མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
རང་རེའི་དྲ་བའི་འཕྲིན། ཉེ་སྔོན། འཛམ་གླིང་གི་གཞི་ཁྱོན་ཆེ་ཤོས་ཀྱི“དྲུག་པའི་ཀླུ་རོལ”(རེབ་གོང་དྲུག་པའི་ཀླུ་རོལ)འཁྲབ་སྟོན་དང་འཛམ་གླིང་གི་གཞི་ཁྱོན་ཆེ་ཤོས་ཀྱི་ཐང་ཀའི་སྒྱུ་རྩལ་གྲོང་ཞེས་པའི་འཛམ་གླིང་ཟིན་ཐོ་ར་སྤྲོད་དཔང་ཡིག་གཉིས་ཐོབ་པའི་བྱེད་སྒོ་རྨ་ལྷོ་བོད་རིགས་རང་སྐྱོང་ཁུལ་ཐུན་རིན་གྲོང་ཁྱེར་དུ་སྤེལ། རེབ་གོང་དྲུག་པའི་ཀླུ་རོལ་ནི་རྒྱལ་ཁབ་རིམ་པའི་གཟུགས་འདས་རིག་གནས་ཤུལ་བཞག་ཡིན་པའི་ངོས་ནས་བོད་རིགས་དང་ཧོར་རིགས་སོགས་མི་རིགས་མང་པོའི་ཐུན་མོང་གི་མཆོག་ནོར་ལྟ་བུ་དང་། མི་རིགས་ཁག་གི་འགྲོ་འོང་སྤེལ་རེས་དང་མཉམ་འདྲེས་ཀྱི་ལོ་རྒྱུས་དྲན་ཤེས་ཐེག་ཡོད་པ་དང་། མཐོ་སྒང་གི་བུ་ཕྲུག་ཚོས་རང་བྱུང་ལ་གོང་བཀུར་དང་འཚོ་བར་དགའ་ཞེན་ཆེ་བའི་རྣམ་པ་ཡང་མཚོན་ཡོད།
རེབ་གོང་ཐང་ཁ་ནི་མཆོག་ཏུ་གྱུར་བའི་ཐང་གའི་བཞེངས་རྩལ་ལ་བརྟེན་ནས་འཛམ་གླིང་དུ་སྐད་གྲགས་ཆོད་ཅིང་། ཀྲུང་ཧྭ་རིག་གནས་འཛམ་གླིང་དུ་བསྐྱོད་པའི་གཟི་བརྗིད་ལྡན་པའི་མིང་བྱང་དུ་གྱུར་ཡོད། ལྷག་པར་ཐུན་རིན་གྲོང་ཁྱེར་དེ་རེབ་གོང་སྒྱུ་རྩལ་གྱི་འབྱུང་གནས་དང་རྒྱལ་ཁབ་རིམ་པའི་རེབ་གོང་རིག་གནས་སྐྱེ་ཁམས་སྲུང་སྐྱོབ་ཁུལ་གྱི་ལྟེ་བ་ཡིན་པའི་ཆ་ནས་ཡུལ་དེར་རེབ་གོང་སྒྱུ་རྩལ་དང་རེབ་གོང་བོད་ཀྱི་ཟློས་གར་ཏེ་འཛམ་གླིང་གི་གཟུགས་འདས་རིག་གནས་ཤུལ་བཞག་གཉིས་དང་། དེ་བཞིན་རེབ་གོང་ཟླ་དྲུག་པའི་ཀླུ་རོལ་སོགས་རྒྱལ་ཁབ་རིམ་པའི་གཟུགས་འདས་རིག་གནས་ཤུལ་བཞག་ལྔ་སོགས་ཡོད།
ཉིན་དེའི་དུས་ཚོད12ཙམ་དུ་འཛམ་གླིང་ཟིན་ཐོ་ར་སྤྲོད་དཔོན་ཨན་ཏི(安迪)དང་ཀྲུང་གོ་ཕྱོགས་ཀྱི་འཐུས་མི་ལིན་མེ་ཡན(林美燕)གཉིས་ཀྱིས་བདེན་དཔང་གོ་རིམ་དང་ཡུལ་དངོས་སུ་ཞིབ་བཤེར་གཟབ་ཅིང་ནན་ལ། ཚན་རིག་དང་མཐུན་པ། ཚད་ལྡན་བཅས་བྱས་པ་བརྒྱུད་ཐུན་རིན་གྲོང་ཁྱེར་གྱིས་སྙན་ཞུ་ཕུལ་པའི་འཛམ་གླིང་གི་གཞི་ཁྱོན་ཆེ་ཤོས་ཀྱི“དྲུག་པའི་ཀླུ་རོལ”(རེབ་གོང་དྲུག་པའི་ཀླུ་རོལ)འཁྲབ་སྟོན་དང་འཛམ་གླིང་གི་གཞི་ཁྱོན་ཆེ་ཤོས་ཀྱི་ཐང་ཁ་སྒྱུ་རྩལ་གྲོང་ཞེས་པ་གཉིས་ཞིབ་བཤེར་བརྒྱུད་ར་སྤྲོད་ཐོབ་པ་ཁྱབ་བསྒྲགས་བྱས།
