མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཀྲུང་ཧྭ་རྒྱལ་ཡོངས་སྤྱི་ཁྱབ་བཟོ་ཚོགས་ཀྱི《བཟོ་ཚོགས་ཀྱི་སྤྱི་ཚོགས་ལས་དོན་པའི་དོ་དམ་བྱེད་ཐབས(ཚོད་ལྟའི་ལག་བསྟར)》(སྤྱི་ཁྱབ་བཟོ་ཚོགས་གཞུང་དོན་ཁང་གི[2024ལོའི〕ཡིག་ཆ་ཨང25པ) དང་《2025ལོའི་བཟོ་ཚོགས་ཀྱི་སྤྱི་ཚོགས་ལས་དོན་པ་བསྡུ་བའི་བྱ་བའི་ཇུས་གཞི》(མཚོ་སྔོན་སྤྱི་ཁྱབ་གཞུང་དོན་ཁང་གི [2025ལོའི]ཡིག་ཆ་ཨང་20པ)། 《མཚོ་སྔོན་ཞིང་ཆེན་སྤྱི་ཁྱབ་བཟོ་ཚོགས་སྤྱི་ཚོགས་ཅན་གྱི་བཟོ་ཚོགས་ལས་དོན་པའི་དོ་དམ་བྱེད་ཐབས(ཚོད་ལྟའི་ལག་བསྟར)》(མཚོ་སྔོན་སྤྱི་ཁྱབ་གཞུང་དོན་ཁང་གི[2021ལོའི]ཡིག་ཆ་ཨང་27པ)སོགས་ཀྱི་གཏན་འབེབས་ལྟར། མཚོ་སྔོན་ཞིང་ཆེན་གྱིས་སྤྱི་ཚོགས་ཡོངས་ལ་ཁ་ཕྱོགས་ནས2025ལོའི་བཟོ་ཚོགས་ཀྱི་སྤྱི་ཚོགས་ལས་དོན་པ་བསྡུ་བའི་འབྲེལ་ཡོད་དོན་ཚན་ཁྱབ་སྒྲོག་བྱས་པ་གཤམ་གསལ་ལྟར།
གཅིག བསྡུ་བྱའི་ལས་གནས་དང་ཁྱབ་ཁོངས།2025ལོའི་གྲོང་ཁྱེར(ཁུལ)སྤྱི་ཁྱབ་བཟོ་ཚོགས་ཁག་གིས་སྤྱི་ཚོགས་ཡོངས་ལ་ཁ་ཕྱོགས་ནས་ལས་གནས་སུ་ཁྱོན་བསྡོམས་མི125བསྡུ་རྒྱུ་ཡིན་པ་དང་། བསྡུ་བྱའི་ལས་གནས་ཀྱི་འཆར་གཞི་དང་ཆ་རྐྱེན་ཞིབ་ཕྲ་ནི《2025ལོའི་མཚོ་སྔོན་ཞིང་ཆེན་གྱི་བཟོ་ཚོགས་སྤྱི་ཚོགས་ལས་དོན་པ་བསྡུ་བའི་ལས་གནས་འཆར་གཞིའི་རེའུ་མིག》ལ་གསལ།
གཉིས། ལས་བསྡུའི་གོ་རིམ། ཐེངས་འདིའི་ལས་བསྡུ་ལས་ཀ་དེ་ཆ་འཕྲིན་ཁྱབ་སྒྲོག་དང་། དྲ་ཐོག་ནས་མིང་ཐོ་འགོད་པ། ཐོབ་ཐང་ཞིབ་བཤེར། ཡིག་རྒྱུགས་ལེན་པ། ཡུལ་དངོས་ནས་ཐོབ་ཐང་ཞིབ་བཤེར། ཁ་རྒྱུགས་ལེན་པ། ལུས་པོ་བརྟག་དཔྱད། རྟོག་ཞིབ(ཆབ་སྲིད་ཞིབ་བཤེར)། ཡོངས་བསྒྲགས། ངལ་རྩོལ་གན་རྒྱའི་མིང་རྟགས་བཀོད་པ་སོགས་ཀྱི་གོ་རིམ་ལྟར་སྤེལ་རྒྱུ།
གསུམ། མིང་ཐོ་འགོད་སྟངས་དང་དུས་ཚོད།ཐེངས་འདིའི་ལས་བསྡུའི་མིང་ཐོ་འགོད་སྟངས་ནི་དྲ་ཐོག་ནས་མིང་ཐོ་འགོད་པ་དང་། དྲ་ཐོག་ཏུ་ཐོབ་ཐང་ཞིབ་བཤེར། དྲ་ཐོག་ནས་དངུལ་སྤྲོད་པ། དྲ་ཐོག་ནས་རྒྱུགས་སྤྲོད་འཛིན་ཡིག་ཕབ་ལེན་བཅས་བྱེད་དགོས།
