མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
མཚོ་སྔོན་གསར་འགྱུར་དྲ་བའི་འཕྲིན། ཟླ8པའི་ཚེས6ཉིན། ཞིང་ཆེན་ཏང་ཨུའི་ཧྲུའུ་ཅི་ཝུའུ་ཞའོ་ཅུན་གྱིས་འགོ་འཛིན་བྱས་ཏེ། ཞིང་ཆེན་ཏང་ཨུའི་རྒྱུན་ལས་ཨུ་ཡོན་ལྷན་ཁང་གི(རྒྱ་བསྐྱེད)གྲོས་ཚོགས་བསྡུས་ཤིང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཉེ་དུས་ཀྱི་ཁྲིད་སྟོན་གལ་ཆེན་གྱི་དགོངས་དོན་དང་ཀྲུང་དབྱང་གི་འབྲེལ་ཡོད་གྲོས་ཚོགས་ཀྱི་དགོངས་དོན་བརྒྱུད་སྒྲོག་དང་སློབ་སྦྱོང་བྱས་པར་མ་ཟད། རང་ཞིང་གི་ལག་བསྟར་བསམ་འཆར་ལ་ཞིབ་འཇུག་བྱས།
གྲོས་ཚོགས་སྟེང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀྲུང་དབྱང་ཆབ་སྲིད་ཅུའུ་ཡི་གྲོས་ཚོགས་སྟེང་གནང་བའི་གསུང་བཤད་གལ་ཆེན་གྱི་དགོངས་དོན་ལ་སློབ་སྦྱོང་དང་ལག་བསྟར་ནན་མོ་བྱས་ཏེ། ཆབ་སྲིད་ཀྱི་ལངས་གནས་མཐོ་རུ་གཏོང་བ་དང་། རང་རྟོགས་ཀྱིས་དཔེ་བསྡུར་ཚད་བསྡུར་བྱེད་པ། འགྱུར་བ་མེད་པའི་སྙིང་སྟོབས་དང་ཚན་རིག་གི་བྱེད་ཐབས། ནུས་ཡོད་ཀྱི་བྱེད་སྟངས་བཅས་ལ་བརྟེན་ནས། ཏང་ཀྲུང་དབྱང་གི་ད་ལོའི་ལོ་སྨད་ཀྱི་དཔལ་འབྱོར་བྱ་བའི་ཐད་ཀྱི་ཇུས་ཆོད་བཀོད་སྒྲིག་དོན་འཁྱོལ་བཟང་བོ་དང་། ནང་མཁོའི་སྦས་ཤུགས་མགྱོགས་མྱུར་གྱིས་ཕྱིར་འདོན་དང་འཛད་སྤྱོད་ཀྱི་རྨང་གཞིའི་ནུས་པ་དང་དངུལ་གཏོང་གི་གནད་འགག་བྱེད་ནུས་འདོན་སྤེལ་བྱས་ཏེ། བཟོ་ལས་ལས་རིགས་དང་ཞབས་ཞུའི་ལས་རིགས་མགྱོགས་མྱུར་སྒོས་འཕར་བར་སྐུལ་འདེད་གཏོང་བ་དང། དཔལ་འབྱོར་འཁོར་སྐྱོད་བཀོད་གཏོང་ནང་རྐྱེན་བཀོལ་སྤྱོད་བཟང་བོ་བྱས་ཏེ། བྱ་བའི་སྤུས་འདེགས་ནུས་སྤེལ་ལ་སྟོབས་ཤུགས་ཡོད་རྒུས་སྐུལ་འདེད་གཏོང་བ་དང་བློ་བརྟན་འགྱུར་མེད་ངང་ལོ་ཧྲིལ་བོའི་དམིགས་འབེན་དང་ལས་འགན་ཡོངས་འགྲུབ་བྱས་ཏེ། “ལོ་ལྔ་ཚན་བཅོ་ལྔའི“འཕེལ་རྒྱས་ཐད་རྨང་གཞི་བརྟན་པོ་འདིང་དགོས་ཞེས་ནན་གྱིས་བསྟན།
