གངས་རིན་པོ་ཆེའི་མཛེས་ལྗོངས་ཁུལ་དུ་བསྐྱོད་མི་ཆོག་པའི་ཐད་ཀྱི་སྤྱི་བསྒྲགས།

རྒྱ་ཆེའི་ཡུལ་སྐོར་བ་དང་འབྲེལ་ཡོད་མི་སྣ་རྣམས་ལ།

    གངས་རིན་པོ་ཆེའི་མཛེས་ལྗོངས་ཁུལ་གྱི་སྐྱེ་ཁམས་ཁོར་ཡུག་ལ་སྲུང་སྐྱོང་དང་། འགྲིམ་འགྲུལ་སྒྲིག་ལམ་ལ་བརྩི་སྲུང་། ཡུལ་སྐོར་བ་དང་ས་གནས་དེ་གའི་གྲོང་མིའི་ཚེ་སྲོག་དང་རྒྱུ་ནོར་བདེ་འཇགས་ལ་འགན་ལེན་བཅས་བྱ་ཆེད། མཛེས་ལྗོངས་ཁུལ་གྱི་དོ་དམ་བྱ་ཐབས་གཞིར་བཟུང་། སྤུ་ཧྲེང་རྫོང་སྲིད་གཞུང་གིས་མོས་མཐུན་བྱས་པ་བརྒྱུད། ད་ལྟ་སྤྱི་ཚོགས་འཁོར་རིགས་གངས་རིན་པོ་ཆེའི་མཛེས་ལྗོངས་ཁུལ་དུ་གཏོང་མི་ཆོག་པའི་འབྲེལ་ཡོད་དོན་ཚན་སྤྱི་བསྒྲགས་སྤེལ་རྒྱུ་གཤམ་གསལ།

1.ལག་བསྟར་གྱི་དུས་ཚོད། 2025ལོའི་ཟླ་8ཚེས་11ཉིན་ནས་བཟུང་།

2. བཀག་སྡོམ་གྱི་ཁྱབ་ཁོངས། གངས་རིན་པོ་ཆེའི་མཛེས་ལྗོངས་ཁུལ་གྱི་ས་ཁོངས་ཡོངས་སུ་སྤྱི་ཚོགས་འཁོར་རིགས་གཏོང་མི་ཆོག

3. བཀག་སྡོམ་གྱི་འཁོར་རིགས། ལས་དོན་རླངས་འཁོར་དང་། འཕྲལ་སྡོམ་རོགས་སྐྱོབ་རླངས་འཁོར། མཛེས་ལྗོངས་ཁུལ་གྱི་འགྲུལ་སྐྱེལ་རླངས་འཁོར། དངོས་ཟོག་སྐྱེལ་འདྲེན་རླངས་འཁོར་བཅས་ཕུད་པའི་དེ་མིན་གྱི་འཁོར་རིགས་མཛེས་ལྗོངས་ཁུལ་དུ་གཏོང་མི་ཆོག

4. འགག་སྒོ་འཛུགས་ཡུལ། མཛེས་ལྗོངས་ཁུལ་A(མཐའ་མཚམས་ཞིབ་བཤེར་ས་ཚིགས) དང་། མཛེས་ལྗོངས་ཁུལ་B(མཛེས་ལྗོངས་ཁུལ་གྱི་འཛུལ་སྒོའི་སྤ་སེ་འཚོང་ས) ཆོས་སྐུ་དགོན་པའི་འདབས་ཀྱི་ཟམ་པ། རྫོང་སྟོད་དང་གསེར་ལུང་དགོན་བཅས་སུ་འགག་སྒོ་བཟོས་ཏེ། ལས་དོན་མི་སྣ་བཀོད་སྒྲིག་བྱས་ནས་འཁོར་རིགས་ལ་དོ་དམ་ནན་པོ་བྱ་རྒྱུ་ཡིན།

5. རླངས་འཁོར་བརྗེ་ས། ཡུལ་སྐོར་བ་ཚོས་མཛེས་ལྗོངས་ཁུལ་གྱི་འཛུལ་སྒོ་ནས་མཛེས་ལྗོངས་ཁུལ་གྱི་རླངས་འཁོར་གཅིག་གྱུར་བསྡད་དེ་གསེར་གཞོང་ཐང་ཆེན་དུ་འགྲོ་དགོས་པ་དང་། མཛེས་ལྗོངས་ཁུལ་གྱི་རླངས་འཁོར་གྱིས་གཏན་འཁེལ་བྱས་པའི་ལམ་ཐིག་དང་འབབ་ཚུགས་གཞིར་བཟུང་བསྐྱོད་རྒྱུ་མ་ཟད། ཞབས་ཞུའི་སྤུས་ཚད་འགན་ལེན་ཡང་བྱེད་རྒྱུ་ཡིན།

    ཡུལ་སྐོར་བ་རྣམས་ཀྱིས་འཁོར་རིགས་བཀག་སྡོམ་བྱེད་ཐབས་ལ་བསམ་ཤེས་དང་གཞོགས་འདེགས་བྱས་ནས། ཐུན་མོང་ཐོག་གངས་རིན་པོ་ཆེའི་མཛེས་ལྗོངས་ཁུལ་གྱི་སྐྱེ་ཁམས་ཁོར་ཡུག་ལ་སྲུང་སྐྱོང་དང་ཡུལ་སྐོར་གྱི་སྒྲིག་ལམ་ལ་བརྩི་སྲུང་ཞུ་རོགས།

    ཆེད་དུ་སྤྱི་བསྒྲགས་འདི་སྤེལ།

སྤུ་ཧྲེང་རྫོང་རིག་གནས་དང་ཡུལ་སྐོར་ཅུས་ཀྱིས།

2025ལོའི་ཟླ་8ཚེས11ཉིན།