མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཞིང་ཆེན་དང་། རང་སྐྱོང་ལྗོངས། ཐད་གཏོགས་གྲོང་ཁྱེར་བཅས་ཁག་གི་མི་དམངས་སྲིད་གཞུང་དང་། རྒྱལ་སྲིད་སྤྱི་ཁྱབ་ཁང་གི་པུའུ་ཨུ་ཁག ཐད་གཏོགས་ལས་ཁུངས་ཁག་བཅས་ལ།
ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཆོག་མཆན་ཐོབ་པ་བརྒྱུད། 2024ལོའི་ཟླ11པར་བཟོ་བཅོས་བརྒྱབ་པའི《རྒྱལ་ཡོངས་ཀྱི་ལོ་རེའི་དུས་ཆེན་དང་དྲན་གསོའི་ཉིན་མོར་ངལ་གསོ་འཇོག་ཐབས》ལ་གཞིགས་ན། 2025ལོའི་ཟླ1པོའི་ཚེས1ཉིན་ནས་བཟུང་སྤྱི་དམངས་ཡོངས་ལ་ངལ་གསོ་འཇོག་ཡུན་ཉིན2ཇེ་མང་དུ་བཏང་བའི་ནང་། དཔྱིད་གསར་དུས་ཆེན་དང་ངལ་རྩོལ་དུས་ཆེན་ལ་སོ་སོར་ཉིན1རེ་ཇེ་མང་དུ་གཏོང་རྒྱུ་ཡིན་པ་རེད། དེར་བརྟེན་གུང་གསེང་རིང་གི་ངལ་གསོ་ལེགས་སྒྲིག་གི་རྩ་དོན་སྔར་བས་ཇེ་ལེགས་དང་འཐུས་ཚང་དུ་བཏང་སྟེ། དམིགས་བསལ་གནས་ཚུལ་རེ་ཟུང་ཕུད། ལུགས་རྙིང་ལོ་གསར་གྱི་གནམ་གང་ནས་བཟུང་ངལ་གསོ་ཉིན8འཇོག་རྒྱུ་དང་། རྒྱལ་སྟོན་དུས་ཆེན་ལ་ཟླ10པའི་ཚེས1ཉིན་ནས་བཟུང་ངལ་གསོ་ཉིན7འཇོག་རྒྱུ། ངལ་རྩོལ་དུས་ཆེན་ལ་ངལ་གསོ་ཉིན5འཇོག་རྒྱུ་བཅས་རེད། ལུགས་གསར་ལོ་གསར་དང་། དྭངས་གསལ་དུས་ཆེན། ལྔ་པའི་ཚེས་ལྔའི་དུས་ཆེན། ཟླ་མཆོད་དུས་ཆེན་བཅས་སོ་སོར་ངལ་གསོ་འཇོག་པའམ་ཡང་ན་བསྟུད་མར་ཉིན3འཇོག་རྒྱུ(གཟའ་ལྷག་པ་དང་འཕྲད་ཚེ་ཉིན་དེ་རང་ལ་ངལ་གསོ་འཇོག་རྒྱུ)དང་། རྒྱལ་སྟོན་དུས་ཆེན་གལ་ཏེ་ཟླ་མཆོད་དུས་ཆེན་དང་འཕྲད་ཚེ་ཉིན8ལ་ངལ་གསོ་འཇོག་རྒྱུ་ཡིན།
གོང་གསལ་གྱི་རྩ་དོན་ལྟར་ན། 2025ལོའི་ལུགས་གསར་ལོ་གསར་དང་། དཔྱིད་གསར་དུས་ཆེན། དྭངས་གསལ་དུས་ཆེན། ངལ་རྩོལ་དུས་ཆེན། ལྔ་པའི་ཚེས་ལྔའི་དུས་ཆེན། ཟླ་མཆོད་དུས་ཆེན་དང་རྒྱལ་སྟོན་དུས་ཆེན་བཅས་ལ་ངལ་གསོ་འཇོག་རྒྱུ་དང་། ངལ་གསོ་ལེགས་སྒྲིག་གི་དུས་ཚོད་བཀོད་སྒྲིག་ཞིབ་ཕྲ་བརྡ་སྦྱོར་བཏང་བ་གཤམ་གསལ།
