ཞིང་ཆེན་ཡོངས་ཀྱི་སྤྱི་ཚོགས་ལས་དོན་པུའུ་ཀྲང་དང་ཡིག་སྐུར་ངོ་གཏུག་ཅུའུ་ཀྲང་གི་ཚོགས་འདུ་དང་གསར་དར་ཁྱབ་ཁོངས་ཀྱི་ཏང་འཛུགས་སྐྱོང་ལས་དོན་བཞུགས་མོལ་ཚོགས་འདུ་འཚོགས་པ།

མཚོ་སྔོན་གསར་འགྱུར་དྲ་བའི་འཕྲིན། ཟླ3པའི་ཚེས26ཉིན། ཞིང་ཆེན་ཡོངས་ཀྱི་སྤྱི་ཚོགས་ལས་དོན་པུའུ་ཀྲང་དང་ཡིག་སྐད་ཅུའུ་ཀྲང་གི་ཚོགས་འདུ་དང་གསར་དར་ཁྱབ་ཁོངས་ཀྱི་ཏང་འཛུགས་སྐྱོང་ལས་དོན་བཞུགས་མོལ་ཚོགས་འདུ་ཟི་ལིང་དུ་འཚོགས། ཚོགས་འདུའི་ཐོག་སྤྱི་ཚོགས་ལས་དོན་སྐོར་གྱི་　སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྒྱས་བཤད་གལ་ཆེན་དང་། མཛུབ་སྟོན་གལ་ཆེན། མཚོ་སྔོན་ལ་རྟོག་ཞིབ་བྱེད་པའི་གསུང་བཤད་གལ་ཆེན་གྱི་དགོངས་དོན་བཅས་སློབ་སྦྱོང་དང་ལག་བསྟར་གཏིང་ཟབ་བྱས་པ་དང་། ཀྲུང་དབྱང་གི་འབྲེལ་ཡོད་བཀོད་སྒྲིག་དང་ཞིང་ཆེན་ཨུ་ལྷན་གྱི་བྱ་བའི་བླང་བྱ་ལག་བསྟར་ནན་ཏན་བྱས་པ་དང་། 2024ལོའི་ལས་དོན་ཕྱོགས་བསྡོམས་བྱས་ནས2025ལོའི་ལས་འགན་ཞིབ་འཇུག་དང་བཀོད་སྒྲིག་བྱས། ཞིང་ཆེན་ཨུ་ལྷན་གྱི་ཧྲུའུ་ཅི་གཞོན་པ་ལིའུ་ཆི་ཧྥན་ཚོགས་འདུར་ཞུགས་ནས་གཏམ་བཤད།

ཚོགས་འདུའི་ཐོག་ཞིང་ཆེན་ཡོངས་ཀྱི་རིམ་པ་ཁག་གི་ཏང་ཨུའི་སྤྱི་ཚོགས་ལས་དོན་སྡེ་ཚན་བཙུགས་པ་ནས་བཟུང་སྟེ། ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་ཞིང་ཆེན་ཨུ་ལྷན་གྱི་བྱ་བའི་བླང་བྱ་ལག་བསྟར་ནན་ཏན་བྱས་ཏེ་དོན་ཆེན་དམ་འཛིན་དང་ཇུས་འགོད། གཅིག་གྱུར་འཆར་འགོད་དང་སྟོབས་ཤུགས་གཅིག་སྡུད་བྱེད་ཤུགས་ཆེ་རུ་བཏང་ནས། ཏང་འཛུགས་ཀྱིས་གཞི་རིམ་བཅོས་སྐྱོང་དང་གཞི་རིམ་སྲིད་དབང་འཛུགས་སྐྱོང་ལ་སྣེ་ཁྲིད་བྱས་ནས་འགག་སྒྲོལ་གསར་པ་ཡོང་བ་དང་། གསར་དར་ཁྱབ་ཁོངས་ཀྱི་ཏང་འཛུགས་སྐྱོང་ལས་དོན་ལ་གྲུབ་འབྲས་གསར་པ་ཐོབ་པ་དང་། མང་ཚོགས་ལ་ཞབས་འདེགས་ཞུ་བའི་ལས་དོན་གཅིག་སྡུད་བྱས་ནས་གྲུབ་འབྲས་གསར་པ་མངོན་པ་བཅས་བྱས་ཏེ་ཞིང་ཆེན་ཡོངས་ཀྱི་སྤྱི་ཚོགས་ལས་དོན་གྱི་འགོ་ཚུགས་ཡག་པོ་མངོན་འགྱུར་བྱུང་ཡོད།

ཚོགས་འདུའི་ཐོག་སྤྱི་ཚོགས་བཅོས་སྐྱོང་ལ་ཤུགས་སྣོན་ཤུགས་ཆེན་གཏོང་བ་དང་། ཏང་འཛུགས་སྐྱོང་གི་སྣེ་ཁྲིད་མཐའ་འཁྱོངས་བྱེད་པ། གཞི་རིམ་གྱི་རྨང་གཞི་སྲ་བརྟན་དུ་གཏོང་བ། བཅོས་སྐྱོང་ལམ་སྲོལ་གསར་གཏོད། བྱ་བའི་འགན་འཁྲི་དམ་ཟབ་བཅས་བྱེད་དགོས་ཞེས་ནན་བཤད། ཏང་འཛུགས་སྐྱོང་གིས་གཞི་རིམ་བཅོས་སྐྱོང་དང་གཞི་རིམ་སྲིད་དབང་འཛུགས་སྐྱོང་ལ་སྣེ་ཁྲིད་བྱེད་པར་སྐུལ་འདེད་ཤུགས་ཆེན་གཏོང་བ་དང་། གྲོང་ཚོའི(སྡེ་ཁུལ་)“ཨུ་ལྷན་གཉིས”ཚན་ཁག་སྐབས་བརྗེ་རེས་ཀྱི་སྔོན་གྱི་གྲ་སྒྲིག་ལས་དོན་ནན་ཏན་གྱིས་ལེགས་པར་བསྒྲུབ་པ། གྲོང་ཚོའི(སྡེ་ཁུལ་)བྱ་བའི་དོན་དག་ཆོག་འཐུས་དོན་འཁྱོལ་ནན་པོ་བྱས་ཏེ། སྡེ་ཁུལ་གྱི་ལས་དོན་པའི་དཔུང་ཁག་འཛུགས་སྐྱོང་ལ་ཤུགས་སྣོན་བརྒྱབ་སྟེ་གཞི་རིམ་གྱི་ཁུར་པོ་ཇེ་ཡང་དུ་བཏང་ནས་ནུས་པ་འདོན་སྤྲོད་ཏན་ཏིག་བྱ་དགོས། གསར་དར་ཁྱབ་ཁོངས་ཀྱི་ཏང་འཛུགས་སྐྱོང་ལས་དོན་གྱི་ཆུ་ཚད་ཇེ་མཐོར་གཏོང་རྒྱུར་ཤུགས་ཆེན་གཏོང་བ་དང་། ཏང་རྩ་འཛུགས་ཀྱི་ཁྱབ་རྒྱ་ཆེ་རུ་གཏོང་བ། ཏང་ཡོན་སློབ་གསོ་དོ་དམ་ཡག་པོ་བྱས་ཏེ་ཐོན་ཁུངས་གཅིག་སྡུད་བྱས་ནས་མཉམ་སྡེབ་བྱས་ཏེ་ལས་ཞུགས་གསར་པའི་ཚོགས་སྤྱིའི་ཛ་དྲག་དཀའ་ངལ་དང་སེམས་ཁྲལ་གྱི་གནད་དོན་ཐག་གཅོད་བྱེད་དགོས། མང་ཚོགས་ལ་གཅིག་སྡུད་ཞབས་འདེགས་ཞུ་བའི་ལས་དོན་ལ་སྐུལ་འདེད་ཤུགས་ཆེན་བཏང་སྟེ། ཡིག་སྐུར་ཞུ་གཏུག་དང་། མི་དམངས་ཀྱི་གྲོས་འགོ་བསྡུ་ལེན། དང་བླངས་ཞབས་ཞུ་སོགས་ཀྱི་ལས་དོན་ཏན་ཏིག་དང་ཞིབ་ཕྲ་བསྒྲུབ་པ་དང་། བློ་རྩེ་གཅིག་སྒྲིམ་གྱིས་ཞབས་ཞུ་ཡག་པོ་བྱས་ཏེ་མང་ཚོགས་ཀྱི་ཐོབ་པའི་ཚོར་བ་དང་། བདེ་སྐྱིད་ཀྱི་ཚོར་བ། བདེ་འཇགས་ཀྱི་ཚོར་བ་བཅས་རྒྱུན་ཆད་མེད་པར་ཆེ་རུ་གཏོང་དགོས། གཅིག་གྱུར་འཆར་འགོད་མཐུན་སྦྱོར་བྱེད་ཤུགས་ཆེ་རུ་གཏོང་བ་དང་། ལམ་ལུགས་དང་ལམ་སྲོལ་འཐུས་ཚང་དུ་གཏོང་བ། བརྟག་དཔྱད་ཞིབ་འཇུག་གཏིང་ཟབ་བྱས་ཏེ་སྔོན་ཐོན་དཔེ་མཚོན་གསོ་སྐྱོང་བྱས་ནས་སྤྱི་ཚོགས་ལས་དོན་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས།

ཚོགས་འདུའི་ཐོག་ཞིང་ཆེན་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་དང་། ཟི་ལིང་གྲོང་ཁྱེར་དང་ཁྲེང་ཏུང་ཁུལ་ཏ་ཙུན་ཁྲོམ་གཞུང་ཁྲོམ་ལམ། ཟི་ལིང་དམིགས་བསལ་ངར་ལྕགས་མ་རྐང་ཚད་ཡོད་ཀུང་སི། མཚོ་སྔོན་ཏི་ཨའེ་དྲ་ཐོག་རླངས་འཁོར་མངག་ཉོ་ཞབས་ཞུ་ཚད་ཡོད་ཀུང་སི། ཨ་རིའི་ཚོགས་པའི་མཚོ་སྔོན་ཞི་ཉིང་གཉེར་སྐྱོང་ལྟེ་གནས་བཅས་ཀྱིས་སྤེལ་རེས་གཏམ་བཤད་གནང་། ཞིང་ཆེན་ཨུ་ལྷན་གྱི་འབྲེལ་ཡོད་པུའུ་ཨུ་དང་། ཞིང་ཆེན་ཐད་གཏོགས་ཀྱི་འབྲེལ་ཡོད་ཚན་པ། འབྲེལ་ཡོད་མི་དམངས་ཚོགས་པ། མང་ཚོགས་ཚོགས་པ་བཅས་ཀྱི་འགན་འཁུར་བློ་མཐུན་དང་། གྲོང་ཁྱེར་དང་ཁུལ་ཁག་གི་ཏང་ཨུའི་སྤྱི་ཚོགས་བྱ་བའི་འགན་འཁུར་བློ་མཐུན་དང་། སྤྱི་ཚོགས་ལས་དོན་པུའུ་ཡི་པུའུ་ཀྲང་། ཡིག་སྐད་ཅུའུ་ཡི་ཅུའུ་ཀྲང་། ཞིང་ཆེན་ཨུ་ལྷན་གྱི་ལས་དོན་ཨུ་ལྷན་གསར་པ་གཉིས་ཀྱི་ཨུ་ཡོན་སྡེ་ཚན་དང་གཏན་འཇགས་ཟུར་ཞུགས་སྡེ་ཚན་གྱི་འགན་འཁུར་བློ་མཐུན་བཅས་ཚོགས་འདུའི་ནང་ཞུགས།