མཚོ་སྔོན་གསར་འགྱུར་དྲ་བའི་འཕྲིན། ཟླ7པའི་ཚེས27ཉིན། གུང་གཞོན་སྡེ་ཚོགས་མཚོ་སྔོན་ཞིང་ཆེན་ཏང་ཨུ་དང་། མཚོ་སྔོན་ཞིང་ཆེན་མེ་ཟོན་སྤྱི་ཁྱབ་རུ་ཁག མཚོ་སྔོན་ཞིང་ཆེན་ན་ཆུང་བྱིས་པའི་ལས་དོན་ཨུ་ལྷན་བཅས་ཀྱིས་མཉམ་དུ་ཞིང་ཆེན་རིམ་པའི་ན་ཆུང་གདོང་ལེན་རུ་ཁག་གི་སློབ་ཕྱིའི་ལག་ལེན་སློབ་གསོའི་རྟེན་གཞིར་སྒོ་བྱང་འགེལ་བའི་མཛད་སྒོ་དང་། ན་ཆུང་བྱིས་པའི་བདེ་འཇགས་རང་སྲུང་སློབ་གསོའི་བྱེད་སྒོ་སྤེལ་བ་རེད།

ཉིན་དེར། གུང་གཞོན་སྡེ་ཚོགས་མཚོ་སྔོན་ཞིང་ཆེན་ཏང་ཨུ་དང་ཞིང་ཆེན་གཞོན་ནུ་ལོ་ཆུང་ལས་དོན་ཨུ་ལྷན་གྱིས་སྐོར་ཁག་དང་པོའི་རྟེན་གཞི40ཡི་རྨང་གཞིའི་ཐོག སྐོར་ཁག་གཉིས་པའི་ཞིང་ཆེན་རིམ་པའི་ན་ཆུང་གདོང་ལེན་རུ་ཁག་གི་ལག་ལེན་སློབ་གསོའི་རྟེན་གཞི26ཡོངས་བསྒྲགས་བྱས་ཏེ།  ཞིང་ཆེན་རིམ་པའི་ན་ཆུང་གདོང་ལེན་རུ་ཁག་གི་སློབ་ཕྱིའི་ལག་ལེན་སློབ་གསོའི་རྟེན་གཞིའི་ས་ཁྲ་གསར་བརྗེ་དང་འབྲེལ། ཞིང་ཆེན་རིམ་པའི་རྟེན་གཞིའི་དབྱར་གནང་གི་བྱེད་སྒོ་བཀོད་སྒྲིག་བྱས་ནས་ཞིང་ཆེན་ཡོངས་ཀྱི་ན་ཆུང་གདོང་ལེན་རུ་ཁག་རྣམས་ཉེ་འགྲམ་དུ་ཡོད་པའི་སློབ་ཕྱིའི་ལག་ལེན་བྱེད་སྒོ་སྣ་ཚོགས་ལ་་ཞུགས་པར་དགའ་བསུ་ཞུས། ཀྲུང་གོ་ཚན་རིག་ཁང་ནུབ་བྱང་མཐོ་སྒང་སྐྱེ་དངོས་ཞིབ་འཇུག་སུའོ་མཚོ་བོད་མཐོ་སྒང་སྐྱེ་དངོས་དངོས་དཔེ་ཁང་དང་། ཞིང་ཆེན་མེ་ཟོན་རོགས་སྐྱོབ་སྤྱི་ཁྱབ་རུ་ཁག་ཀྲུང་གོ་བཟོ་ཞིང་དམར་དམག་ནུབ་ལམ་དམག་གི་དྲན་གསོ་ཁང་སོགས་སློབ་ཕྱིའི་ན་ཆུང་གདོང་ལེན་རུ་ཁག་གི་ལག་ལེན་སློབ་གསོའི་རྟེན་གཞིར་སྒོ་བྱང་སྤྲད་པ་དང་། ན་ཆུང་གདོང་ལེན་རུ་ཁག་གི་སློབ་ཕྱིའི་ཟུར་ཁྲིད་པ་ཁག་ཅིག་གཅིག་སྡུད་ཐོག་གདན་ཞུས་ལས་བསྐོ་བྱས་ནས་སྐེ་དར་དམར་པོ་ཅན་གྱི་འགྲེལ་བཤད་པའི་འཐུས་མི་རྣམས་ལ་འཛིན་ཡིག་སྤྲད་པ་རེད།

མིག་སྔར། ཞིང་ཆེན་ཡོངས་ཀྱི་སྤྱི་ཚོགས་ཀྱི་ཁྱབ་ཁོངས་མི་འདྲ་བ་དང་ལས་རིགས་མི་འདྲ་བ་ནས་ཡོང་བའི་ཕུལ་བྱུང་སློབ་ཕྱིའི་ཟུར་ཁྲིད་པ་སྟོང6ལྷག་གིས། རང་སོ་སོའི་ལེགས་ཆ་འདོན་སྤེལ་བྱས་ཏེ་ཞིང་ཆེན་ཡོངས་ཀྱི“སྐེ་དར་དམར་པོ་ཅན་གྱི་འགྲེལ་བཤད་པ”ཁྲི3ལྷག་གི་སྣེ་ཁྲིད་དེ། རིགས་སོ་སོའི་ལག་ལེན་ཉམས་ལེན་བྱེད་སྒོ་རྒྱ་ཁྱབ་ངང་སྤེལ་ཞིང་།  ཏང་གི་གཏམ་རྒྱུད་དང་ཕ་ཡུལ་གྱི་འགྱུར་ལྡོག་མང་པོར་བརྒྱུད་སྤྲོད་བྱས། གུང་གཞོན་སྡེ་ཚོགས་མཚོ་སྔོན་ཞིང་ཆེན་ཏང་ཨུས་སླད་ཕྱིན་ལག་ལེན་བྱེད་སྒོའི་རྣམ་གྲངས་དང་གཞི་རྟེན་རྒྱུན་ཆད་མེད་པར་ཕུན་སུམ་ཇེ་ཚོགས་དང་རྒྱ་ཆེ་རུ་སྐྱེད་དེ། ན་ཆུང་གདོང་ལེན་རུ་ཁག་རྩ་འཛུགས་ཀྱི་ལག་ལེན་ཁྲོད་ནས་མི་སྣ་གསོ་སྐྱོང་གི་ལེགས་ཆ་འདོན་སྤེལ་གང་ལེགས་དང་། དུས་རབས་གསར་པའི་ན་ཆུང་གདོང་ལེན་རུ་ཁག་གི་སྤྱི་ཚོགས་ཅན་གྱི་ལས་ཀའི་མ་ལག་འཛུགས་སྐྱོང་ལ་ཤུགས་སྣོན། རྒྱ་ཆེའི་ན་ཆུང་གདོང་ལེན་རུ་ཁག་གི་རུ་མིས་ཏང་གི་བཀའ་ལ་ཉན་པ་དང་ཏང་གི་རྗེས་སུ་འབྲང་བར་སློབ་གསོ་ཁྲིད་སྟོན་བཅས་བྱས་ནས། ན་ཆུང་བྱིས་པ་ཚོས་བརྗོད་དོན་གཙོ་བོའི་ལག་ལེན་དངོས་ཀྱི་ཉམས་ལེན་ཁྲོད་བག་ཆགས་ཡག་པོ་བཞག་ནས་འཇོན་ནུས་འཕེལ་དུ་བཅུག 

ལོ་ཙཱ་བ། ཡེ་ཤེས་སྒྲོལ་མ།