ཞིང་ཆེན་སྲིད་གྲོས་ཀྱིས་ཏང་ཙུའུ་གྲོས་ཚོགས་དང་ཀྲུའུ་ཞིའི་གྲོས་ཚོགས་བསྡུས།

མཚོ་སྔོན་གསར་འགྱུར་དྲ་བའི་འཕྲིན། ཟླ8པའི་ཚེས13ཉིན། ཞིང་ཆེན་སྲིད་གྲོས་ཀྱི་ཏང་ཙུའུ་ཧྲུའུ་ཅི། ཀྲུའུ་ཞི་མགོན་པོ་བཀྲ་ཤིས་ཀྱིས་འགོ་འཛིན་བྱས་ཏེ་ཞིང་ཆེན་སྲིད་གྲོས་ཀྱི་ཏང་ཙུའུ་གྲོས་ཚོགས་དང་ཀྲུའུ་ཞིའི་གྲོས་ཚོགས་བསྡུས་ནས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཉེ་དུས་ཀྱི་གསུང་བཤད་གལ་ཆེན་དང་མཛུབ་སྟོན་གལ་ཆེན་གྱི་དགོངས་དོན་དང་ཀྲུང་དབྱང་གི་འབྲེལ་ཡོད་གྲོས་ཚོགས་ཀྱི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་ཤིང་།  འབྲེལ་ཡོད་དོན་དག་ཡར་ཞུ་བྱས་པར་ཉན་ནས་གྲོས་ཞིབ་བྱས།

གྲོས་ཚོགས་སྟེང་དུ།  ཟླ7པའི་ཚེས30ཉིན་གྱི་ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་གྲོས་ཚོགས་ཀྱི་དགོངས་དོན་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་དྲ་དམངས་ཀྱི“ལོ་ལྔ་ཚན་བཅོ་ལྔའི“འཆར་གཞི་སྒྲིག་བཟོ་བྱ་བའི་བསམ་འཆར་ཞིབ་འཇུག་བསྡུ་ལེན་ཐད་གནང་བའི་མཛུབ་སྟོན་གལ་ཆེན་གྱི་དགོངས་དོན།  སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀན་སུའུ་ཞིང་ཆེན་ལན་ཀྲོའུ་གྲོང་ཁྱེར་ཡུས་ཀྲུང་རྫོང་གི་ཆུ་ལོག་གནོད་འཚེའི་ཐད་གནང་བའི་མཛུབ་སྟོན་གལ་ཆེན་གྱི་དགོངས་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཐེན་ཧྭ་སོགས་གློག་བརྙན་སྒྱུ་རྩལ་པ8ལ་བསྐུར་བའི་འཕྲིན་ལན་གྱི་དགོངས་དོན་བཅས་བརྒྱུད་བསྒྲགས་དང་སློབ་སྦྱོང་བྱས།  གྲོས་ཚོགས་སྟེང་དུ། བསམ་བློ་དང་བྱ་སྤྱོད་དེ་རང་རྟོགས་ངང་ཏང་ཀྲུང་དབྱང་གིས“ལོ་ལྔ་ཚན་བཅོ་ལྔ་པའི”ལས་ཀའི་མ་ལག་གི་ཇུས་འགོད་དང་ལོ་སྨད་ཀྱི་དཔལ་འབྱོར་བྱ་བའི་ཐད་བཏོན་པའི་བཀོད་སྒྲིག་བླང་བྱའི་སྟེང་གཅིག་གྱུར་དང་། སྲིད་གྲོས་ཀྱི་བྱེད་ནུས་ལ་རྐང་འཛུགས་པ་དང་བརྟག་དཔྱད་ཞིབ་འཇུག་ཟབ་མོ་བྱེད་པ། ལོ་སྨད་ཀྱི་དཔལ་འབྱོར་བྱ་བ་བཟང་བོར་བསྒྲུབ་པར་རོགས་འདེགས་བྱས་ཏེ། རང་ཞིང་གིས“ལོ་ལྔ་ཚན་བཅོ་ལྔ་པའི”འཆར་གཞི་སྒྲིག་བཟོ་བྱ་བར་ཐད་ཧུར་ཐག་གིས་བློ་འདོན་ཇུས་འབུལ་བྱས་ཏེ་ངེས་པ་དོན་གྱིས་ཏང་ཀྲུང་དབྱང་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཇུས་ཆོད་དང་བཀོད་སྒྲིག  བླང་བྱ་བཅས་ལྷག་ལུས་མེད་པར་སྲིད་གྲོས་ཀྱི་འགན་སྒྲུབ་བྱ་བའི་གོ་རིམ་ཧྲིལ་བོ་དང་ཕྱོགས་སོ་སོར་དོན་འཁྱོལ་བྱེད་དགོས་ཞེས་ནན་གྱིས་བསྟན།