མིང་ཐོ་འགོད་པའི་དུས་ཚོད་ནི2025ལོའི་ཟླ8པའི་ཚེས22ཉིན་གྱི་ཆུ་ཚོད9ནས་ཟླ8པའི་ཚེས26ཉིན་གྱི་ཆུ་ཚོད18བར་དང་། ཆ་འཕྲིན་བཟོ་བཅོས་རྒྱག་པའི་དུས་ཚོད་ནི་ཟླ8པའི་ཚེས22ཉིན་གྱི་ཆུ་ཚོད9ནས་ཟླ8པའི་ཚེས28ཉིན་གྱི་ཆུ་ཚོད18བར་རེད། གྲོང་ཁྱུར(ཁུལ)སྤྱི་ཁྱབ་བཟོ་ཚོགས་ཁག་གིས་དྲ་ཐོག་ནས་ཐོབ་ཐང་ཞིབ་བཤེར་བྱེད་པའི་དུས་ཚོད་ནི་ཟླ8པའི་ཚེས22ཉིན་གྱི་ཆུ་ཚོད9ནས་ཟླ8པའི་ཚེས29ཉིན་གྱི་ཆུ་ཚོད18བར་དང་། དངུལ་སྤྲོད་པའི་དུས་ཚོད་ནི་ཟླ8པའི་ཚེས22ཉིན་གྱི་ཆུ་ཚོད9ནས་ཟླ8པའི་ཚེས29ཉིན་གྱི་ཆུ་ཚོད23:30བར་རེད། རྒྱུགས་སྤྲོད་སློབ་མ་རྣམས་ཀྱིས་མཚོ་སྔོན་ཞིང་ཆེན་གྱི་མི་དོན་རྒྱུགས་ལེན་ཆ་འཕྲིན་དྲ་བ(www.qhpta.com)ནས་མིང་ཐོ་འགོད་དགོས།
བཞི། ཡིག་རྒྱུགས་ལེན་པའི་དུས་ཚོད་ནི2025ལོའི་ཟླ9པའི་ཚེས13ཉིན(གཟའ་སྤེན་པ)ཡིན་པ་དང་། རྒྱུགས་ལེན་དུས་ཚོད་དང་ས་གནས་ནི་རྒྱུགས་སྤྲོད་འཛིན་ཡིག་སྟེང་བཀོད་པའི་དུས་ཚོད་དང་ས་གནས་གཞིར་འཛིན་དགོས།ལྔ། ཡུལ་དངོས་ནས་ཐོབ་ཐང་ཞིབ་བཤེར་བྱེད་པ།བསྡུ་བྱའི་ལས་གནས་དེ་ཡིག་རྒྱུགས་མཇུག་འགྲིལ་ནས་ཉིན20སོང་རྗེས་མཚོ་སྔོན་ཞིང་ཆེན་གྱི་མི་དོན་རྒྱུགས་ལེན་ཆ་འཕྲིན་དྲ་བའི་སྟེང་ཡིག་རྒྱུགས་ཀྱི་རྒྱུགས་སྐར་ཁྱབ་སྒྲོག་བྱ་རྒྱུ་དང་། བསྡུ་བྱའི་ལས་གནས1:3གྱི་སྡུར་ཚད་གཞིར་བཟུང་ནས་ཡུལ་དངོས་སུ་ཐོབ་ཐང་ཞིབ་བཤེར་བྱས་པའི་མིང་ཐོ་ནང་ལྟར་གཏན་འཁེལ་བྱ་རྒྱུ། གྲོང་ཁྱེར་(ཁུལ)ཁག་གི་སྤྱི་ཁྱབ་བཟོ་ཚོགས་ཀྱིས་ཡུལ་དངོས་ནས་ཐོབ་ཐང་ཞིབ་བཤེར་བྱེད་དགོས། (ཞིང་ཆེན་གྱི་ནོར་དོན་ཚོང་དོན་བཟོ་ཚོགས་དང་། ཞིང་ཆེན་གྱི་འགྲིམ་འགྲུལ་སྐྱེལ་འདྲེན་བཟོ་ཚོགས། ཞིང་ཆེན་གྱི་ནུས་རྒྱུ་རྫས་འགྱུར་བཟོ་ལས་འཕྲུལ་ཆས་བཙོ་སྦྱང་བཟོ་ཚོགས་བཅས་ཀྱི་ཐོབ་ཐང་ཞིབ་བཤེར་ལས་ཀ་དེ་ཟི་ལིང་གྲོང་ཁྱེར་སྤྱི་ཁྱབ་བཟོ་ཚོགས་ལ་འགན་བཅོལ་ནས་ཞིབ་བཤེར་བྱེད་དུ་འཇུག་རྒྱུ )། གཙོ་བོ་རྒྱུགས་སྤྲོད་སློབ་མའི་ཐོབ་ཐང་ལག་ཁྱེར་དང་། ཁྱིམ་ཐོ། མཐར་ཕྱིན་འཛིན་ཡིག་དང་ལས་གནས་ལ་མཁོ་བའི་ཐོབ་ཐང་དཔང་ཡིག་དང་ལག་རྟགས་གཞན་དག་སོགས་རྒྱུ་ཆའི་དོན་དངོས་རང་བཞིན་ལ་ཞིབ་བཤེར་བྱ་རྒྱུ་དང་། ཐོབ་ཐང་ཞིབ་བཤེར་མཇུག་འགྲིལ་རྗེས། མཚོ་སྔོན་ཞིང་ཆེན་གྱི་མི་དོན་རྒྱུགས་ལེན་ཆ་འཕྲིན་དྲ་བའི་སྟེང་ཁ་རྒྱུགས་ཀྱི་མིང་ཐོ་ཁྱབ་སྒྲོག་བྱ་རྒྱུའོ། །
