ཞིང་ཆེན་སྲིད་གྲོས་ཀྱིས་གྲོས་གཞི་དང་གྲོས་གཞི་ཐག་གཅོད་པ་ཕན་ཚུན་གྲོས་བསྡུར་བྱེད་པའི་བཞུགས་མོལ་ཚོགས་འདུ་བསྡུས།

ཟླ10པའི་ཚེས25ཉིན། ཞིང་ཆེན་སྲིད་གྲོས་ཀྱིས་གྲོས་གཞི་དང་གྲོས་གཞི་ཐག་གཅོད་པ་ཕན་ཚུན་གྲོས་བསྡུར་བྱེད་པའི་བཞུགས་མོལ་ཚོགས་འདུ་བསྡུས་ཏེ། ཞིང་ཆེན་ནགས་རྩྭ་ཅུའུ་ཡིས་འགན་སྒྲུབ་བྱས་པའི་གྲོས་གཞི་བཞིའི་སྤུས་ཚད་དང་ཐག་གཅོད་སྤུས་ཚད་ལ་གཞིགས་ནས་བཞུགས་མོལ་བརྗེ་རེས་དང་ཕན་ཚུན་གྲོས་བསྡུར་བྱས། ཞིང་ཆེན་སྲིད་གྲོས་ཀྱི་ཏང་ཙུའུ་ཧྲུའུ་ཅི་གཞོན་པ། ཀྲུའུ་ཞི་གཞོན་པ་ཝང་ཀྲིན་ཁྲང་གྲོས་ཚོགས་ལ་ཞུགས་པར་མ་ཟད་གཏམ་བཤད།

གྲོས་ཚོགས་ནས་བསྟན་དོན། ཕན་ཚུན་གྲོས་བསྡུར་བྱེད་པ་ནི་གྲོས་མོལ་དམངས་གཙོའི་དགེ་མཚན་འདོན་སྤེལ་བྱེད་པ་དང་གྲོས་གཞི་བསྒྲུབ་པའི་སྤུས་ཚད་ལ་སྐུལ་འདེད་གཏོང་བའི་བྱེད་ཐབས་གལ་ཆེན་ཞིག་ཡིན་པས། སྲིད་གྲོས་ཨུ་ཡོན་དང་འགན་སྒྲུབ་ལས་ཁུངས་གཉིས་ལ་འབྲེལ་འདྲིས་དང་བརྗེ་རེས་ཟབ་མོ་བྱེད་པའི་སྟེགས་བུ་འདོན་སྤྲོད་བྱས་ཡོད་ཅིང་། དེ་ནི་སྲིད་གྲོས་ཀྱི་གྲོས་གཞིའི་སྤུས་ཚད་ཚད་ལེན་བྱས་པ་དང་། གྲོས་གཞི་བསྒྲུབ་པའི་བྱ་བ་ཟབ་སྤེལ་དང་རྒྱུན་བསྐྱངས་པ་ཞིག་ཀྱང་རེད། བྱ་འགུལ་དེར་ཞིང་ཆེན་སྲིད་གྲོས་ཀྱི་ཨུ་ཡོན་དང་། འགན་སྒྲུབ་ལས་ཁུངས། སྤྱི་ཚོགས་ལས་རིགས་སོ་སོ་བཅས་ཀྱི་དོ་སྣང་དང་གདེང་འཇོག་ལེགས་པོ་ཐོབ།

གྲོས་ཚོགས་ནས་ནན་གྱིས་བསྟན་དོན། གྲོས་གཞིའི་གྲངས་ཀ་མང་མི་དགོས་པར་སྤུས་ཀ་ལེགས་དགོས་པའི་འདུ་ཤེས་ཇེ་དྲག་ཏུ་གཏོང་བ་དང་། བརྟག་དཔྱད་ཞིབ་འཇུག་ཟབ་མོ་བྱེད་པ། གྲོས་གཞིའི་སྤུས་ཚད་མུ་མཐུད་དུ་མཐོར་འདེགས་བཏང་ནས། མི་དང་རང་བྱུང་ཁམས་འཆམ་མཐུན་མཉམ་གནས་ཀྱི་དེང་རབས་ཅན་འཛུགས་སྐྲུན་བྱེད་པར་མཚོ་སྔོན་གྱིས་བྱས་རྗེས་འཇོག་པར་དམིགས་ནས་བློ་འདོན་ཇུས་འབུལ་བྱེད་དགོས། སྲིད་གྲོས་ཀྱིས་སྟེགས་བུ་ལེགས་པོར་བསྐྲུན་ཞིང་། ཨུ་ཡོན་རྣམས་ལ་རོགས་བྱས་ནས་སྤུས་ཚད་མཐོ་བའི་གྲོས་གཞི་འདོན་པ་དང་། ཨུ་ཡོན་རྣམས་ཀྱིས་གྲོས་གཞི་འགན་སྒྲུབ་བྱས་པའི་ཐོབ་ཚོར་ཇེ་དྲག་ཏུ་གཏོང་དགོས། འགན་སྒྲུབ་ལས་ཁུངས་ཀྱིས་གྲོས་གཞི་ཐག་གཅོད་པའི་གོ་རིམ་དེ་བྱ་བའི་བསམ་ཕྱོགས་ཁ་གསལ་བཟོ་བ་དང་བྱ་བར་སྐུལ་འདེད་གཏོང་བའི་བརྒྱུད་རིམ་ལ་བརྩིས་ནས། ཡུན་རིང་ལ་བྱས་རྗེས་འཇོག་པ་དང་ཤུགས་ཆེན་པོ་བཏོན་ཏེ། རང་ཞིང་གི་སྐྱེ་ཁམས་དཔལ་ཡོན་འཛུགས་སྐྲུན་བྱེད་པར་རྒྱུན་མཐུད་སྒོས་སྐུལ་འདེད་གཏོང་དགོས།

གྲོས་བསྡུར་ལ་ཟབ་ཞུགས་བྱེད་མཁན་རྣམས་ཀྱིས་བལྟས་ན། གྲོས་གཞི་བཞི་དེ་ཞིང་ཆེན་ཡོངས་ཀྱི་ནགས་རྩྭའི་བྱ་བའི་ཁྲོད་ཀྱི་དཀའ་གནད་དང་གཙོ་གནད་ལ་དམིགས་ནས། གྲོས་གཞིའི་བརྗོད་དོན་གནད་ལ་འཁེལ་ཞིང་དབྱེ་ཞིབ་གསལ་བོ་བྱས་ཡོད་པ་དང་། བསམ་འཆར་དངོས་ཡོད་དང་བསྟུན་པ་ཞིག་རེད། ཞིང་ཆེན་ནགས་རྩྭ་ཅུའུ་ཡིས་སྲིད་གྲོས་ཀྱིས་གྲོས་གཞི་ཐག་གཅོད་པའི་བྱ་བར་མཐོང་ཆེན་ཚད་མེད་བྱས་ཤིང་། འགན་འཁྲི་དངོས་འབེབས་བྱས་པ་དང་། སྟོབས་ཤུགས་ཇེ་ཆེར་བཏང་ནས། དབྱེ་ཞིབ་ཞིབ་འཇུག་ནན་མོ་བྱས་པ་དང་། དོན་འཁྱོལ་ལ་སྐུལ་འདེད་གཏིང་ཟབ་བཏང་སྟེ། གྲོས་གཞི་རེ་རེ་དོན་ཐོག་ཏུ་འཁྱོལ་བ་དང་ཕན་འབྲས་ཐོན་ཐུབ་པར་ཁག་ཐེག་བྱས།