གྲོས་ཚོགས་སྟེང་དུ།  ཞིང་ཆེན་ཏང་ཨུའི་ཏང་གི་འཛུགས་སྐྲུན་བྱ་བའི་འགོ་ཁྲིད་ཚན་ཆུང་དང་ཞིང་ཆེན་ཏང་ཨུའི་སློབ་སྦྱོང་སློབ་གསོའི་ཆེད་ཚན་གྱི་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་ཟབ་མོ་བྱེད་པའི་སློབ་སྦྱོང་སློབ་གསོའི་འབྲེལ་ཡོད་བརྡ་ཐོ་བརྒྱུད་བསྒྲགས་དང་སློབ་སྦྱོང་བྱས་པ་དང་།  ཞིང་ཆེན་སྲིད་གྲོས་ཀྱི་སློབ་སྦྱོང་སློབ་གསོའི་བྱ་བར་ཞིབ་འཇུག་བྱས། གྲོས་ཚོགས་སྟེང་དུ།  ཀྲུང་དབྱང་ཏང་གི་འཛུགས་སྐྲུན་བྱ་བའི་འགོ་ཁྲིད་ཚན་ཆུང་གི་གྲོས་ཚོགས་ཀྱི་དགོངས་དོན་དང་སློབ་སྦྱོང་སློབ་གསོའི་ཀྲུང་དབྱང་མཛུབ་སྟོན་ཚན་ཆུང་དང་པོའི་བྱ་བའི་བླང་བྱ་ལག་བསྟར་དང་སློབ་སྦྱོང་ནན་མོ་བྱས་ཏེ། ཞིང་ཆེན་ཏང་ཨུའི་བཀོད་སྒྲིག་ལྟར། ཆབ་སྲིད་ཀྱི་འགན་འཁྲི་ཁག་ཁུར་བཟང་བོ་དང་སློབ་སྦྱོང་སློབ་གསོའི་རྗེས་མཐུད་བྱ་བ་དམ་འཛིན་ནན་མོ་བྱེད་པ།  འགན་འཁྲི་ཇེ་ཞིབ་དང་འཕེལ་རིམ་བཀོད་སྒྲིག་ལ་ཡང་བསྐྱར་དཔྱད་བསྡུར། སློབ་སྦྱོང་ལ་སྤུས་ཚད་ཡོད་པ་དང་ཞིབ་བཤེར་ལ་ཤུགས་ཚད་ཡོད་པ། ལེགས་བཅོས་ལ་ཕན་འབྲས་ཡོད་པ་བཅས་ཀྱི་ཐད་སྔར་ལས་ཤུགས་བཏོན་ནས།“དམིགས་འབྱོར་ལྔ”དངོས་སུ་དོན་འཁྱོལ་བྱས་ཏེ། ཐོག་མཐའ་བར་གསུམ་དུ་སློབ་སྦྱོང་སློབ་གསོ་དམ་འཛིན་ནན་མོ་བྱེད་དགོས་ཞེས་ནན་གྱིས་བསྟན།

གྲོས་ཚོགས་སྟེང་དུ། 《 སྲིད་གྲོས་མཚོ་སྔོན་ཞིང་ཆེན་ཨུ་ཡོན་ལྷན་ཁང་ཏང་ཙུའུ་ཡིས་ཞིང་ཆེན་སྲིད་གྲོས་ཀྱི2025ལོའི་ལོ་སྟོད་བྱ་བའི་གནས་ཚུལ་གྱི་འབྲེལ་ཡོད་སྙན་ཞུ》ལ་གྲོས་ཞིབ་བྱས། གྲོས་ཚོགས་སྟེང་དུ། ཞིང་ཆེན་སྲིད་གྲོས་ཀྱི་ལོ་སྟོད་ཀྱི་འགན་སྒྲུབ་བྱ་བ་སོ་སོར་ཁྱད་ཆོས་དང་གྲུབ་འབྲས་མངོན་གསལ་ལྡན་པས། ཕྱོགས་སོ་སོས་ཁས་ལེན་ཐོབ་ཡོད། ལོ་སྨད་ཀྱི་བྱ་བའི་དུས་ཚོད་གལ་ཆེ་ཞིང་འགན་འཁྲི་ལྕི་བས། ཞིང་ཆེན་ཏང་ཨུའི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་དགུ་བའི་བཀོད་སྒྲིག་བླང་བྱ་ལག་བསྟར་དོན་འཁྱོལ་ནན་མོ་དང་། ཞིང་ཆེན་སྲིད་གྲོས་ཀྱི་ལོ་ཧྲིལ་བོའི་གྲོས་མོལ་ལས་འགན་གལ་ཆེན་དོན་འཁྱོལ་བཟང་བོ་བྱ་རྒྱུ་དེ་གཙོ་ཐིག་ཏུ་བྱས་ནས། 2025ལོའི་བྱ་བའི་གཙོ་གནད་ལྟར་དུ། ལས་འགན་གྱི་འཕེལ་རིམ་དང་དུས་བཀག་གི་བླང་བྱར་དཔྱད་བསྡུར་དང་། རྒྱུན་མཐུད་ངང་བྱ་བ་སོ་སོ་དོན་འཁྱོལ་ནན་མོ་བྱེད་པ། འགན་འཁྲིའི་ཁག་ཁུར་བཟང་བོས་ཞིང་ཆེན་སྲིད་གྲོས་ཀྱི་འགན་སྒྲུབ་བྱ་བ་སྐས་རིམ་གསར་པར་སླེབས་པ་དང་གྲུབ་འབྲས་གསར་པ་ལེན་པར་སྐུལ་འདེད་གཏོང་དགོས་ཞེས་བསྟན།

གྲོས་ཚོགས་སྟེང་ད་རུང་དོན་དག་གཞན་དག་ལ་ཞིབ་འཇུག་བྱས།

རིན་ཆེན་རྣམ་རྒྱལ་དང་ཁོང་ཡུང་། ཝང་ཞོན། ཀྲང་ཞའོ་རུང་། ལིས་ཞའོ་ནན། ཐེན་ཁུའེ། ལིའུ་ཏ་ཡེ། གསེར་ཁྲི་ཆོས་ཀྱི་བློ་གྲོས་རྒྱ་མཚོ།  མཱ་ཡུའེ་ཞང་། ཞེ་པའོ་ཨུན་བཅས་གྲོས་ཚོགས་ལ་ཞུགས།