དཔྱིད་གསར་དུས་ཆེན་དང་ངལ་རྩོལ་དུས་ཆེན་གྱི་གུང་གསེང་ཉིན་གྲངས་སོ་སོར་ཉི་མ་གཅིག་རེར་ཇེ་མང་དུ་གཏང་རྒྱུ།

ཞིང་ཆེན་དང་།    རང་སྐྱོང་ལྗོངས།    ཐད་སྐྱོང་གྲོང་ཁྱེར་བཅས་ཁག་གི་མི་དམངས་སྲིད་གཞུང་དང་།    རྒྱལ་སྲིད་སྤྱི་ཁྱབ་ཁང་གི་པུའུ་ཨུ་ཁག ཐད་གཏོགས་ལས་ཁུངས་ཁག་བཅས་ལ།     

ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཆོག་མཆན་ཐོབ་པ་བརྒྱུད།    2024ལོའི་ཟླ11པར་བཟོ་བཅོས་བརྒྱབ་པའི《རྒྱལ་ཡོངས་ཀྱི་ལོ་རེའི་དུས་ཆེན་དང་དྲན་གསོའི་ཉིན་མོར་ངལ་གསོ་བྱེད་ཐབས》ལ་གཞིགས་ཏེ།   2025ལོའི་ཟླ1པའི་ཚེས1ཉིན་ནས་བཟུང་སྤྱི་དམངས་ཡོངས་ལ་ངལ་གསོ་དུས་ཡུན་ཉིན2ཇེ་མང་དུ་བཏང་ཡོད་ལ། དེའི་ནང་དཔྱིད་གསར་དུས་ཆེན་དང་ངལ་རྩོལ་དུས་ཆེན་གཉིས་ལ་སོ་སོར་ཉིན1རེ་ཡི་གུང་གསེང་ཉིན་མོ་ཁ་སྣོན་བརྒྱབ་ཡོད་པ་རེད།      དེར་བརྟེན་གུང་གསེང་རིང་གི་ངལ་གསོ་ལེགས་སྒྲིག་གི་རྩ་དོན་སྔར་བས་ཇེ་ལེགས་དང་འཐུས་ཚང་དུ་བཏང་སྟེ་གནས་ཚུལ་དམིགས་བསལ་ཅན་རེ་གཉིས་ལ་མ་གཏོགས།   དཔྱིད་གསར་དུས་ཆེན་ལ་ཉིན8སྟེ་གནམ་གང་ནས་བཟུང་གནང་བ་སྟེར་རྒྱུ་རེད། རྒྱལ་སྟོན་དུས་ཆེན་ལ་ཟླ10པའི་ཚེས1ཉིན་ནས་བཟུང་གནང་བ་ཉིན7སྟེར་རྒྱུ།    ངལ་རྩོལ་དུས་ཆེན་ལ་ངལ་གསོ་ཉིན5སྟེར་རྒྱུ་རེད།     སྤྱི་ལོའི་ལོ་གསར་དང་།     དྭངས་གསལ་དུས་ཆེན།    ལྔ་པའི་ཚེས་ལྔའི་དུས་ཆེན།    ཟླ་མཆོད་དུས་ཆེན་བཅས་སོ་སོར་ངལ་གསོའམ་ཡང་ན་གནང་བ་བསྟུད་མར་ཉིན3(གཟའ་ལྷག་པ་དང་འཕྲད་ན་ཉིན་གཅིག་ལ་ངལ་གསོ་རེད།)ལ་སྟེར་རྒྱུ། རྒྱལ་ སྟོན་དུས་ཆེན་ལ་གལ་ཏེ་ཟླ་མཆོད་དུས་ཆེན་དང་འཕྲད་ཚེ་ཉིན8ལ་གནང་བ་སྟེར་རྒྱུ་གཏན་ལ་ཕབ་ཡོད་པ་རེད།

གོང་གསལ་གྱི་རྩ་དོན་ལྟར་ན།    2025ལོའི་སྤྱི་ལོའི་ལོ་གསར་དང་།    ལུགས་རྙིང་ལོ་སར།    དྭངས་གསལ་དུས་ཆེན།    ངལ་རྩོལ་དུས་ཆེན།    ལྔ་པའི་ཚེས་ལྔའི་དུས་ཆེན།    ཟླ་མཆོད་དུས་ཆེན་དང་རྒྱལ་སྟོན་དུས་ཆེན་བཅས་ལ་གནང་བའམ་ངལ་གསོ་ལེགས་སྒྲིག་གི་དུས་ཚོད་བཀོད་སྒྲིག་བྱས་པའི་བརྡ་ཐོ་དངོས་གཤམ་གསལ།     