དྲུག་པ། ཁ་རྒྱུགས་ལེན་པ།ཐེངས་འདིའི་ལས་གནས་ཀྱི་ཁ་རྒྱུགས་ལ་སྒྲིག་གཞི་ཅན་གཙོ་བོར་འཛིན་པའི་གཅིག་གྱུར་གྱི་ཁ་རྒྱུགས་ལེན་རྒྱུ་རེད། ཁ་རྒྱུགས་ལེན་པའི་འབྲེལ་ཡོད་དོན་ཚན་མཚོ་སྔོན་ཞིང་ཆེན་གྱི་མི་དོན་རྒྱུགས་ལེན་ཆ་འཕྲིན་དྲ་བའི་ཐོག་ཁྱབ་སྒྲོག་བྱ་རྒྱུ་རེད། 2025ལོར་མཐར་ཕྱིན་པའི་སློབ་མ་རྣམས་ཀྱིས2025ལོའི་ཟླ9པའི་ཚེས30ཉིན་གྱི་གོང་ལ་བསྡུ་བྱའི་ལས་གནས་ཆ་རྐྱེན་དང་མཐུན་པའི་སློབ་གཉེར་བསླབ་གནས་དང་ལག་རྟགས་རིགས་ངེས་པར་དུ་འདོན་སྤྲོད་བྱ་དགོས། འདོན་སྤྲོད་བྱེད་མ་ཐུབ་ན་ལས་བསྡུའི་ཐོབ་ཐང་མེད་པར་བཟོ་རྒྱུ། ཕྱི་རྒྱལ་གྱི་སློབ་གཉེར་བསླབ་གནས་དང་ལག་རྟགས་ཡོད་པ་དག་གིས་ཀྱང་ངེས་པར་དུ་རྒྱལ་ཁབ་ཀྱི་སློབ་གསོ་སྡེ་ཁག་གི་བཏོན་པའི་སློབ་གཉེར་བསླབ་གནས་ཀྱི་ཁས་ལེན་དཔང་ཡིག་གི་སྙན་ཞུ་འདོན་སྤྲོད་བྱེད་དགོས།ལས་བསྡུའི་བློ་འདྲི་བྱེད་སའི་ཁ་པར་ཨང་གྲངས་ནི། (ལས་ཚོགས་ཉིན་གྱི་སྔ་དྲོའི་ཆུ་ཚོད9:00ནས་ཆུ་ཚོད12:00བར་དང་། ཕྱི་དྲོའི་ཆུ་ཚོད14:30ནས17:30བར་རེད། )
འཆར་གཞིའི་རེའུ་མིག་ནང་གི་འབྲེལ་ཡོད་དོན་ཚན། དཔེར་ན། ཆེད་ལས་དང་། བསླབ་གནས། ལག་རྟགས། ཐོབ་ཐང་གི་ཆ་རྐྱེན་གཞན་དག་བཅས་ཐད་ཀར་མི་སྤྱོད་ལས་ཁུངས་ལ་བློ་འདྲི་དང་འབྲེལ་བ་གནང་རོགས། ཁ་པར་ཨང་གྲངས་ལས་བསྡུའི་འཆར་གཞི་རེའུ་མིག་ན་གསལ།ཞིང་ཆེན་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་གི་བློ་འདྲི་བྱེད་སའི་ཁ་པར་ཨང་གྲངས་ནི 12333ཡིན། དྲ་ཐོག་ནས་མིང་ཐོ་འགོད་པའི་རྩལ་ནུས་བློ་འདྲི་བྱེད་སའི་ཁ་པར་ཨང་གྲངས་ནི། 0971-962121(ཞིང་ཆེན་མི་དོན་རྒྱུགས་ལེན་ལྟེ་གནས)ཡིན། ལས་བསྡུའི་ལྟ་སྐུལ་ཁ་པར་ནི། 0971-8236832 (ཞིང་ཆེན་སྤྱི་ཁྱབ་བཟོ་ཚོགས་གཞི་རིམ་ལས་དོན་པུའུ། )ཡིན།མཚོ་སྔོན་ཞིང་ཆེན་སྤྱི་ཁྱབ་བཟོ་ཚོགས། མཚོ་སྔོན་ཞིང་ཆེན་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་།2025ལོའི་ཟླ8པའི་ཚེས20ཉིན།
