2025ལོའི་ཀྲུང་གོ་གཅན་ཚའི་རྨ་ཆུ་གྱད་མིའི་རྩལ་གསུམ་གྱི་ཡོངས་བསྒྲགས་འགྲན་སྡུར་སྤེལ་བ།

ཡོང་ཁུངས། མཚོ་སྔོན་བོད་ཡིག་གསར་འགྱུར།

རང་རེའི་དྲ་བའི་འཕྲིན། ཟླ7པའི་ཚེས27ཉིན། 2025ལོའི་ཀྲུང་གོ་གཅན་ཚའི་རྨ་ཆུ་གྱད་མིའི་རྩལ་གསུམ་གྱི་ཡོངས་བསྒྲགས་འགྲན་སྡུར་དེ་རྨ་ལྷོ་བོད་རིགས་རང་སྐྱོང་ཁུལ་གཅན་ཚ་རྫོང་བདེ་སྐྱིད་སྡེ་བ་ནས་སྤེལ་ཞིང་། པེ་ཅིང་དང་ཧྲང་ཧའེ། ཧྲན་ཞི། ཧྲའན་ཞི། སི་ཁྲོན། ཞིན་ཅང་། ཀན་སུའུ། མཚོ་སྔོན་བཅས་གྲོང་ཁྱེར་མང་པོ་ནས་ཡོང་བའི་གྱད་མི་རྩལ་གསུམ་ལ་དགའ་མཁན100ལྷག་ཙམ་འགྲན་སྡུར་ནང་ཞུགས།

འགྲན་སྡུར་ནང་རྩལ་གྱིས་ཆོད་པའི་ཚན་ཆུང་དང་། ལམ་ཐག་ཧྲིལ་བོར་ལོ་ཡི་ཆེ་ཆུང་ཚོགས་པའི་འགྲན་སྡུར་གྱི་རིང་ཚད་ལ་སྤྱི་ལེ45.3དང་། དེའི་ནང་ཆུ་རྐྱལ་སྤྱི་ལེ0.3དང་། ལྕགས་རྟ་སྤྱི་ལེ40། རྐང་རྒྱུག་སྤྱི་ལེ5། ལམ་ཐག་ཕྱེད་མའི་ལོ་ཡི་ཆེ་ཆུང་ཚོགས་པའི་འགྲན་སྡུར་གྱི་རིང་ཚད་ལ་སྤྱི་ལེ22.65ཡོད་པའི་ནང་། ཆུ་རྐྱལ་སྤྱི་ལེ0.15དང་། ལྕགས་རྟ་སྤྱི་ལེ20། རྐང་རྒྱུག་སྤྱི་ལེ2.5འདུས་ཡོད།

ཁྲེང་ཏུའུ་ནས་ཡོང་བའི་ཏེང་ཞིན་ཁྲེན་གྱིས་བཤད་རྒྱུར། མི་ཚེ་འདིརགྱད་མིཞེས་པའི་མཚན་སྙནམ་ཡུམ་ཆུ་བོའིའགྲམ་ནས་ཐོབ་པ་ཡིན། “རྨ་ཆུའི་སྟོད་རྒྱུད་ཀྱི་ཡུལ་ལྗོངས་མཛེས་སྡུག་ལྡན་ཞིང་གཅན་ཚའི་དྲོད་གྲང་རན་པོར་ཆགས་པས་ང་ཚོ་གནས་འདིར་སེམས་ཁམས་ཧ་ཅང་སྐྱིད། ཐེངས་འདིར་མཐོ་སྒང་གི་འགྲན་སྡུར་དཀའ་ཚེགས་ཆེ་བ་དང་། དེའི་ཁར་ཐེངས་དང་པོར་གྱད་མི་རྩལ་གསུམ་གྱི་འགྲན་སྡུར་ནང་ཞུགས་པས་འགྲན་སྡུར་གྱི་གྲུབ་འབྲས་དེར་ཡིད་ཚིམས་ཡོདཟེར།

གཅན་ཚ་རྫོང་ཨུའི་ཧྲུའུ་ཅི་ཀྲང་ཧྲི་དབྱིན་གྱིས་ཤིས་ཚིག་ནང་བཤད་རྒྱུར། གཅན་ཚའི་རྨ་ཆུ་གྱད་མིའི་རྩལ་གསུམ་གྱི་ཡོངས་བསྒྲགས་འགྲན་སྡུར་འདི་གཅན་ཚའི་དམངས་ཡོངས་ལུས་སྦྱོང་འགུལ་སྐྱོད་ཀྱི་མཛེས་སྡུག་ལྡན་པའི་མིང་བྱང་ཞིག་བཏོད་ནས། གཅན་ཚའི་སྣང་བརྙན་གྱི་སྒེའུ་ཁུང་གལ་ཆེན་ཞིག་ཏུ་བསྐྲུན་རྒྱུ་ཡིན་ལ། “དེ་དང་ཆབས་ཅིག་ལས་རིགས་སོ་སོའི་གྲོགས་པོ་ཚོས་ཐེངས་འདིའི་འགྲན་སྡུར་བརྒྱུད་ནས་གཅན་ཚར་རྒྱུས་ལོན་དང་། གཅན་ཚའི་ནང་ཞུགས་པ། གཙན་ཚའི་ནང་མཉམ་འདྲེས་བཅས་བྱེད་པར་དགའ་བསུ་ཞུ་རྒྱུ་ཡིནཟེར།

ཉེ་བའི་ལོ་འགའི་སྔོན་ལ། གཅན་ཚ་རྫོང་ལམཐོ་སྒང་གི་གྱད་མི་རྩལ་གསུམ་གྱི་གྲོང་ཁྱེརཞེས་པའི་གཟི་བརྗིད་མཚན་སྙན་ཐོབ་པ་རེད། རིམ་བཞིན་འགྲན་སྡུར་གྱི་ལྟ་རོལ་རང་བཞིན་དང་ཆེད་ལས་ཚད་རྒྱུན་མཐུད་ངང་ཇེ་མཐོར་སོང་ནས་མི་མང་པོ་ཞིག་ཕྱོགས་བསྡུས་རང་བཞིན་གྱི་འགུལ་སྐྱོད་འགྲན་སྡུར་རྣམ་གྲངས་ནང་ཞུགས་བཞིན་ཡོད།

རྩོམ་སྒྲིག་པ། : ལྷ་ཆེན་རྒྱལ།