རྒྱལ་ཁབ་རིམ་པའི་བོད་ཀྱི་རིག་གནས(ཡུས་ཧྲུའུ)འབྱུང་ཁམས་སྲུང་སྐྱོང་ཁུལ་གྱི་ཁམས་སྟོད་མི་ཡི་གཟི་ཉམས་ཞེས་པའི་སྐོར་སྐྱོད་འཁྲབ་སྟོན་འཚོགས་པ།

     རང་རེའི་དྲ་བའི་འཕྲིན། ཉེ་སྔོན། རྒྱལ་ཁབ་རིམ་པའི་བོད་ཀྱི་རིག་གནས་(ཡུས་ཧྲུའུ་)འབྱུང་ཁམས་སྲུང་སྐྱོང་ཁུལ་གྱི་ཁམས་སྟོད་མི་ཡི་གཟི་ཉམས་ཞེས་པའི་སྐོར་སྐྱོད་འཁྲབ་སྟོན་ཞིག་ཡུས་ཧྲུའུ་གྲོང་ཁྱེར་སྐྱེ་རྒུ་ལམ་ཆེན་དུ་དུས་ལྟར་འཚོགས་པ་རེད། མི་2487ལས་གྲུབ་པའི་ཁྱད་ལྡན་རུ་བསྟར་བརྒྱད་ཀྱིས་བརྗིད་ཉམས་ལྡན་པའི་སྒོ་ནས་ཡུས་ཧྲུའུ་ཡི་སྐབས་43པའི་རྟ་རྒྱུག་དུས་ཆེན་དང་2025ལོའི་གཙང་གསུམ་ཆུ་འགོའི་འབྱུང་ཁམས་རིག་གནས་ཡུལ་སྐོར་དུས་ཆེན་གྱི་མུ་འབྲེལ་བྱེད་སྒོ་གཉེར་འགོ་ཚུགས་ཡོད།

     ཁམས་སྟོད་མི་ཡི་གཟི་ཉམས་ཞེས་པའི་སྐོར་སྐྱོད་འཁྲབ་སྟོན་གྱིས་ཡུས་ཧྲུའུ་ཡི་གཙང་གསུམ་འགོ་ཁུངས་དང་། རི་བརྒྱའི་ཕ་ས། འབྲོང་གཡག་གི་གཞིས་ཁྱིམ། གླུ་གར་གྱི་ཕ་ས་བཅས་ཀྱི་མཚན་སྙན་དང་མཛེས་སྡུག་མངོན་པར་བྱས་ཡོད་ལ། འདི་ཡང་མཛེས་པའི་མཚོ་སྔོན། གཙང་གསུམ་འགོ་ཁུངས་ཡུས་ཧྲུའུ་ཡིས་རླབས་ཆེན་གྱི་དུས་རབས་དང་རླབས་ཆེན་གྱི་མེས་རྒྱལ་ལ་ཕུལ་བའི་བསྟོད་གླུ་ཡིན།