གཅིག ལུགས་གསར་ལོ་གསར། ཟླ1པོའི་ཚེས1ཉིན(གཟའ་ལྷག་པའི་ཉིན)ལ་ཉིན་གཅིག་གི་གནང་བ་སྟེར་རྒྱུ་དང་། ངལ་གསོ་ལེགས་སྒྲིག་མི་བྱ།
གཉིས། དཔྱིད་གསར་དུས་ཆེན། ཟླ1པོའི་ཚེས28ཉིན(གནམ་གང་དང་གཟའ་མིག་དམར་ཉིན)ནས་ཟླ2པའི་ཚེས4ཉིན(ལུགས་རྙིང་གི་ཟླ་དང་པོའི་ཚེས་བདུན་དང་གཟའ་མིག་དམར་ཉིན)བར་ལ་ངལ་གསོ་ཉིན8འཇོག་རྒྱུ་དང་། ཟླ1པོའི་ཚེས26ཉིན(གཟའ་ཉི་མ)དང་ཟླ2པའི་ཚེས8ཉིན(གཟའ་སྤེན་པ)ལས་ཀ་བྱེད་རྒྱུ།
གསུམ། དྭངས་གསལ་དུས་ཆེན། སྤྱི་ཟླ4པའི་ཚེས4ཉིན(གཟའ་པ་སངས)ནས་ཚེས6ཉིན(གཟའ་ཉི་མ)བར་ལ་གནང་བ་སྟེར་རྒྱུ་དང་། བསྡོམས་པས་ཉིན3ཡོད།
བཞི། ངལ་རྩོལ་དུས་ཆེན། ཟླ5པའི་ཚེས1ཉིན(གཟའ་ཕུར་བུ)ནས་ཚེས5ཉིན(གཟའ་ཟླ་བའི་ཉིན)བར་དུ་ངལ་གསོ་ལེགས་སྒྲིག་གི་ཉིན5འཇོག་རྒྱུ། ཟླ4པའི་ཚེས27ཉིན(གཟའ་ཉི་མ)ལས་ཀ་བྱེད་རྒྱུ།
ལྔ། ལྔ་བའི་ཚེས་ལྔའི་དུས་ཆེན། སྤྱི་ཟླ5པའི་ཚེས31ཉིན(གཟའ་སྤེན་པ)ནས་སྤྱི་ཟླ6པའི་ཚེས2ཉིན(གཟའ་ཟླ་བར)བར་ལ་གནང་བ་ཉིན3ཡོད།
དྲུག རྒྱལ་སྟོན་དུས་ཆེན་དང་བརྒྱད་པའི་བཅོ་ལྔའི་དུས་ཆེན། སྤྱི་ཟླ10པའི་ཚེས1ཉིན(གཟའ་ལྷག་པ)ནས་ཚེས8ཉིན(གཟའ་ལྷག་པ)བར་ངལ་གསོ་ཉིན8འཇོག་རྒྱུ། ཟླ9པའི་ཚེས28ཉིན(གཟའ་ཉི་མ)དང་ཟླ10ཚེས11ཉིན(གཟའ་སྤེན་པ)ལས་ཀ་བྱེད་རྒྱུ།
དུས་ཆེན་དང་གུང་གསེང་རིང་། ས་ཁུལ་ཁག་དང་སྡེ་ཚན་ཁག་གིས་ལས་རེས་དང་། བདེ་འཇགས། སྲུང་སྐྱོབ། རིམས་ནད་སྔོན་འགོག་ཚོད་འཛིན་སོགས་ཀྱི་ལས་དོན་བཀོད་སྒྲིག་ཡག་པོ་བྱས་ཏེ། ཐོལ་བྱུང་གི་དོན་རྐྱེན་ཚབས་ཆེན་ལ་འཕྲད་སྐབས་གཏན་འབེབས་གཞིར་བཟུང་། དུས་ཐོག་ཏུ་སྙན་སེང་ཞུ་བ་དང་འབྲེལ་ཐག་གཅོད་འོས་འཚམ་བྱས་ནས། མི་དམངས་མང་ཚོགས་འཆམ་མཐུན་དང་བདེ་འཇགས་ངང་དུས་ཆེན་དང་གུང་གསེང་གཏོང་ཐུབ་པར་འགན་ལེན་བྱེད་དགོས། །
རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་།
2024ལོའི་ཟླ11པའི་ཚེས12ཉིན།