ལིན་མེ་ཡན་གྱིས“འཛམ་གླིང་གི་གཞི་ཁྱོན་ཆེ་ཤོས་ཀྱི‘དྲུག་པའི་ཀླུ་རོལ”(རེབ་གོང་དྲུག་པའི་ཀླུ་རོལ)འཁྲབ་སྟོན་བྱེད་སྒོ”ཞེས་པའི་ཟིན་ཐོ་ར་སྤྲོད་དཔང་རྟགས་སྤྲད། རྨ་ལྷོ་ཁུལ་རེབ་གོང་རིག་གནས་སྐྱེ་ཁམས་སྲུང་སྐྱོང་ཁུལ་དོ་དམ་ཨུ་ཡོན་ལྷན་ཁང་གི་ཀྲུའུ་རེན་པད་མ་རྒྱ་མཚོ། ཐུན་རིན་གྲོང་ཁྱེར་ཨུ་ལྷན་གྱི་ཧྲུའུ་ཅི་གཞོན་པ་ཧྲི་ཀྲང་ཀྲའོ་ཅིན་ཀོ་བཅས་གར་སྟེགས་སུ་སྐྱོད་དེ་དཔང་རྟགས་བླངས། ཀྲུང་གོར་བཅའ་སྡོད་བྱས་པའི་འཛམ་གླིང་ཟིན་ཐོ་ར་སྤྲོད་ལྟེ་གནས་ཀྱི་ཀྲུའུ་རེན་ཀྲའོ་ཆིང་ཐའེ་ཡིས“འཛམ་གླིང་གི་གཞི་ཁྱོན་ཆེ་ཤོས་ཀྱི་ཐང་ཀའི་སྒྱུ་རྩལ་གྲོང”ཞེས་པའི་ཟིན་ཐོ་དཔང་ཡིག་སྤྲད་པ་དང་། རྨ་ལྷོ་ཁུལ་ཨུའི་ཧྲུའུ་ཅི་གཞོན་པ་ཁུལ་དཔོན་བཀྲ་ཤིས་ཚེ་རིང་དང་རྨ་ལྷོ་ཁུལ་ཨུའི་རྒྱུན་ལས་ཨུ་ཡོན་དང་ཐུན་རིན་གྲོང་ཁྱེར་ཨུ་ལྷན་གྱི་ཧྲུའུ་ཅི་ཧོ་ཅེ་བཅས་གར་སྟེགས་སུ་སྐྱོད་དེ་དཔང་རྟགས་བླངས།
དེ་དང་ཆབས་ཅིག་ཐུན་རེན་གྲོང་ཁྱེར་གྱིས་རྒྱལ་ཁབ་རིམ་པའི་གཟུགས་འདས་རིག་གནས་ཤུལ་བཞག་སྟེ་རེབ་གུང་དྲུག་པའི་ཀླུ་རོལ་གྱི་རྒྱུན་འཛིན་སྲུང་སྐྱོང་དཔེ་སྟོན་རྟེན་གཞི་ཆེད་དུ་བཙུགས་པ་དང་། ཉིན་དེར་ཕུལ་བྱུང་རྒྱུན་འཛིན་དཔུང་ཁག22ལ“རྒྱུན་འཛིན་སྲུང་སྐྱོང་དཔེ་སྟོན་རྟེན་གཞིའི”མཚན་སྙན་སྤྲད།
རེབ་གོང་དྲུག་པའི་ཀླུ་རོལ་གྱི་འཁྲབ་སྟོན་ཡུལ་དངོས།
རེབ་གོང་དྲུག་པའི་ཀླུ་རོལ་གྱི་འཁྲབ་སྟོན་ལས་ལོ་ལེགས་ཀྱི་བརྗོད་དོན་འགྲེམ་སྟོན།
རེབ་གོང་དྲུག་པའི་ཀླུ་རོལ་གྱི་འཁྲབ་སྟོན་ཡུལ་དངོས།
རེབ་གོང་དྲུག་པའི་ཀླུ་རོལ་གྱི་འཁྲབ་སྟོན་ཡུལ་དངོས།
ས་གནས་ཀྱི་ན་ཆུང་གཞོན་ནུ་དག་རེབ་གོང་དྲུག་པའི་ཀླུ་རོལ་གྱི་འཁྲབ་སྟོན་ཁྲོད་ཞུགས་པ།
ས་གནས་ཀྱི་མང་ཚོགས་དང་ཕྱི་ཡོང་ཡུལ་སྐོར་པས་མཉམ་དུ་རེབ་གོང་དྲུག་པའི་ཀླུ་རོལ་གྱི་འཁྲབ་སྟོན་ལ་གཟིགས་བཞིན་པ།
རེབ་གོང་དྲུག་པའི་ཀླུ་རོལ་གྱི་འཁྲབ་སྟོན་ཡུལ་དངོས།
རེབ་གོང་ས་ཁུལ་གྱི་གླུད་རྫོང་ཆོ་ག
