མཚོ་སྔོན་ཞིང་ཆེན་གྱི་གྲངས་ཉུང་མི་རིགས་སྲོལ་རྒྱུན་ལུས་རྩལ་འགྲན་ཚོགས་སྐབས་བརྒྱད་པའི་མི་རིགས་མདའ་འཕེན་འགྲན་སྡུར་གཅན་ཚ་རུ་སྤེལ་བ།

རང་རེའི་དྲ་བའི་འཕྲིན། ཉེ་སྔོན། མཚོ་སྔོན་ཞིང་ཆེན་གྱི་གྲངས་ཉུང་མི་རིགས་སྲོལ་རྒྱུན་ལུས་རྩལ་འགྲན་ཚོགས་སྐབས་བརྒྱད་པའི་མི་རིགས་མདའ་འཕེན་འགྲན་སྡུར་གཅན་ཚ་རུ་སྤེལ། རུ་ཁག27གྱིས་ལྕགས་གཞུ་དང་གཞུ་འཁོར་ལོ་མ། རྭ་གཞུ། བུད་མེད་ཚན་ཆུང་གི་གཞུ་ལེབ་བཅས་ཚན་ཆུང་བཞིའི་འགྲན་བསྡུར་སྤེལ། འགྲན་སྡུར་གྱིས་སྲོལ་རྒྱུན་དང་དེང་རབས་ཟུང་འབྲེལ་གྱིས་གཞུ་འཁོར་ལོ་མ་དང་རྭ་གཞུའི་འགྲན་སྡུར་སྤེལ་བ་དང་། ལྕགས་གཞུ་དང་བུད་མེད་ཚན་ཆུང་གི་གཞུ་ལེབ་ཀྱི་མདའ་འཕེན་འགྲན་སྡུར་སྤེལ།

ལྕགས་གཞུ་དང་བུད་མེད་ཚན་ཆུང་གི་གཞུ་ལེབ་འགྲན་ར་རུ་མདའ་པ་དག་གི་ཉམས་འགྱུར་གློག་བཞིན་འཁྱུག རྨ་ལྷོ་ཁུལ་གྱི་གཞུ་འཁོར་ལོ་མའི་མདའ་དཔོན་དཀོན་མཆོག་གིས་བཤད་རྒྱུར། ཉིན་འདི་གར་མདའ་མོ་གཡང་མོ་རྫོང་གི་ཕྱི་ནང་མ་ལུས་མདའ་ཡིས་ཆོད་ཡོད་པས་མིང་དོན་མཚུངས་ཤིང་། ངེད་རྨ་ལྷོའི་རུ་ཁག་དག་གིས་གཡུར་ཟའི་གྲུབ་འབྲས་ཤིག་ལོན་པར་ཡིད་ཆེས་བརྟན་པོ་ཡོད་ཟེར།

 གཅན་ཚ་རྫོང་གིས“གཡང་མདའ་རྟགས་མའི”འགྲན་སྡུར་བདེ་བླག་ངང་སྐབས་བདུན་ལ་སྤེལ་བ་དང་།  རྒྱལ་ཡོངས་ཀྱི“ཀྲུང་གོའི་མི་རིགས་མདའ་འཕེན་ལུས་རྩལ་གྱི་ཕ་ས”གཅིག་པུ་ཡིན་པའི་ཆ་ནས་གཅན་ཚའི་མདའ་རྩེད་མི་རིགས་ཀྱི་སྲོལ་རྒྱུན་ལུས་རྩལ་འགྲན་སྡུར་གྱི་འཛམ་གླིང་གི་ཟོང་རྟགས་ཤིག་ཏུ་གྱུར་དང་འགྱུར་བཞིན་ཡོད། 

རེབ་འདིའི་མཚོ་སྔོན་ཞིང་ཆེན་གྱི་གྲངས་ཉུང་མི་རིགས་སྲོལ་རྒྱུན་ལུས་རྩལ་འགྲན་ཚོགས་སྐབས་བརྒྱད་པའི་མི་རིགས་མདའ་འཕེན་འགྲན་སྡུར་ལ་ལུས་རྩལ་པ་དང་ལྟད་མོ་བ་ཀུན་གྱིས་གདེང་འཇོག་ཐོབ་ཡོད་པ་དང་། འགྲན་ཚོགས་འདི་ལས་གཅན་ཚའི་གྲུབ་འབྲས་འགྲེམ་སྟོན་དང་། ཕྱི་ཕྱོགས་སུ་སྣང་བརྙན་ཇེ་ལེགས་སུ་གཏོང་བ། རིག་གནས་ཡུལ་སྐོར་འཕེལ་རྒྱས་ལ་སྐུལ་ཁྲིད་བྱེད་པ། མི་རིགས་མཐུན་སྒྲིལ་ཡར་སྐུལ་བཅས་ལ་སྐུལ་འདེད་ཀྱི་ནུས་པ་ཐོན་ཡོད་པ་མ་ཟད། གཅན་ཚའི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་དང་མཚན་སྙན་གྲགས་ཇེ་ཆེར་བཏང་སྟེ། མདའ་མོ་གཡང་རྫོང་གི་མིང་གྲགས་ཕྱོགས་ཀུན་ལ་ཁྱབ་ཏུ་བཅུག་ཡོད་པ་རེད།