གྲོས་ཚོགས་སྟེང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཞོད་འགོག་གནོད་སྐྱོབ་བྱ་བའི་ཐད་ཁྲིད་སྟོན་གལ་ཆེན་གནང་བ་དེས་མི་དམངས་བླ་ན་མེད་པ་དང་ཚེ་སྲོག་བླ་ན་མེད་པའི་བརྩེ་བ་ཟབ་མོ་མངོན་པར་མཚོན་ཡོད། ཞོད་དུས་སུ་སླེབས་རྗེས། ཞིང་ཆེན་ཡོངས་ཀྱི་ཆར་ཆུ་མངོན་གསལ་གྱིས་ཇེ་མང་དུ་སོང་བས་ས་ཁུལ་སོ་སོ་དང་སྡེ་ཁག་སོ་སོས་ནམ་ཡང“ལྷོད་གཡེང་མི་བྱེད་པའི“འགན་འཁྲིའི་འདུ་ཤེས་ལ་བརྟེན་ནས། ཚད་མཐའི་བསམ་ཕྱོགས་བརྟན་པོར་འཛུགས་པ་དང་། ཕྱོགས་སོ་སོའི་ཐོན་ཁུངས་སྟོབས་ཤུགས་གཅིག་གྱུར་ལ་འཆར་འགོད་དང་། ཏང་ཡོན་དང་ལས་བྱེད་མང་ཚོགས་ལ་སྐུལ་སློང་བྱེད་པ། ཆར་ཆུ་དང་ཆུ་ལོག་གི་གནས་ཚུལ་ལ་དོ་སྣང་བྱེད་པ། ཉམས་ཞན་དུས་རིམ་དང་གཙོ་གནད་ལ་དམ་དུ་དམིགས་པ། བློ་བརྟན་འགྱུར་མེད་ངང་ཞོད་འགོག་གནོད་སྐྱོབ་བྱ་བ་བཟང་བོར་སྒྲུབ་ནས། མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་བདེ་འཇགས་ལ་སྲུང་སྐྱོབ་བཟང་བོ་བྱེད་དགོས་ཞེས་བསྟན།
གྲོས་ཚོགས་སྟེང་ཞིང་ཆེན་ཡོངས་ཀྱི་རིམ་པ་སོ་སོའི་ཏང་རྩ་འཛུགས་ཀྱིས་ཏང་ཀྲུང་དབྱང་གི་འཛུགས་སྐྲུན་བྱ་བའི་འགོ་ཁྲིད་ཚན་ཆུང་གི་གྲོས་ཚོགས་ཀྱི་དགོངས་དོན་སློབ་སྦྱོང་དང་ལག་བསྟར་ནན་མོ་བྱེད་དགོས་པ་དང་། ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོའི་ཀྲུང་དབྱང་མཛུབ་སྟོན་ཚན་ཆུང་དང་པོའི་བྱ་བའི་བླང་བྱ་ལག་བསྟར་ཟབ་མོ་བྱས་ནས། ཆབ་སྲིད་ཀྱི་འགན་འཁྲི་ཁུར་བ་དང་སློབ་སྦྱོང་སློབ་གསོའི་རྗེས་མཐུད་བྱ་བ་དམ་འཛིན་ནན་མོ་བྱེད་པ། ལས་འགན་དོན་འཁྱོལ་ཐད་སྔར་ལས་ཇེ་ཞིབ་ཏུ་གཏོང་བ་དང་འཕེལ་རིམ་བཀོད་སྒྲིག་ཐད་སྔར་ལས་ཚད་བསྡུར་བྱེད་པ། གནད་དོན་གྱི་ཞིབ་ཐོ་དང་གཅིག་བསྡུས་བཅོས་སྒྲིག་གི་རྩིས་ཐོ་རེ་རེ་བཞིན་“ཚགས་དམ་པ”བྱས་ཏེ། “སྔར་ལས་དམིགས་འབྱོར་ལྔ”བསྒྲུབ་ཐུབ་པར་བྱས་ནས། ཐོག་མཐའ་བར་གསུམ་དུ་སློབ་སྦྱོང་སློབ་གསོ་དམ་འཛིན་ནན་མོ་བྱེད་དགོས་ཞེས་ནན་གྱིས་བསྟན།
གྲོས་ཚོགས་སྟེང་། རང་ཞིང་གིས་འབག་བཙོག་འགོག་བཅོས་མཁྲེགས་གཏོར་དམག་འཐབ་ཐད་བླངས་པའི་གྲུབ་འབྲས་དེ་ཐོབ་སླ་མོ་ཞིག་མིན་པས། དཔྱད་ཞིབ་ལས་བསྟན་པའི་གནད་དོན་ལ་ནན་དུ་དམིགས་ཏེ་ལེགས་སྒྲིག་ནན་མོ་བྱེད་པ་དང་བྱ་བའི་ལྟ་སྐུལ་བཀོད་གཏོང་ལ་ཤུགས་བསྣན་ནས་གནད་དོན་རིགས་འདེད་ཀྱིས་དག་ཐེར་ལེགས་བཅོས་བྱ་བ་བཟང་བོར་བསྒྲུབ་དགོས། “ལོ་ལྔ་ཚན་བཅོ་ལྔ”གཏན་འབེབས་བྱེད་པ་དང་སྦྲེལ་མཐུད་བཟང་བོ་བྱས་ཏེ། དཔྱད་ཞིབ་དམིགས་འབེན་མ་ལག་བཙུགས་ནས་འཐུས་ཚང་དུ་གཏོང་བ་དང་སྐྱེ་ཁམས་ཁོར་ཡུག་གཞི་གྲངས་ཅན་དང་རིག་ནུས་ཅན་དུ་མྱུར་དུ་བསྒྱུར་ནས། མཛེས་སྡུག་ལྡན་པའི་མཚོ་སྔོན་འཛུགས་སྐྲུན་བྱེད་པར་ནུས་ཡོད་ཀྱི་འདེགས་སྐྱོར་འདོན་སྤྲོད་བྱེད་དགོས་ཞེས་བསྟན།
གྲོས་ཚོགས་སྟེང་། ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་རྒྱལ་ཁབ་ལྟ་ཞིབ་ཨུ་ཡོན་ལྷན་ཁང་གི་སྒྲིག་ཁྲིམས་ཞིབ་བཤེར་ལྟ་ཞིབ་བྱ་བ་ཚད་གཞི་ཅན་དང་ཁྲིམས་སྐྱོང་ཅན། ཚད་ལྡན་ཅན་དུ་འཛུགས་སྐྲུན་ལོའི་འགུལ་སྐྱོད་བྱ་བའི་སྐུལ་སྤེལ་གྲོས་ཚོགས་ཀྱི་དགོངས་དོན་སློབ་སྦྱོང་ལག་བསྟར་བྱས་ནས།“ཅན་གསུམ”འཛུགས་སྐྲུན་ལོའི་འགུལ་སྐྱོད་དེ་སློབ་སྦྱོང་སློབ་གསོ་དང་ཀྲུང་དབྱང་སྐོར་ཞིབ་ཚན་ཆུང་བཅུ་གཅིག་པའི་སྐོར་ཞིབ་དང་ཟུང་འབྲེལ་གྱིས་མཉམ་གཅིག་ཏུ་བྱེད་ཐབས་སྤྱོད་པ་དང་ཕྱོགས་གཅིག་ལ་ཤུགས་བཏོན་ནས། འབུར་ཐོན་གནད་དོན་སྐོར་ཞིག་ཐག་གཅོད་པ་དང་། དངོས་གཉེར་གྱི་བྱེད་ཐབས་ལ་བརྟེན་ནས། “ཅན་གསུམ”འཛུགས་སྐྲུན་ལོའི་འགུལ་སྐྱོད་ཐད་ཕན་ནུས་སྔར་ལས་བཟང་བོ་ཐོབ་པར་བྱ་དགོས་ཞེས་ནན་གྱིས་བསྟན།
གྲོས་ཚོགས་སྟེང་། ད་ལོའི་ལོ་སྟོད་ཀྱི་བདེ་འཇགས་མཚོ་སྔོན་འཛུགས་སྐྲུན་བྱ་བའི་གནས་ཚུལ་དང་ཞིང་ཆེན་ཡོངས་ཀྱི་ས་གནས་དངུལ་བུན་ཉེན་ཁ་འགོག་བཅོས་ཐག་གཅོད་བྱ་བའི་གནས་ཚུལ་ལ་ཉན། གྲོས་ཚོགས་སྟེང་། ཞིང་ཆེན་ཏང་ཨུ་དང་ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་། ཞིང་ཆེན་སྲིད་གཞུང་། ཞིང་ཆེན་སྲིད་གྲོས་དང་ཞིང་ཆེན་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་ལྟ་ཞིབ་ཨུ་ཡོན་ལྷན་ཁང་། ཞིང་ཆེན་མི་དམངས་ཁྲིམས་ཁང་། ཞིང་ཆེན་མི་དམངས་ཞིབ་དཔྱོད་ཁང་བཅས་ཀྱི་འགོ་ཁྲིད་ཚན་ཁག་གིས་སློབ་སྦྱོང་སློབ་གསོ་ལས་འཚོལ་བཤེར་བྱས་པའི་གནད་དོན་ཐག་བཅད་པའི་གནས་ཚུལ་ལ་གྲོས་ཞིབ་བྱས།
གྲོས་ཚོགས་ད་རུང་དོན་དག་གཞན་དག་ལའང་ཞིབ་འཇུག་བྱས།