གཅིག  སྤྱི་ལོའི་ལོ་གསར་ལ།   ཟླ1ཚེས1ཉིན(གཟའ་ལྷག་པ)ལ་ཉིན1གི་གནང་བ་སྟེར་རྒྱུ་དང་ངལ་གསོ་ལེགས་སྒྲིག་མི་བྱེད། 

གཉིས།   དཔྱིད་གསར་དུས་ཆེན།   སྤྱི་ཟླ1པའི་ཚེས28ཉིན(གནམ་གང་དང་གཟའ་མིག་དམར་ཉིན)ནས་སྤྱི་ཟླ2པའི་ཚེས4ཉིན(ཟླ1པོའི་ཚེས7དང་གཟའ་མིག་དམར་ཉིན)བར་ལ་ངལ་གསོ་ལེགས་སྒྲིག་གི་གནང་བ་ཉིན8སྟེར་རྒྱུ་དང་།   དཔྱིད་གསར་གྱི་སྔ་གཞུག་སྟེ་སྤྱི་ཟླ1པོའི་ཚེས26ཉིན(གཟའ་ཉི་མ)དང་ཟླ2པའི་ཚེས8ཉིན(གཟའ་སྤེན་པ)ལ་ལས་ཚོགས་སུ་ཞུགས་དགོས།    

གསུམ།    དྭངས་གསལ་དུས་ཆེན།   ཟླ4པའི་ཚེས4ཉིན(གཟའ་པ་སངས)ནས་ཚེས6ཉིན(གཟའ་ཉི་མ)བར་ལ་གནང་བ་སྟེར་རྒྱུ་དང་།    བསྡོམས་པས་ཉིན3ཡོད།

བཞི།    ངལ་རྩོལ་དུས་ཆེན།  ཟླ5པའི་ཚེས1ཉིན(གཟའ་ཕུར་བུ)ནས་ཚེས5ཉིན(གཟའ་ཟླ་བ)ཡི་བར་དུ་ངལ་གསོ་ལེགས་སྒྲིག་གི་གནང་བ་སྟེར་རྒྱུ་དང་། བསྡོམས་པའི་ཉིན5ཡོད།  ཟླ4པའི་ཚེས27ཉིན(གཟའ་ཉི་མ)ལས་ཚོགས་སུ་ཞུགས་དགོས།     

ལྔ།    ལྔ་བའི་ཚེས་ལྔའི་དུས་ཆེན།    ཟླ5པའི་ཚེས31ཉིན(གཟའ་སྤེན་པ)ནས་ཟླ6པའི་ཚེས2ཉིན(གཟའ་ཟླ་བ)བར་ལ་གནང་བ་སྟེར་རྒྱུ་དང་། བསྡོམས་པའི་ཉིན3ཡོད།   

དྲུག རྒྱལ་སྟོན་དུས་ཆེན་དང་བརྒྱད་པའི་བཅོ་ལྔའི་དུས་ཆེན།  ཟླ10པའི་ཚེས1ཉིན(གཟའ་ལྷག་པར)ནས་ཚེས8ཉིན(གཟའ་ལྷག་པར)བར་ངལ་གསོ་ལེགས་སྒྲིག་གི་གནང་བ་ཉིན8སྟེར་རྒྱུ། ཟླ9ཚེས28ཉིན(གཟའ་ཉི་མ)དང་ཟླ10པའི་ཚེས11ཉིན(གཟའ་སྤེན་པ)ལས་ཚོགས་ཞུགས་དགོས།     

དུས་ཆེན་དང་གུང་གསེང་རིང་ས་ཁུལ་ཁག་དང་སྡེ་ཚན་ཁག་གིས་ལས་རེས་དང་། བདེ་འཇགས།    སྲུང་སྐྱོབ། རིམས་ནད་སྔོན་འགོག་ཚོད་འཛིན་སོགས་ཀྱི་ལས་དོན་བཀོད་སྒྲིག་ཡག་པོ་བྱས་ཏེ། ཐོལ་བྱུང་གི་དོན་རྐྱེན་ཚབས་ཆེན་འཕྲད་སྐབས་གཏན་འབེབས་གཞིར་བཟུང་། དུས་ཐོག་ཏུ་སྙན་སེང་ཞུ་བ་དང་སྦྲགས་ཐག་གཅོད་འོས་འཚམ་བྱས་ནས་མི་དམངས་མང་ཚོགས་འཆམ་མཐུན་དང་བདེ་འཇགས་ངང་དུས་ཆེན་དང་གུང་གསེང་རོལ་ཐུབ་པར་འགན་སྲུང་བྱེད་དགོས་པའི་བླང་བྱ་བཏོན།     

རྒྱལ་སྲིད་སྤྱི་ཁྱབ་ཁང་གཞུང་ལས་ཐིང་།     

2024ལོའི་ཟླ11པའི་ཚེས12ཉིན།