རྒྱུ་ཡིན་ཞིང་། ཞིབ་ཕྲའི་དོན་ཚན་གཤམ་གསལ་ལྟར།
གཅིག བསྡུ་བྱ། རྒྱལ་དམངས་སློབ་གསོའི་རབ་འབྱམས་པའི་ཡོན་གནས་ཅན་གྱི་ཞིབ་འཇུག་སློབ་མ་དང་དེའི་ཡན་གྱི་སློབ་གཉེར་བརྒྱུད་རིམ་ལྡན་པའི་འཇོན་མི།
གཉིས། བསྡུ་བྱའི་ལས་གནས།ད་ཐེངས་བསྡོམས་པའི་དགེ་རྒན24བསྡུ་རྒྱུ་ཡིན་ཞིང་། ཞིབ་ཕྲའི་ལས་བསྡུའི་འཆར་གཞི་དང་ཆ་རྐྱེན་ཟུར་ཡིག1པར་གསལ།
གསུམ། ལས་བསྡུའི་ཆ་རྐྱེན།གཅིག ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཁོངས་ཡིན་པ།
1.རྩ་ཁྲིམས་དང་བཅའ་ཁྲིམས་ལ་བརྩི་སྲུང་བྱེད་ཅིང་སྤྱོད་ལམ་བཟང་བ། ཟོལ་མེད་ཡིད་རྟོན་རུང་ལ། ལུས་སེམས་བདེ་ཐང་ཡིན་པ། ཏང་གི་སློབ་གསོའི་ལས་དོན་ལ་ལྷག་བསམ་རྣམ་དག་ཡིན་པ། མགོ་ལོག་གི་སློབ་གསོ་ལ་ཞབས་འདེགས་ཞུ་འདོད་ཡོད་པ། རྩ་འཛུགས་ཀྱི་བཀོད་སྒྲིག་ལ་བརྩི་སྲུང་བྱེད་པ།
2.རབ་འབྱམས་པའི་ཞིབ་འཇུག་སློབ་མ་དང་དེའི་ཡན་གྱི་སློབ་རྒྱུས་དང་དེ་མཚུངས་ཀྱི་བསླབ་གནས་ལྡན་པ། དངོས་གཞིའི་ཚན་ཁག་གམ་ཞིབ་འཇུག་སློབ་མའི་སློབ་སྦྱོང་གི་ཆེད་ལས་དང་རྒྱུགས་སྤྲོད་ལས་གནས་གཅིག་མཐུན་ཡིན་དགོས། ཕྱི་རྒྱལ་གྱི་སློབ་གཉེར་བསླབ་གནས་འཛིན་ཡིག་བླངས་ཡོད་ན་རྒྱལ་ཁབ་ཀྱི་སློབ་གསོ་སྡེ་ཁག་གིས་བཏོན་པའི་སློབ་གཉེར་བརྒྱུད་རིམ་ཁས་ལེན་དཔང་འདོན་སྙན་ཞུ་འདོན་སྤྲོད་བྱེད་དགོས།
3.ལུས་ཁམས་བདེ་ཐང་དང་། ལས་གནས་ཀྱི་བླང་བྱ་ལྡན་པའི་ལུས་ཕུང་གི་ཆ་རྐྱེན་ལྡན་དགོས།
4.ལས་གནས་ལ་མཁོ་བའི་ཆ་རྐྱེན་གཞན་དག་བཅས་འཛོམས་དགོས།
བཞི། མིང་ཐོ་འགོད་པ།
1.དྲ་ཐོག་ནས་མིང་ཐོ་འགོད་པའི་དུས་ཚོད་ནི། 2025ལོའི་ཟླ8པའི་ཚེས18ཉིན་གྱི་ཆུ་ཚོད08:30ནས་2025ལོའི་ཟླ9པའི་ཚེས18ཉིན་གྱི་ཆུ་ཚོད18:00བར་ཡིན།
2.དྲ་ཐོག་ནས་ཞིབ་དཔྱད་བྱེད་པའི་དུས་ཚོད་ནི། 2025ལོའི་ཟླ8པའི་ཚེས18ཉིན་གྱི་ཆུ་ཚོད08:30ནས2025ལོའི་ཟླ9པའི་ཚེས2ཉིན་གྱི་ཆུ་ཚོད18:00བར་ཡིན།
3.བཟོ་བཅོས་བྱེད་པའི་དུས་ཚོད་ནི། 2025ལོའི་ཟླ9པའི་ཚེས2ཉིན་གྱི་ཆུ་ཚོད08:30ནས18:00བར་ཡིན། མིང་ཐོ་འགོད་པའི་རིང་དུ་དྲ་ཐོག་ནས་ཐོག་མའི་ཐོབ་ཐང་ཞིབ་དཔྱད་བྱ་རྒྱུ་ཡིན་པ་དང་། དྲ་ཐོག་གི་ཐོབ་ཐང་ཐོག་མར་ཞིབ་བཤེར་དེ་མགོ་ལོག་ཁུལ་སློབ་གསོ་ཅུའུ་ཡིས་ཐོབ་ཐང་གི་བླང་བྱ་ལྟར་དྲག་སྒང་དུ་ཐོབ་ཐང་ཞིབ་དཔྱད་བྱ་རྒྱུ་ཡིན་པ་རེད།
4.མིང་ཐོ་འགོད་སྟངས།ཐེངས་འདིའི་འདེམས་སྒྲིག་རྒྱུགས་ལེན་ལ་དྲ་ཐོག་ནས་མིང་ཐོ་འགོད་དགོས་པ་དང་། མིང་ཐོ་འགོད་མཁན་གྱིས་གློག་ཀླད་སྟེང་མིང་ཐོ་འགོད་སའི་མ་ལག(//qyrlzy.pzhl.net/index.php)ཏུ་མིང་ཐོ་བཀོད་དེ། “2025ལོའི་མགོ་ལོག་ཁུལ་སློབ་གསོ་ཅུའུ་ཡིས་སྤྱི་ཚོགས་ཡོངས་ལ་ཁ་ཕྱོགས་ནས་མགོ་ལོག་འཇོན་མི་སློབ་གྲྭའི་སློབ་འབྲིང་གི་དགེ་རྒན(ཁག་གཉིས་པ)བསྡུ་བའི་བརྡ་སྦྱོར”ཞེས་པའི་རྣམ་གྲངས་མནན་ནས་བླང་བྱ་ལྟར་མིང་ཐོ་འགོད་དགོས།
ལྔ། ཡུལ་དངོས་ནས་ཐོབ་ཐང་ཞིབ་དཔྱད་བྱེད་པའི་དུས་ཚོད་དང་ས་གནས།
1.ཡུལ་དངོས་ནས་ཐོབ་ཐང་ཞིབ་དཔྱད་བྱེད་པའི་དུས་ཚོད་ནི། 2025ལོའི་ཟླ9པའི་ཚེས4ཉིན་ནས2025ལོའི་ཟླ9པའི་ཚེས5ཉིན་བར་གྱི་སྔ་དྲོའི་ཆུ་ཚོད་8:30ནས18:00བར་ཡིན།
2.ཡུལ་དངོས་ནས་ཐོབ་ཐང་ཞིབ་དཔྱད་བྱེད་པའི་ས་གནས། མཚོ་སྔོན་ཞིང་ཆེན་ནུས་ཁུངས་ཐོག་བརྩེགས9པ། (མཚོ་སྔོན་ཞིང་ཆེན་ཟི་ལིང་གྲོང་ཁྱེར་མཁར་ནུབ་ཁུལ་ཧྥུ་ཞིན་ལམ་ཨང2པའི་བྱང་སྒོ་ནས་འཛུལ་དགོས། )
བློ་འདྲི་ཁ་པར། 0971-6361286 (ལས་ཚོགས་ཉིན་གྱི་ཆུ་ཚོད08:30-12:00དང་། 14:30-18:00)
ལྟ་སྐུལ་ཁ་པར།
མགོ་ལོག་ཁུལ་སློབ་གསོ་ཅུའུ། 0975-8383595
དར་ལག་རྫོང་སློབ་གསོ་ཅུའུ། 0975-8313837
མགོ་ལོག་ཁུལ་སློབ་གསོ་ཅུའུ།
2025ལོའི་ཟླ8པའི་ཚེས18ཉིན།