ལྷ་སར་འགྲོ་པའི་གནས་སྐབས་འགྲུལ་སྐྱེལ་མེ་འཁོར་ཁ་སྣོན་རྒྱག་པའི་སྤྱི་བསྒྲགས།

དབྱར་གནང་སྐབས་སུ་ལྷ་སའི་བར་གྱི་འགྲུལ་པའི་འགྲོ་འོང་གི་དགོས་མཁོ་བསྐང་ཆེད། མཚོ་བོད་སྡེ་ཤོག་ཀུང་སིས་དུས་ཐོག་ཏུ་གནས་སྐབས་འགྲུལ་སྐྱེལ་མེ་འཁོར་ཁ་སྣོན་རྒྱག་རྒྱུ་ཡིན། ནང་དོན་ཞིབ་ཕྲ་གཤམ་གསལ།

2024ལོའི་ཟླ7པའི་ཚེས10ཉིན་ནས་ཟླ8པའི་ཚེས10ཉིན་བར་ལྷ་ས་ནས་ན་གོར་མོའི་བར་དུ་གནས་སྐབས་འགྲུལ་སྐྱེལ་མེ་འཁོརZ9824ཁ་སྣོན་བྱ་རྒྱུ་རེད།

2024ལོའི་ཟླ7པའི་ཚེས11ཉིན་ནས་ཟླ8པའི་ཚེས11ཉིན་བར་ན་གོར་མོ་ནས་ལྷ་སའི་བར་དུ་གནས་སྐབས་འགྲུལ་སྐྱེལ་མེ་འཁོརZ9823ཁ་སྣོན་བྱ་རྒྱུ། 

འབྲེལ་ཡོད་མེ་འཁོར་གྱི་སྤ་སེ་ཉོ་འཚོང་དང་ལས་སྒོའི་བློ་འདྲི་སྐོར་ཀྲུང་གོ་ལྕགས་ལམ་གྱི་གཞུང་ཕྱོགས་དྲ་ཚིགས12306(ལག་ཁྱེར་ཁ་པར་སྟེང་གི12306APPཚུད་པ)དང་། མེ་འཁོར་ས་ཚུགས་ཀྱི་རང་འགུལ་སྤ་སེ་འཚོང་ས་ནས་རྩད་འདྲི་བྱ་ཆོག་པ་མ་ཟད། ཀྲུང་གོའི་ལྕགས་ལམ་གྱི་ཞབས་ཞུའི་ཁ་པར12306ལ་ཁ་པར་བརྒྱབ་ནས་གནས་ཚུལ་ཞིབ་ཕྲ་འདྲི་རྩད་བྱས་ཆོག 

རྩོམ་སྒྲིག་པ། ཨ་གཡང་སྐྱིད།